Waardevolle lesse uit ongelukkige voorvalle
Lugrederye behoort uit ander se foute te leer om beter diens aan kliënte te kan bied.
Estelle de Bruyn in Cancun, Mexiko - Waardevolle lesse kan geleer word en is inderdaad reeds deur die lugvaartbedryf geleer uit foute wat deur ander begaan is.
Die video van 'n voorval waarin dr. David Dao op Sondag 9 April vanjaar met geweld van 'n United Airlines-vlug verwyder is nadat die lugredery sy vlugte té vol bespreek het, het soos 'n veldbrand op sosiale media versprei en het die lugredery se beeld heelwat skade berokken.
Om sake te vererger, het die uitvoerende hoof van dié redery, mnr. Oscar Munoz, aanvanklik volgehou dat Dao die skuldige party was.
Hy het dit later berou toe die mediastorm nie wou bedaar nie en hy het voor 'n komitee van die Amerikaanse kongres erken die voorval was "’n mislukking van epiese omvang".
Nadat 'n geldelike skikking van 'n ongespesifiseerde bedrag met Dao bereik is, het die lugredery sy beleid verander.
In die toekoms sal hy enige passasier op 'n vlug wat té vol bespreek is met US$10 000 vergoed om vrywillig die vlug te verlaat.
Volgens die direkteur-generaal en uitvoerende hoof van IATA, mnr. Alexandre de Juniac, wat vrae oor die voorval tydens die nuuskonferensie na afloop van die IATA-beraad in Cancun, Mexico, beantwoord het, was die manier waarop dié passasier behandel is, onvanpas.
"Kommunikasie is noodsaaklik en daar is nooit genoeg daarvan nie. Uitvoerende hoofde moet leer uit dié voorval en belê in gesonde kliëntediens. Hulle moet ook meer op kliënte fokus.
"Dit is steeds belangrik om daarop te wys dat dit vandag baie beter gaan as wat dit 25 jaar gelede gegaan het, maar daar moet daarteen gewaak word om hierdie voorval in isolasie te sien," het De Juniac gesê.
British Airways (BA) se nagmerrie met 'n kragonderbreking, wat duisende passasiers oor 'n sogenaamde bankvakansie-naweek op Heathrow gestrand gelaat het, is volgens hom 'n voorbeeld van hoe rederye by mekaar kan leer.
Mnr. Willie Walsh, uitvoerende hoof van die International Aviation Group en voorheen uitvoerende hoof van Aer Lingun en British Airways, het aangebied dat die bevindinge van die ondersoek na wat alles aanleiding gegee het tot die probleme by Heathrow-lughawe, met ander rederye gedeel sal word om soortgelyke probleme in die toekoms te voorkom.
Sedert die naweek het ’n debakel in Katar ontvou met verskeie Midde-Oosterse lande wat 'n verbod op Qatar Airways geplaas het om na en van hul lande te vlieg en van hul lugruim gebruik te maak.
Hieroor het De Juniac gesê al word die nasionale soewereiniteit van individuele lande gerespekteer, moes vooraf beraadslaging en konsultasie ingevolge internasionale ooreenkomste verkieslik gedoen word.
Hy het die hoop uitgespreek dat lugverbindings spoedig herstel sal word.
Die video van 'n voorval waarin dr. David Dao op Sondag 9 April vanjaar met geweld van 'n United Airlines-vlug verwyder is nadat die lugredery sy vlugte té vol bespreek het, het soos 'n veldbrand op sosiale media versprei en het die lugredery se beeld heelwat skade berokken.
Om sake te vererger, het die uitvoerende hoof van dié redery, mnr. Oscar Munoz, aanvanklik volgehou dat Dao die skuldige party was.
Hy het dit later berou toe die mediastorm nie wou bedaar nie en hy het voor 'n komitee van die Amerikaanse kongres erken die voorval was "’n mislukking van epiese omvang".
Nadat 'n geldelike skikking van 'n ongespesifiseerde bedrag met Dao bereik is, het die lugredery sy beleid verander.
In die toekoms sal hy enige passasier op 'n vlug wat té vol bespreek is met US$10 000 vergoed om vrywillig die vlug te verlaat.
Volgens die direkteur-generaal en uitvoerende hoof van IATA, mnr. Alexandre de Juniac, wat vrae oor die voorval tydens die nuuskonferensie na afloop van die IATA-beraad in Cancun, Mexico, beantwoord het, was die manier waarop dié passasier behandel is, onvanpas.
"Kommunikasie is noodsaaklik en daar is nooit genoeg daarvan nie. Uitvoerende hoofde moet leer uit dié voorval en belê in gesonde kliëntediens. Hulle moet ook meer op kliënte fokus.
"Dit is steeds belangrik om daarop te wys dat dit vandag baie beter gaan as wat dit 25 jaar gelede gegaan het, maar daar moet daarteen gewaak word om hierdie voorval in isolasie te sien," het De Juniac gesê.
British Airways (BA) se nagmerrie met 'n kragonderbreking, wat duisende passasiers oor 'n sogenaamde bankvakansie-naweek op Heathrow gestrand gelaat het, is volgens hom 'n voorbeeld van hoe rederye by mekaar kan leer.
Mnr. Willie Walsh, uitvoerende hoof van die International Aviation Group en voorheen uitvoerende hoof van Aer Lingun en British Airways, het aangebied dat die bevindinge van die ondersoek na wat alles aanleiding gegee het tot die probleme by Heathrow-lughawe, met ander rederye gedeel sal word om soortgelyke probleme in die toekoms te voorkom.
Sedert die naweek het ’n debakel in Katar ontvou met verskeie Midde-Oosterse lande wat 'n verbod op Qatar Airways geplaas het om na en van hul lande te vlieg en van hul lugruim gebruik te maak.
Hieroor het De Juniac gesê al word die nasionale soewereiniteit van individuele lande gerespekteer, moes vooraf beraadslaging en konsultasie ingevolge internasionale ooreenkomste verkieslik gedoen word.
Hy het die hoop uitgespreek dat lugverbindings spoedig herstel sal word.
Kommentaar
Republikein
Geen kommentaar is op hierdie artikel gelaat nie