VSA kry al hoe minder krag uit steenkool
Ten spyte van pres. Donald Trump se pro-steenkool-beloftes in sy verkiesingsveldtog het meer steenkoolkragstasies in die eerste twee jaar van sy termyn as in oudpres. Barack Obama se hele eerste termyn gesluit.
In 2017 en 2018 is 23 400 megawatt (MW) se steenkoolkragopwekking teenoor 14 900 MW van 2009 tot 2012 gesluit, volgens die Amerikaanse Energie-inligtingsadministrasie (EIA) se data.
Trump het probeer om die reëls oor klimaatsverandering en die omgewing, wat onder die Obama-administrasie aanvaar is, om te keer sodat hy sy beloftes aan kiesers in steenkoolryke deelstate soos Wes-Virginië en Wyoming kan nakom.
Maar in 2018, Trump se tweede jaar as president, is die tweede meeste hoeveelheid megawatt-steenkoolkrag nog uit die kragnetwerk gehaal, naamlik 14 500 MW. Die piek van sowat 17 700 MW wat van die netwerk gehaal is, was in 2015 onder Obama.
Een megawatt kan 1 000 Amerikaanse huise van krag voorsien.
Die aantal Amerikaanse steenkoolkragstasies daal reeds sedert 2011 toe die land se steenkoolkragopwekkingsvermoë 317 400 MW was. Die daling sal na verwagting te midde van verbruikers se eise vir skoner en goedkoper energie voortgaan.
HERNUBARE KRAG
Goedkoop aardgas en die toenemende gebruik van hernubare krag soos son- en windkrag hou kragpryse al jare lank relatief laag, wat daartoe lei dat dit nie ekonomies sin maak om aan te hou belê in ouer steenkool- en kernkragstasies nie.
Sowat 8 422 MW steenkoolkrag en 1 500 MW kernkrag sal na verwagting vanjaar van die netwerk gehaal word en
10 900 MW se windkrag, 8 200 MW se sonkrag en 7 500 MW se aardgaskrag sal bygevoeg word, wys data van die EIA.
Die Trump-administrasie beplan om die Parys-ooreenkoms oor klimaatsverandering van 2015 te verlaat en het regulasies oor vrystellings deur kragstasies verslap in ’n poging om die binnelandse produksie van olie, gas en steenkool te stimuleer.
Amerikaanse koolsuurgasvrystellings het in 2018 skerp gestyg (ná dalings in die voorafgaande drie jaar) weens koue weer wat die vraag na gas vir verhitting verhoog het asook die groeiende ekonomie wat vliegtuie en vragmotors se brandstofbehoeftes vergroot het, blyk uit navorsing deur die Rhodium Group, ’n onafhanklike navorsingsgroep.
TRUMP-ADMINISTRASIE
Amerikaanse energie-verwante koolstofvrystellings het in 2017 die laagste vlak sedert 1992 bereik op 5 144 miljoen ton. Die EIA raam dat daar in 2018 altesaam 5 299 miljoen ton koolstof-ekwivalente gasse vrygestel is. Die finale data is nog nie beskikbaar nie.
Die Trump-administrasie het ook probeer om die uitdiensstelling van steenkool- en kernkragstasies te vertraag deurdat Rick Perry, minister van energie, in 2017 ’n direktief uitgevaardig het dat die ouerwordende eenhede gesubsidieer moet word omdat hulle die kragnetwerk veerkragtiger maak.
Voorstanders van gas, hernubare krag en verbruikers het hierdie plan gekritiseer en dit is eenparig deur die Amerikaanse Federale Energiereguleringskommissie (Ferc), onder leiding van die voormalige voorsitter, Kevin McIntyre, verwerp.
Die plan kan egter weer afgestof word noudat Trump die kans het om McIntyre te vervang. Hy is op 2 Januarie oorlede. – Netwerk24/Reuters
In 2017 en 2018 is 23 400 megawatt (MW) se steenkoolkragopwekking teenoor 14 900 MW van 2009 tot 2012 gesluit, volgens die Amerikaanse Energie-inligtingsadministrasie (EIA) se data.
Trump het probeer om die reëls oor klimaatsverandering en die omgewing, wat onder die Obama-administrasie aanvaar is, om te keer sodat hy sy beloftes aan kiesers in steenkoolryke deelstate soos Wes-Virginië en Wyoming kan nakom.
Maar in 2018, Trump se tweede jaar as president, is die tweede meeste hoeveelheid megawatt-steenkoolkrag nog uit die kragnetwerk gehaal, naamlik 14 500 MW. Die piek van sowat 17 700 MW wat van die netwerk gehaal is, was in 2015 onder Obama.
Een megawatt kan 1 000 Amerikaanse huise van krag voorsien.
Die aantal Amerikaanse steenkoolkragstasies daal reeds sedert 2011 toe die land se steenkoolkragopwekkingsvermoë 317 400 MW was. Die daling sal na verwagting te midde van verbruikers se eise vir skoner en goedkoper energie voortgaan.
HERNUBARE KRAG
Goedkoop aardgas en die toenemende gebruik van hernubare krag soos son- en windkrag hou kragpryse al jare lank relatief laag, wat daartoe lei dat dit nie ekonomies sin maak om aan te hou belê in ouer steenkool- en kernkragstasies nie.
Sowat 8 422 MW steenkoolkrag en 1 500 MW kernkrag sal na verwagting vanjaar van die netwerk gehaal word en
10 900 MW se windkrag, 8 200 MW se sonkrag en 7 500 MW se aardgaskrag sal bygevoeg word, wys data van die EIA.
Die Trump-administrasie beplan om die Parys-ooreenkoms oor klimaatsverandering van 2015 te verlaat en het regulasies oor vrystellings deur kragstasies verslap in ’n poging om die binnelandse produksie van olie, gas en steenkool te stimuleer.
Amerikaanse koolsuurgasvrystellings het in 2018 skerp gestyg (ná dalings in die voorafgaande drie jaar) weens koue weer wat die vraag na gas vir verhitting verhoog het asook die groeiende ekonomie wat vliegtuie en vragmotors se brandstofbehoeftes vergroot het, blyk uit navorsing deur die Rhodium Group, ’n onafhanklike navorsingsgroep.
TRUMP-ADMINISTRASIE
Amerikaanse energie-verwante koolstofvrystellings het in 2017 die laagste vlak sedert 1992 bereik op 5 144 miljoen ton. Die EIA raam dat daar in 2018 altesaam 5 299 miljoen ton koolstof-ekwivalente gasse vrygestel is. Die finale data is nog nie beskikbaar nie.
Die Trump-administrasie het ook probeer om die uitdiensstelling van steenkool- en kernkragstasies te vertraag deurdat Rick Perry, minister van energie, in 2017 ’n direktief uitgevaardig het dat die ouerwordende eenhede gesubsidieer moet word omdat hulle die kragnetwerk veerkragtiger maak.
Voorstanders van gas, hernubare krag en verbruikers het hierdie plan gekritiseer en dit is eenparig deur die Amerikaanse Federale Energiereguleringskommissie (Ferc), onder leiding van die voormalige voorsitter, Kevin McIntyre, verwerp.
Die plan kan egter weer afgestof word noudat Trump die kans het om McIntyre te vervang. Hy is op 2 Januarie oorlede. – Netwerk24/Reuters
Kommentaar
Republikein
Geen kommentaar is op hierdie artikel gelaat nie