Vrouebeamptes kóók

17 May 2018 | Misdaad
Denver Kisting – In net vier dae, van 7 tot 10 Mei, het 1 700 vrouebeamptes en ’n handjievol mans amper 200 mense dwarsoor Namibië aangekeer.

Dié suksesse was deel van die pas afgelope Operasie Basadi, waaraan vrouelede van die Namibiese polisie, die stadspolisie, korrektiewe dienste en ander wetstoepassende liggame deelgeneem het.

’n Totaal van 35 mense is weens uitstaande lasbriewe vir beweerde huishoudelike geweld in hegtenis geneem.

Hiernaas is sewe mense – insluitend ’n vrou – weens lasbriewe vir beweerde ootredings van die onderhoudwet in hegtenis geneem.

In dié tydperk het die polisie ook drie vermeende verkragters aangekeer. Die beweerde verkragtings het tydens dié vier dag lange veldtog gebeur.

Genl.maj. Anne-Marie Nainda, ’n adjunk-inspekteur-generaal in die Namibiese polisie, het tydens die bekendmaking van Basadi-statistieke in die hoofstad gister gesê 324 voertuig- en 286 voetpatrollies is tydens die veldtog onderneem.

Daarnaas is 219 padblokkades dwarsoor die land opgerig terwyl 1 067 mense deursoek is.

Volgens haar is beslag gelê op 15 messe, een machete (kapmes) en een vuurwapen.

Sy het voorts gesê 64 drinkplekke se deure is gesluit van die 701 kroeë en sjebeens wat besoek is.

Nainda sê die hooffokusareas was verkragting, aanranding – gewone en dié met die doel om ernstig te beseer, babastorting, alkoholmisbruik in die konteks van huishoudelike geweld, geweld in die algemeen en spesifiek huishoudelike geweld.

Boetes ten bedrae van N$478 000 is vir 429 verkeersoortredings uitgereik, terwyl een mens in hegtenis geneem is weens ’n onbetaalde verkeersboete en vir beweerde dronkbestuur.

’n Totale getal van 97 onwettige immigrante het ook agter tralies beland. Nainda sê dié immigrante is afkomstig van Angola, Suid-Afrika, Zimbabwe, Zambië en China.

Dit het ook gister aan die lig gekom dat beslag op 1 884 vervalste items gelê is. Dié goedere sluit onder meer kledingstukke, komberse, selfone, drank, sakrekenaars en gesigrome in.

Hiernaas, het Nainda gister gesê, is ’n 37-jarige man in die Khomasstreek in hegtenis geneem nadat dagga ter waarde van N$187 000 glo tydens ’n klein padblokkade in sy voertuig gevind is.

In die Hardapstreek het Mandrax en dagga met ’n straatwaarde van N$12 700 twee mans en een vrou agter tralies laat beland.

Basadi – wat “vroue” in Tswana beteken – is sowat vyf jaar as ’n Suider-Afrikaanse Ontwikkelingsgemeenskap (SADC)-inisiatief deur streekspolisiehoofde in die lewe geroep.

Soortgelyk

 

Polisie konfiskeer kerk se luidsprekers in Oshakati

1 dag gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

1 dag gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

1 dag gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

1 dag gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

1 dag gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

1 dag gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

1 dag gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

1 dag gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

1 dag gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...