‘Vroue is sterk’

‘Eerste stap teen geslagsgeweld’

19 February 2019 | Maatskaplik
Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.

TrueKrav bied selfverdedigingslesse aan, wat Namibiërs in staat stel om aanvalle te oorleef.

Mnr. Francois Dames, ’n Truekrav Namibia-instrukteur, het gesê die feit dat vroue die geleentheid bywoon, is reeds die eerste stap om teen geslagsgeweld op te staan.

“Dit gaan nie net oor een of twee vroue wat oor geslagsgeweld praat nie. Dit moet ’n beweging word waar vroue opstaan en sê ‘genoeg is genoeg’,” sê Dames.

TrueKrav Namibia werk saam met die stadspolisie om polisiebeamptes op te lei, waarná die polisie oorlewendes van geslagsgeweld ook na TrueKrav kan verwys.

“Mans glo vroue is kwesbaar en swak, maar TrueKrav bied vroue die nodige vaardighede en emosionele intelligensie om nie oorhaastige besluite in ’n krisis te neem nie,” het konst. Katrina Nomboga van die stadspolisie gesê, wat ook die geleentheid bygewoon het.

Dames het gesê die grootte van ’n aanvaller, en hoe sterk of fiks hy is, is nie bepalende faktore nie.

“Ek gee vroue die vaardighede om énige aanvaller af te weer. Jy het nie altyd beheer oor dit wat met jou gebeur nie, maar jy het beheer oor jou reaksies,” het Dames gesê.

Me. Marcel Theron, wat aan TrueKrav verbonde is, het ’n demonstrasie van TrueKrav se tegnieke saam met Dames gelewer.

“Dit gaan alles oor herhaling. Die bewegings raak later tweede natuur, en dit gee jou die kans om eers te kalmeer wanneer jy jouself in sulke omstandighede bevind, en om dan kalm besluite te neem,” het Theron gesê.

Dames het al met slagoffers van geslagsgeweld, verkragting en aanvalle gewerk om die fisieke en emosionele vaardighede aan hulle oor te dra om die trauma te verwerk, en om op soortgelyke situasies in die toekoms voorbereid te wees.

Dames werk verder met verskeie beraders, kerke en plekke wat as veilige hawens vir oorlewendes van geslagsgeweld kan dien.

Dames het die geleentheid gebruik om bewustheid van geslagsgeweld in en om Windhoek te skep.

“Geslagsgeweld is nie iets wat tot byvoorbeeld die Noorde of Windhoek beperk is nie. Dit is ’n probleem wat ons hele land teister, en ons het die verantwoordelikheid om daaroor te praat.”

Dames wil die wanopvatting dat vroue swak is verander.

“Vroue is sterk, en jy hoef nie ’n gewelddadige mens te wees om jouself te beskerm nie. Jy is sterk genoeg. Al wat jy nodig het, is die nodige vaardighede om hierdie krag reg aan te wend.”

Vir meer inligting, besoek TrueKrav Namibia se Facebook-blad.

Soortgelyk

 

Laat koppe rol - Jooste, SPYL

9 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Namibiërs betoog oor korrupsie

9 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

9 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

9 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...

Buitelandse mediese studente: Eksamen nietig verklaar

9 ure gelede | Gesondheid

Henriette Lamprecht – Die jongste pre-internskapevaluering van 297 studente wat medies in die buiteland studeer het, is nietig verklaar. Die evaluering is op 27 September...

Passasiers gestrand ná Frankfurt-botsing

9 ure gelede | Vervoer

Ronelle Rademeyer - Dit is in hierdie stadium nie bekend wanneer Air Namibia se vlugte tussen Frankfurt in Duitsland en Windhoek sal hervat nie.Dit volg...

Die kwaliteit van verkiesings

9 ure gelede | Politiek

Christie Keulder – Gereëlde vry en regverdige verkiesings is die rugraat van enige demokrasie.Die kwaliteit van verkiesings is daarom onontbeerlik vir die konsolidering van nuwe...

VERKIESINGS 2019: Regeringstrukture en die staatsdiens

9 ure gelede | Politiek

Die reeks neem politieke partye se manifeste oor sleutelkwessies in oënskou.ALL PEOPLE’S PARTY (APP)• Sny die uitspattige salarisse van openbare ondernemings (SOE’s) se direksie, uitvoerende...

Christchurch-krisis help Namibië

9 ure gelede | Mense

Denver Kisting – ’n Namibiese egpaar wat Nieu-Seeland toe is vir nagraadse studie het met meer as doktorsgrade teruggekeer.Dr. Rosa Persendt vertel by navraag: “Dis...