Vroue in uniform vat voor

Drank wek meeste kommer

07 December 2018 | Misdaad
Denver Kisting



'n Totaal van 249 mense is tydens die vier dae van die pas afgelope Basadi-veldtog aangekeer.

Dít verteenwoordig 'n toename van bykans 50% meer as die 167 mense wat in Mei vanjaar tydens die vorige been in hegtenis geneem is.

Basadi, wat “vroue” in seTswana beteken, is sowat vyf jaar gelede as 'n insiatief van die Suider-Afrikaanse Ontwikkelingsgemeenskap (SADC) deur streekpolisiehoofde in die lewe geroep.

Van die mense wat onlangs agter tralies beland het, was 34 vroue en 215 mans, het genl.maj. Anne-Marie Nainda, 'n adjunk-inspekteur-generaal van die Namibiese polisie, gister onthul.

Die meerderheid, 203, was Namibiërs, terwyl vier Kongolese, drie Chinese, 16 Zimbabwiese, 14 Angolese en nege Zambiese burgers ook aangekeer is.

Nainda het gister gesê 42 sake van huishoudelike geweld is in die vier dae by hulle aangemeld.

'n Totaal van 32 mense is weens beweerde geslagsgegronde geweld in hegtenis geneem, terwyl drie formele waarskuwings kragtens die wet op huishoudelike geweld uitgereik is.

In daardie vier dae het twee klaers om beskermingsbevele aansoek gedoen.

Nainda het gisteroggend tydens 'n nuuskonferensie in die hoofstad gesê 17 beskermingsbevele is op ses vroue en 11 mans onderskeidelik beteken.

Sy het voorts gesê 14 mense is weens die beweerde wanbetaling van onderhoud in hegtenis geneem.

In daardie vier dae is 'n vrou ook weens die beweerde verwaarlosing van 'n kind aangekeer, terwyl 'n ander verdagte vanweë beweerde ontvoering in boeie geslaan is.

Twee voorvalle van beweerde verkragting is aangemeld, waarvoor twee verdagtes aangekeer is.

Die vrouebeamptes het voorts 182 drankwinkels toegemaak, 17 boetes uitgereik en nege vroue, wat saam met hul babas aan die drink was, is gewaarsku.

Volgens die bevindinge is 56 minderjarige kinders by watergate aangetref en eweneens gewaarsku.

Hiernaas is 24 mense weens beweerde dronkbestuur aangekeer, terwyl 640 verkeersboetes ten bedrae van N$464 375 uitgereik is.

Nainda sê drank bly die grootste bron van kommer, omdat verdagtes dikwels onder die invloed van drank en/of dwelms is wanneer hulle 'n misdaad pleeg.

Die veldtog het op 28 November afgeskop en op 2 Desember ten einde geloop.

Soortgelyk

 

Honderde miljoene vir veevoer nodig

17 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

17 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

17 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

17 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

17 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

17 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

17 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

17 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

17 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...