Vrou wat kraam se pelvis breek glo in staatshospitaal

‘Deur gesig geklap, op maag geslaan’

22 February 2019 | Gesondheid
font face="Verdana" >

Henriette Lamprecht – Wat ’n normale bevalling moes wees, het na bewering vir ’n jong ma ’n gebreekte pelvis, gebreekte heup en reusebloedverlies besorg.

Die 19-jarige vrou beweer sy is tydens die kraamproses in die staatshospitaal op Otjiwarongo verskeie kere deur die gesig geklap en aan haar onderlyf geruk en gepluk.

Volgens haar moes sy ná die geboorte van haar seuntjie inderhaas met ’n ambulans na die Katutura-staatshospitaal vervoer word, waar sy ’n bloedoortapping moes ontvang.

Tydens ’n ses uur lange operasie moes haar pelvis en heup, wat glo frakture gehad het, boonop met ’n plaat en skroewe geheg word.

’n Skeur aan haar perineum, wat sy glo tydens die kraamproses opgedoen het, is glo ook geheg.

Die jong vrou, wat geboorte aan haar eersteling gegee het, sal volgens ’n spesialis nooit weer normaal geboorte kan skenk nie, beweer sy.

Sy mag vir die volgende minstens vyf jaar ook nie weer swanger raak nie.

Die vrou van Windhoek het in ’n onderhoud met Republikein vanuit haar hospitaalbed gesê sy kan vyf dae ná die geboorte van haar seuntjie steeds nie beweeg op loop nie.

Volgens haar is sy ook in geweldige pyn en is sy nog baie swak.

Haar nagmerrie het begin toe haar water Saterdagoggend op Otjiwarongo gebreek het. Sy was op besoek aan dié dorp.

Die vrou is toe glo na die staatshospitaal op die dorp geneem en in die kraamsaal opgeneem met ses of sewe verpleegsters om haar by te staan.

Haar tannie was ook teenwoordig, het sy vertel, maar is teen 19:00 die aand deur personeel gevra om die saal te verlaat.

Volgens personeel was die tannie die rede waarom sy “geskree het soos sy geskree het”, sê die vrou.

Sy sê haar kraampyne het vererger en sy het swaar begin bloei.

“Hulle het my nie skoongemaak nie en die bloed het later van die bed af gedrup. Ek het hulle gesmeek om my te help, want ek kon voel hoe raak ek al hoe swakker soos ek bloed verloor,” het sy vertel.

Die verpleegsters se antwoord op haar pleidooi was glo: “Moenie vir ons kom besluit wat om te doen nie.”

“Hulle het my deur die gesig geslaan, my hand gevat en dit in my probeer opdruk om te voel waar die kind se kop is. Een van die verpleegsters het met haar een knie op die bed kom sit en my op die maag geslaan,” sê die vrou.

Een van die verpleegsters het haar na bewering met soveel geweld aan haar bene geruk om laer op die bed te lê, dat haar heup uitgehaak het.

Ná die geboorte van haar seuntjie kon die vrou glad nie beweeg nie en kon sy nie haarself op ’n draagbaar lig, waarop sy per ambulans na die Katutura-hospitaal geneem sou word nie, sê sy.

Sy beweer een van die verpleegsters het aan die ambulansbestuurder gesê: “Sy het die pyn in haar kop gesit en nou glo sy sy kan nie beweeg nie.”

Die jong ma se voete is toe glo met ’n handdoek vasgebind om dit bymekaar te hou.

Volgens die vrou moet sy nog ’n maand en twee weke in die Katutura-hospitaal bly.

“Ek kan nie beweeg of loop nie en het vreeslik pyn. Ek gaan dit nooit vergeet nie. Gelukkig is my seuntjie oukei, hy het net ’n knop op sy kop.”

Soortgelyk

 

Padgebruik al duurder

3 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Padgebruik al duurder

3 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Gesondheid: Advertensie vals

4 ure gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

14 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

14 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

14 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

14 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

14 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

14 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...