Vrou verdrink glo 3-jarige nefie

03 January 2017 | Misdaad
Tanja Bause - In teenstelling met die Kersnaweek het Namibië 'n bloedige Nuwejaarsnaweek agter die rug, met minstens sewe mense wat vermoor is.

In 'n skokkende voorval op Oujaarsaand het 'n 27-jarige vrou na bewering tussen 19:00 en 23:00 haar driejarige nefie in ’n houer vol water gedruk en dit met 'n deksel toegemaak. Volgens 'n woordvoerder van die Namibiese polisie, ao. Immanuel Lazarus, het Angula Angula Kahima van die Omundjala-nedersetting op Outapi in die houer verdrink. Die vrou is in hegtenis geneem.

Die polisie op Rundu soek na die liggaam van die 31-jarige mnr. Mundanya Joseph Tjiwawa wat by Rundu-strand in die Kavangorivier verdrink het nadat hy deur twee mans in die rivier gegooi is. Na bewering het die twee mans om onbekende redes vir Tjiwawa, wat glo onder die invloed van drank was, gegryp en in die rivier gegooi. Die verdagtes, van die Sauyema-nedersetting op Rundu, is in hegtenis geneem.

Mnr. Kenneth Kobetsi (16) is na bewering deur 'n 18-jarige man met ’n mes doodgesteek nadat hulle in ’n woordewisseling betrokke geraak het oor wie beter kan dans. Die voorval het op 30 Desember om 23:00 by die Entertainment Center in die Dolam-woonbuurt in Katutura plaasgevind.

Mnr. Petrus Willem (17) is deur 'n man met ’n mes in die bors gesteek nadat die oorledene en vyf van sy vriende glo die man aangeval en probeer beroof het. Die man het glo uit selfverdediging vir Willem met ’n mes gesteek. Die voorval het op 31 Desember om 00:40 in Ongavastraat in die Wanaheda-nedersetting in Katutura plaasgevind.

Mnr. Silvanus Martin (23) is dood nadat hy deur 'n 23-jarige, manlike familielid met ‘n mes in die kop gesteek is. Die voorval het op 1 Januarie plaasgevind by die kamer wat hulle in die Goreangabdam-nedersetting gedeel het.

Mnr. Johannes Jefta (22) is deur ’n onbekende persoon met ’n mes in die bors gesteek. Hy het van ’n vriend se huis in Green Mountainstraat in die Goreangabdam-nedersetting na sy huis toe gestap toe die voorval op 31 Desember om 06:00 plaasgevind het.

Die halfnaakte liggaam van ’n vrou in haar dertigs is die naweek onder ’n brug in Florence Nightingale-straat in Khomasdal gevind. Haar klere was op die toneel versprei en die polisie het ook ’n kombers en matras gevind. Die polisie vermoed dat sy eers verkrag en toe vermoor is.

Mnr. Elikana Lingo Natoolewe Uuyage van die Uukwanfongo-nedersetting in die Omusati-streek is Vrydag dood nadat hy op 19 Desember met ’n bierbottel oor die kop geslaan is. Hy is na die Okahao-distrikshospitaal geneem en later na die Oshakati intermediêre hospitaal oorgeplaas waar hy op 30 Desember dood is. 'n 27-jarige man is in verband met die voorval in hegtenis geneem.

Soortgelyk

 

Geingob nooi Britse ondernemings na Namibië

20th of April 07:11 | Regering

Pres. Hage Geingob het gister (Donderdag) saam met 45 ander staatshoofde die amptelike opening van die Statebondsberaad as gas van koningin Elizabeth by Buckingham Paleis...

Hoop in 'n bondeltjie liefde

6 ure gelede | Omgewing

Hope, die bobbejaan wat in 2016 in die nuus was nadat sy in Windhoek erg mishandel is, het ma geword. Ná sy gered is, het...

Raad ondersoek psigiater

6 ure gelede | Howe

Henriette Lamprecht Die Raad vir Gesondheidsbe­roepe in Namibië (HPCNA) ondersoek verskeie klagtes van onprofessionele gedrag teen 'n psigiater aan die kus.Die psigiater word onder meer...

Hanse-Himarwa gister in hoërhof

6 ure gelede | Howe

Denver Kisting Me. Katrina Hanse-Himarwa, die minister van onderwys, kuns en kultuur, het gisteroggend vlugtig in die Windhoek-hoërhof op aanklag van korrupsie verskyn.Tydens die verskyning...

Okanatje vir Hope

6 ure gelede | Omgewing

Tanja Bause – Hope, die bobbejaan wat in Julie 2016 beseer en mishandel in Windhoek gevind is, het volkome herstel en is vandag ’n trotse...

Groot kommer oor nooddienste in Erongo

6 ure gelede | Regering

Des Erasmus - Ernstige kommer bestaan oor die beskikbaarheid en gehalte van munisipale nooddienste in die Erongo-binneland ná ‘n geknelde vrou se ure van ontbering...

Weer, Vrydag 20 April 2018

6 ure gelede | Weer

BINNELAND: Mooi weer en warm, maar baie warm in die Noorde.KUS: Gedeeltelik bewolk en matig met miskolle in die oggend.GETYE BY WALVISBAAI: H 06:10...

Kalender 20 April

6 ure gelede | Kuns en vermaak

Nou aan die gang» Die Nasionale Teater van Namibië (NTN) bied verskeie poppekaskonserte aan. The Dilemma of Manie Ant is vanaand en môre op...

Bewoners van rivierbedding verskuif

6 ure gelede |

Maria EisebDie Windhoekse munisipaliteit gaan inwoners van die informele nedersetting waar 'n ma en haar seuntjie hul lewens as gevolg van 'n kitsvloed verloor het,...