Vrou probeer eie lewe neem voor skulderkenning

Serfontein-saak wéér uitgestel

14 February 2019 | Plaaslik
Ronelle Rademeyer - Die 49-jarige boekhouer van Windhoek wat gister skuld sou beken op klagtes wat verband hou met beweerde bedrog van sowat N$17 miljoen, het Sondagmiddag haar eie lewe probeer neem.

Adv. Louis Botes het regter Kobus Miller gisteroggend in die hoërhof in Windhoek meegedeel dat me. Stephanie Serfontein se fisieke en geestelike gesondheid nie van so ’n aard is dat sy die hofverrigtinge kan bywoon nie.

Haar gewese man, mnr. Izak Serfontein (47), wat saam met haar tereg staan, was wel gister by die hof teenwoordig. Mnr. Jan Wessels verskyn vir hom.

Die Serfonteins is in Julie 2012 in hegtenis geneem. Die bewering is dat sy tussen 2008 en 2012 toe sy as boekhouer by Ferrodrill Namibia gewerk het, bedrog ter waarde van N$17 miljoen gepleeg het. Die geld is na bewering van die maatskappy se rekening na dié van haar gewese man en haar dogter, asook haar eie rekening oorbetaal.

Botes, wat in opdrag van mnr. Sarel Maritz vir haar verskyn, het ’n mediese sertifikaat van ’n dokter ingedien wat lui sy is “in geen toestand – fisiek of geestelik – om in die hof te verskyn nie”.

’n Brief van ’n sielkundige is ook ingedien wat bevestig dat sy as deel van “krisisbestuur” ná haar mislukte selfdoodpoging behandeling ontvang.

Regter Kobus Miller wou van Botes weet of Serfontein nie ’n gevaar vir haarself is nie en of dit nie beter sal wees om ’n dagvaarding vir haar inhegtenisneming uit te reik sodat sy in aanhouding geplaas kan word nie.

Hierop het Botes geantwoord hy dink dit sal meer skade doen “om iemand wat in dié toestand is” in die polisieselle toe te sluit.

“Daar is geen waarborge in die lewe nie. Daar is geen waarborg dat sy nie in aanhouding ’n manier sal vind om haarself om die lewe te bring nie,” het hy gesê.

Me. Constance Moyo, vir die staat, het die ondersoekbeampte wat Serfontein vroeg gisteroggend aan huis van haar dogter en skoonseun besoek het, geroep om te getuig. Sy word tans deur hulle versorg.

Insp. Emily Prada, ondersoekbeampte in die eenheid vir kommersiële misdaad, het getuig Serfontein het gehuil toe sy haar by die voordeur ontvang en binnegenooi het.

“Sy het gesê sy is baie emosioneel, want sy mag dalk tronk toe gaan. Sy het vir my die geskiedenis van die saak vertel,” het Prada aan die hof vertel.

Volgens haar waarneming was Serfontein “fisiek normaal” en kon sy die dag onthou toe sy in hegtenis geneem is.

Die saak teen die Serfonteins het sowat drie jaar gelede ontspoor toe die dossier verdwyn en dit van die rol verwyder is. Hulle was in daardie stadium uit op borgtog van N$75 000 elk en die geld is aan hulle terugbetaal.

Toe die dossier later weer te voorskyn kon, het die vervolging hervat. Hulle is toe net op waarskuwing vrygelaat.

Miller het die verhoor gister tot 21 Februarie uitgestel en gelas dat sy van daardie dag af in aanhouding sal wees omdat sy skuld gaan beken.

Soortgelyk

 

Vier wildehonde proe vryheid

18th of July 10:28 | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

9 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

9 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

9 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

9 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

9 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

9 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

9 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

9 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...