Vrou met demensie se hoop op hof

Oorwinning vir Namibiërs

26 November 2018 | Howe
Henriette Lamprecht – Vyf jaar ná ‘n vrou van die Noorde deur ‘n buurvrou ‘n “heks” genoem is, en in die proses haar lewensmiddele verloor het, het die wiele van geregtigheid eindelik in haar guns begin draai.

Me. Frankhilde Haingura, wat demensie het, het in 2013 al haar beeste, bokke en ‘n cuca-winkel verloor.

Dít omdat haar gemeenskap haar uit onkunde verwerp het.

Op 19 November het Haingura se buurvrou en dié se dogter uiteindelik in die hof op Kahenge in Kavango-Wes verskyn op onder meer ‘n klag van aanranding met die doel om ernstig te beseer.

Laasgenoemde hou verband met ‘n voorval in Januarie 2013 toe die twee vroue Haingura ernstig met klip aangerand en haar vir dood agtergelaat het.

Sy het ‘n klag teen haar aanvallers gelê, maar die saak is van die hofrol geskrap, omdat die twee vroue volgens die landdros nie toegang tot regshulp gehad het nie.

Haingura se aanvallers het op 19 November uiteindelik weer in die hof verskyn, ná die saak weer danksy die hulp en ondersteuning van Alzheimer Dementia Namibia (AND) en die stigter van dié organisasie, mnr. Berrie Holtzhausen, weer op die rol geplaas is.

Volgens Holtzhausen was dit ‘n oorwinning vir alle Namibiërs wat met demensie saamleef en wat as hekse beskou word.

Vir Haingura en haar seun Andreas was dit ‘n reuseverligting toe die landdros tydens haar aanvallers se hofverskyning gesê het om iemand ‘n heks te noem en haar te probeer doodmaak, is ‘n strafregtelike oortreding, sê Holtzhausen.

Die saak kom weer op 14 Januarie aanstaande jaar voor.

Soortgelyk

 

Geingob: Gelukkig Vrouedag, vroue

1 dag gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

1 dag gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

1 dag gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...

Jeuggeweld ruk Outjo

2 dae gelede | Misdaad

Denver Kisting Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek...

Minister gee Nida nuwe raad

2 dae gelede | Plaaslik

Ogone Tlhage – Die raad van die nuwe agentskap vir nywerheidsontwikkeling in Namibië (Nida) sal gereeld moet vergader om homself as semi-staatsinstelling te vestig. So...