Vrou getuig oor Hentiesbaai-moord

'Slagoffer was pure kind'

14 September 2017 | Howe
Jacqueline Louw – Me. Mariana Maasdorp het gister in die hoërhof in Windhoek getuig dat haar dogter bevriend was met die 13-jarige meisie wat meer as drie jaar gelede wreed vermoor en verkrag is en in ’n halfgeboude huis in Hentiesbaai aangetref is.

Maasdorp het aan die hof vertel dat die oorledene, Rachel Vanessa Boois, fyn, klein en kinderlik was en dat dit onmoontlik was vir die beskuldigde, mnr. Jandre Jacques De Klerk, om nie te sien dat sy “net ’n klein kind was nie”.

De Klerk staan tereg op ’n klag van moord, twee klagte vn verkragting en ’n klag van skending van ’n dooie menslike liggaam wat spruit uit die dood van Boois op 3 tot 4 Mei 2014. Hy het aan die begin van sy verhoor skuld op al die klagte ontken.

De Klerk se prokureur, mnr. Titus Mbaeva, het regter Alfred Siboleka meegedeel dat sy kliënt seks met die oorledene met haar toestemming gehad het, maar nie die presiese datum kon onthou nie. Volgens Mbaeva het De Klerk nie geweet dat Boois ’n minderjarige was toe hulle seks gehad het nie, en ook nie geweet dat dit ’n misdaad is om omgang met ’n minderjarige te hê nie.

Maasdorp het op ’n vraag deur Mbaeva of De Klerk ’n romantiese verhouding met die oorledene gehad het, gesê: “Sy was pure kind; sy was meeste van die tyd kaalvoet en het nie ‘geworry’ oor haar voorkoms nie.”

Maasdorp het gister getuig oor die gebeure voordat sy en haar gesin die nuus van Boois se moord die oggend van 4 Mei 2014 gehoor het. De Klerk is die seun van Maasdorp se hegte vriendin, Annetjie Titus, en het dikwels by Maasdorp aan huis gekom. Die aand voor die moord het Maasdorp, haar kinders en Titus by ’n vriend, mnr. David Tueutjiua, gekuier. Voordat hulle vir hul besoek vertrek het, het die oorledene Maasdorp gevra of haar dogter haar na ’n nabygeleë winkel kan vergesel om brood te koop. Dit was die laaste keer wat Maasdorp die tiener gesien het.

Volgens Maasdorp het De Klerk teen ongeveer 22:00 op 3 Mei by Tueutjiua se huis opgedaag. Tueutjiua het N$100 aan De Klerk gegee om wyn te koop. Hy het egter nie daardie aand met die wyn opgedaag nie en Tueutjiua moes self vir die aankope uitgaan.

Die volgende dag teen ongeveer 4:00 tot 6:00 het Maasdorp ’n klop aan Tueutjiua se deur gehoor. Sy het getuig dat sy die deur oopgemaak het en dat ’n “winddronk” De Klerk voor die deur gestaan het. Sy het hom gevra waar die wyn was en hy het gesê hy het probleme gehad en die geld het weggeraak.

Volgens Maasdorp het De Klerk vertel dat hy die vorige aand na ’n klub in die omgewing was en deur ene me. Jennifer Louw gevra is om twee biere vir haar te koop. Hy het egter ’n bottel rooiwyn gekoop. Louw was onsteld daaroor en ’n onderonsie het ontstaan. Hy het vertel dat hy daarna deur die polisie in hegtenis geneem en aangerand is, het Maasdorp getuig.

Maasdorp het verder getuig dat De Klerk bloederige, vars krapmerke aan sy voorarms gehad het. Volgens haar het hy niks makeer toe hy weg is om die wyn te koop nie.”Dit is Jennifer wat hom so geklou het,” het hy die krapmerke aan Maasdorp verduidelik. Louw is ook intussen dood.

Maasdorp en haar kinders dieselfde oggend terug na hul huis waar sy die nuus van Boois se dood van haar suster verneem het. Die beskuldigde was ook daar, besig om klere te was. Volgens Maasdorp het hy opgemerk dat hy nie kan glo dat iemand dit aan so ’n klein kind kon doen nie en dat hy nie geweet het wat hy sou doen as dit sy suster was nie.

Soortgelyk

 

Trump laat Amerika bloos oor 'Nambia"

12 ure gelede | Internasionaal

Pres. Donald Trump van Amerika het gister tydens ‘n vergadering met Afrikaleiers in New York na Namibië as “Nambia” verwys.Tydens die ontmoeting het Trump gesê:...

Ysterertsmyn dalk op Windhoek se voorstoep

22 ure gelede | Plaaslik

Ronelle Rademeyer - Gemeenskapsvergaderings word vandag by Neudamm en in Windhoek gehou vir insette oor die impak wat die beplande ysterertsmyn 50 km oos van...

Droogtenood in Suide al groter

22 ure gelede | Omgewing

Ronelle Rademeyer 'n Projek, onder aanvoering van die Keetmanshoop Streekslandbou-unie (SLU), is tans werksaam om dringend voer vir vee op meer as 50 plase in...

wenfoto by Hakos gekiek

22 ure gelede | Omgewing

Die wenner van die Insight Sterrekunde Fotograaf van die Jaar-kompetisie het sy foto in Namibië geneem. Die Rus Artem Mironov is vanjaar se algehele wenner­...

Nuwe stelsel veroorsaak chaos by lughawe

22 ure gelede | Plaaslik

Catherine Sasman Die ministerie van binnelandse sake en immigrasie sê dit het 'n korttermyn­oplossing gevind om die chaotiese­ vertragings by die Internasio­nale Lughawe Hosea Kutako...

Weer vir 21 September

22 ure gelede | Weer

BINNELAND: Gedeeltelik bewolk en baie tot bloedig warm. Winderige toestande word in die Noorde en oor die sentrale hoëgrond verwag. KUS: Gedeeltelik bewolk en matig...

'Noord-Amerikaners wil Namibië besoek'

22 ure gelede | Toerisme

Namibië is 'n toeristebestemming wat Noord-Amerikaners graag wil besoek.Só sê die besturende direkteur van Namibia Wildlife Resorts (NWR), me. Zelna Hengari, wat saam met die...

Tienermeisie steek baba glo in tas weg

22 ure gelede | Misdaad

Twee vroue, van wie een 'n skoolmeisie is, is Dinsdag in verband met die verberging van 'n geboorte in hegtenis geneem.OMUTELEVolgens die Namibiese polisie se...

Goeie nuus vir sekuriteitswagte

22 ure gelede | Arbeid

Augetto Graig - Die ministerie van arbeid, nywerheidsbetrekkinge en werkskepping het aangekondig sekuriteitswagte in Namibië moet van verlede Vrydag (15 September) af ten minste N$8,75...