Vroeggebore: ‘n Vyfde sterf

Geldtekort eis babas

29 November 2018 | Gesondheid
Henriette Lamprecht – Sowat 300 babas sterf uit die 1 500 wat in die neonatale intensiewesorgeenheid (NICU) van die Windhoek Sentrale Hospitaal opgeneem word.

Volgens die Demografiese Gesondheidsopname van 2013 is die algehele neonatale sterftekoers in Namibië 20 uit 1 000 lewende geboortes, dus 20% teenoor dié van ‘n land soos Brittanje waar die koers 2,5% is.

Dr. Wim de Mey, spesialis verbonde aan die neonatale eenheid by die Sentrale Hospitaal, het egter beklemtoon uit die 1 500 babas wat hier opgeneem word, het 1 200 steeds oorleef.

“Ons slaag daarin om 1 200 babas per jaar lewend te hou,” het hy tydens die vieringe van Wêreldprematuurdag by die NICU in Windhoek gesê.

Dit ondanks ‘n “kritieke tekort aan personeel en pediatriese chirurge” soos volgens ‘n verslag van Neo for Namibia – Helping Babies Survive wat in September vrygestel is. Volgens ‘n ingeligte bron lyk die situasie vir personeel en toerusting “sleg, maar daar is net nie geld nie”.

Dit word beaam deur ‘n ouer wie se vroeggebore babas tans in die NICU behandel word waar die omstandighede volgens hom alles behalwe ideaal is.

“In ‘n stadium was daar 54 babas vir ‘n eenheid wat vir 30 babas bestem is, met een suster wat na tot tien babas moet omsien,” het hy gesê.

Volgens die ouer is hy en sy vrou soggens reeds sesuur by die eenheid om die “dagskof van doeke ruil en melk gee” te vat.

“Die diens is swak en die susters nors en onprofessioneel. Al wat hulle sê, is hulle is te min en die staat het nie geld nie.” Volgens hom hom was daar in ‘n stadium 56 babas wat in die vier intensiewesorgsale-deel van die eenheid gelê het.

“Daar is skaars plek vir die broeikaste en ouers moet nog hier ingaan vir elke drie uur se voeding.”

Met een suster verantwoordelik vir agt tot tien babas, gebeur dit volgens hom dikwels dat die suster “almal terselftertyd” moet hanteer.

“Soms kry hulle nie eens kans om van een baba na die ander hande te was of te ontsmet nie. Hulle is te min en moet maar klaarkom met die bietjie wat hulle het.”

Volgens die ouer is die eenheid ‘n gesondheidsrisiko en is die antwoord op klagtes “die begroting vir volgende jaar is met N$2,7 miljoen gesny”.

“Ek het ses jaar gelede ‘n kind hier verloor, hy was maar ‘n maand en twee weke oud. Ek bid elke dag dat God ons genadig sal wees en ons babas lewend hier uitkom.”

Soortgelyk

 

Gesondheid: Advertensie vals

14 minute gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

10 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

10 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

10 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

10 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

10 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

10 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...

Water: Hou rekord van elke druppel

10 ure gelede | Regering

Elvira Hattingh - Tot 90% van die water in Windhoek wat onnodig weens lekkasies of buitensporige waterverbruik verlore gaan, sou gespaar kon word indien huishoudings...

Semifinalis onttrek aan Mej. Namibië

10 ure gelede | Gebeure

Tanja Bause - 'n Semifinalis in die Mej. Namibië 2019-kompetisie, ­Michelle Pretorius, het aan die geleentheid onttrek. Volgens haar ma, me. Anke Pretorius, het Michelle...