Vroeë Krismis vir toerisme
Ná 'n droewige vertoning in die eerste ses maande van verlede jaar het plaaslike toerisme in die derde kwartaal beduidend herstel.
Jo-Maré Duddy - Toerisme, wat in die derde kwartaal verlede jaar 'n opbloei beleef het, het werkgeleenthede en kapitaalbesteding in dié sektor 'n stewige hupstoot gegee.
FNB/Fenata se reisindeks vir dié kwartaal toon reële groei van 3,4% teenoor 'n negatiewe vertoning van 2,1% vir dieselfde drie maande in 2015.
Die indeks is met goeie nuus deurspek: 58,9% van respondente sê meer toeriste het vir beter besigheid in die derde kwartaal gesorg, terwyl 61,2% sterk inkomstevloei ondervind het. 33% van respondente het meer mense in diens geneem en 51,5% het kapitaal in herstelwerk, onderhoud en nuwe beleggings ingepomp.
FNB/Fenata se bevindings beaam data wat in Desember deur die Namibië Statistiekagentskap (NSA) vrygestel is. Hiervolgens het hotelle en restaurante – 'n aanwyser van toerisme – in die derde kwartaal op 'n jaargrondslag met 10,3% gegroei nadat dit die vorige kwartaal met 15,5% ingekrimp het. In die eerste kwartaal vanjaar kon dié sektor net groei van 0,2% behaal.
Mnr. Daniel Kavishe, hoof van marknavorsing van FNB Namibia, skryf die derde kwartaal se goeie vertoning aan die swak Namibiese dollar toe. Amerikaanse en Europese toeriste kon dus goedkoper na Namibië reis. Die indeks wat bednagte meet, was 10,4% hoër as in die tweede kwartaal, sê Kavishe.
optimisme
Respondente het groot verwagtinge vir die laaste kwartaal van 2016 gehad. Die sentimentindeks het tot 3,5 punte gestyg vergeleke met 1,8 punte 'n jaar gelede. Dit is die hoogste vlak van dié indeks ooit, sê Kavishe.
Meer as 61% van respondente het goeie inkomste in die vierde kwartaal van 2016 verwag, vergeleke met 45,1% in 2015. Sowat 21% het gesê hul personeel sal moet vergroot, terwyl 70% aangedui het hul arbeidsmag sal dieselfde bly. Ook dié optimisme is die hoogste ooit, aldus Kavishe.
Groot uitdagings staar die bedryf egter steeds in die gesig, toon die indeks. Onervare personeel is deur 38% van respondente as hul grootste kopseer uitgesonder, gevolg deur 23% wat meen 'n tekort aan geredelik beskikbare kapitaal strem hulle.
Sowat 19% beskou swak bemarking van Namibië, veral van die Suide, op oorsese markte as 'n struikelblok, terwyl 15% hoër insetkoste as 'n hekkie beskryf het. Vier persent meen stygende misdaad pootjie die bedryf.
Ander probleme wat uitgesonder is, sluit in korrupsie, stropery, swak bestuur van die land se waterkrisis en die Nuwe Raamwerk vir Gelyke Ekonomiese Bemagtiging (NEEEF).
FNB/Fenata se reisindeks vir dié kwartaal toon reële groei van 3,4% teenoor 'n negatiewe vertoning van 2,1% vir dieselfde drie maande in 2015.
Die indeks is met goeie nuus deurspek: 58,9% van respondente sê meer toeriste het vir beter besigheid in die derde kwartaal gesorg, terwyl 61,2% sterk inkomstevloei ondervind het. 33% van respondente het meer mense in diens geneem en 51,5% het kapitaal in herstelwerk, onderhoud en nuwe beleggings ingepomp.
FNB/Fenata se bevindings beaam data wat in Desember deur die Namibië Statistiekagentskap (NSA) vrygestel is. Hiervolgens het hotelle en restaurante – 'n aanwyser van toerisme – in die derde kwartaal op 'n jaargrondslag met 10,3% gegroei nadat dit die vorige kwartaal met 15,5% ingekrimp het. In die eerste kwartaal vanjaar kon dié sektor net groei van 0,2% behaal.
Mnr. Daniel Kavishe, hoof van marknavorsing van FNB Namibia, skryf die derde kwartaal se goeie vertoning aan die swak Namibiese dollar toe. Amerikaanse en Europese toeriste kon dus goedkoper na Namibië reis. Die indeks wat bednagte meet, was 10,4% hoër as in die tweede kwartaal, sê Kavishe.
optimisme
Respondente het groot verwagtinge vir die laaste kwartaal van 2016 gehad. Die sentimentindeks het tot 3,5 punte gestyg vergeleke met 1,8 punte 'n jaar gelede. Dit is die hoogste vlak van dié indeks ooit, sê Kavishe.
Meer as 61% van respondente het goeie inkomste in die vierde kwartaal van 2016 verwag, vergeleke met 45,1% in 2015. Sowat 21% het gesê hul personeel sal moet vergroot, terwyl 70% aangedui het hul arbeidsmag sal dieselfde bly. Ook dié optimisme is die hoogste ooit, aldus Kavishe.
Groot uitdagings staar die bedryf egter steeds in die gesig, toon die indeks. Onervare personeel is deur 38% van respondente as hul grootste kopseer uitgesonder, gevolg deur 23% wat meen 'n tekort aan geredelik beskikbare kapitaal strem hulle.
Sowat 19% beskou swak bemarking van Namibië, veral van die Suide, op oorsese markte as 'n struikelblok, terwyl 15% hoër insetkoste as 'n hekkie beskryf het. Vier persent meen stygende misdaad pootjie die bedryf.
Ander probleme wat uitgesonder is, sluit in korrupsie, stropery, swak bestuur van die land se waterkrisis en die Nuwe Raamwerk vir Gelyke Ekonomiese Bemagtiging (NEEEF).
Kommentaar
Republikein
Geen kommentaar is op hierdie artikel gelaat nie