Vriendelike Stad ontvang Paralimpiërs

’n Groep van 17 atlete het vertrek om in Port Elizabeth aan die 2021 Suid-Afrikaanse nasionale kampioenskap (SASAPD) vir gestremde en siggestremde atlete deel te neem.Die Namibiese Paralimpiese Komitee (NPC) sal dié kampioenskap gebruik as ’n kwalifiserende stap vir die 2021 Paralimpiese Spele in Tokio, Japan wat in Augustus en September plaasvind.Die Toyota SASAPD-kampioenskap begin Saterdag by die Westbourne-atletiekbaan en eindig Maandag. Dit is die eerste kampioenskap waaraan Namibiese asook Suid-Afrikaanse Paralimpiese atlete sal deelneem sedert dié byeenkoms laasjaar weens Covid-19 gekanselleer is.Al 17 Namibiërs sal aan baanitems deelneem. Michael Hamukwaya, sekretaris-generaal van die NPC en afrigter van die span, sê dit is Namibiërs se laaste geleentheid om vir die Paralimpiese Spele te kwalifiseer. Die Internasionale Paralimpiese Komitee (IPC) sal atlete se vertonings vir Tokio oorweeg.“Ons het net vyf plekke beskikbaar wat deur die IPC aan ons toegestaan is. Vier is vir atletiek en een is vir swem. Maar ten minste is ons gelukkig om dié geleentheid te kry om aan die kampioenskap in Port Elizabeth deel te neem. Dalk kan nog een of twee atlete daar vir Tokio ’n regmerkie kry.”Hamukwaya sê die NPC werk met ’n vierjaarplan om jong atlete vir groot kompetisies te slyp. Ná die 2019 IPC-wêreldkampioenskap in Dubai was daar net een plek aan Namibië toegeken. Die kampioenskap in Dubai was een van Namibië se goorste vertonings op die baan sedert die hoogtepunte van die 2012 en 2016 Paralimpiese Speles.“By die 2019 wêreldkampioenskap het ons werklik swak vertoon, maar ná dit het ons atlete hul beste by die nasionale Grand Prix gelewer en weens dit is meer plekke deur die IPC aan ons toegestaan.“As ons net geld gehad het, sou ons voorbereiding van hoër gehalte gewees het. Ek hoop van harte ons atlete se vertonings verlede naweek by die nasionale kampioenskap sorg vir nog twee bykomende plekke,” het Hamukwaya verduidelik.– Nampa

Vriendelike Stad ontvang Paralimpiërs

Kommentaar

Republikein 2026-06-10

Meld asseblief aan om kommentaar te lewer

Vriendelike Stad ontvang Paralimpiërs

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.