Vrae oor skietdrama in hoofstad

Een dood, een gewond

29 January 2019 | Misdaad
Tanja Bause - Die motief vir gister se skokkende skietery in Windhoek se middestad is steeds duister.

Net voor 12:00 het ’n man op twee vrouekollegas by die kantore van die ministerie van gesondheid en maatskaplike dienste in die City Centre-gebou losgebrand.

Me. Sarah Mwilima (51) het op die toneel gesterf. Me. Ester Nepolo is met kritieke beserings in ‘n privaat hospitaal opgeneem.

Volgens die hoofwoordvoerder van die Namibiese polisie, hoofinsp. Kauna Shikwambi, het die 33-jarige verdagte met ’n 9 mm Makarov-pistool wat in sy naam registreer is, op die vroue geskiet. “Die motief vir die skietery is nie bekend nie en die polisieondersoek duur voort,” het sy gesê.

Volgens die adjunk- uitvoerende direkteur van gesondheid en maatskaplike dienste, me. Petronella Masabane, was die oorledene die administrateur van die Globale Fonds.

“Die man was ook in die ministerie se diens, in dieselfde kantoor. Sy kontrak het egter verval en hy het na die tweede vloer na die primêre gesondheidsorgafdeling toe geskuif. Hulle drie was kollegas,” het sy gesê.

Volgens ’n veiligheidswag op die agste vloer, waar die skietvoorval plaasgevind het, het die man ingekom en kort daarna het die eerste skote geklap.

“Ek het die twee skote gehoor, by die deur ingekyk en Sara sien lê . . . toe klap nóg twee skote. Mense het in hul kantore weggekruip en sommige het weggehardloop,” het sy gesê.

Volgens kommissaris Silvanus Nghishidimbwa, polisiebevelvoerder in die Khomasstreek, het die verdagte homself later by die polisiekantoor in Wanaheda oorgegee en is hy in hegtenis geneem.

Volgens Masebane was die oorledene in beheer van miljarde Namibiese dollar in die eenheid vir spesiale programme. Sy het vir die ministerie die Globale Fonds se geld vir gespesialiseerde fokusgebiede soos malaria en HIV/vigs bestuur. “Sy was ’n briljante werker wat haar werk foutloos gedoen het,” het Masebane gesê.

Die personeel, skoonmakers en veiligheidswagte wat op die agste vloer werk, is alma ná die voorval. Die uitvoerende direkteur van gesondheid en maatskaplike dienste, mnr. Ben Nangombe, het dié mense aangeraai om berading en behandeling vir skok te kry.

Soortgelyk

 

Hep E: 28 gevalle 'n dag

4 minute gelede | Gesondheid

Henriette LamprechtByna 30 nuwe gevalle van hepatitis E is in die laaste week van Julie daagliks oraloor die land aangeteken. Die siekte het boonop die...

Kaalkiekies saai amok aanlyn

4 minute gelede | Misdaad

Denver KistingSo onlangs soos gisteroggend moes die stadspolisie in Windhoek hulle na 'n toneel haas nadat 'n vrou haar lewe probeer neem het weens gelekte...

Die weer vir 8 Augustus 2019

4 minute gelede | Weer

BINNELAND: Gedeeltelik bewolk en koud tot matig in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en matig...

Ministerie steek stokkie voor mossel-oes

4 minute gelede | Ministeries

Erwin LeuschnerDie minister van visserye en mariene hulpbronne, mnr. Bernard Esau, het gister die oes van witmossels vir kommersiële gebruik verbied. Hy het dit by...

Ma hoop seuntjie leef nog ná 22 jaar ...

4 minute gelede | Misdaad

Denver Kisting – Meer as 22 jaar ná ’n negejarige seuntjie van die Kaapse Vlakte van sy ouerhuis verdwyn het, hoop sy ma hy lewe...

Dubbele moordenaar kry vyfde prokureur

4 minute gelede | Howe

font face="Verdana">Die man wat Dinsdag in die Windhoekse hoërhof skuldig bevind is aan die moord op twee vroue in Januarie 2016 het gister sy vyfde...

Bekendes belê groot in gasvryheidsbedryf

4 minute gelede | Toerisme

Ronelle Rademeyer - Die gewildheid van die drie Stellenbosch-restaurante in die Bougainvillea-sentrum in Klein Windhoek – The Stellenbosch Wine Bar, Tasting Room en Market –...

Polisie sing Kalahariwoestyn-lofliedere

4 minute gelede | Polisie

Denver Kisting Sedert die polisie verlede jaar met ander owerhede begin kragte saamsnoer het om misdaad te bestry, het misdaadbedrywighede met nagenoeg 9% afgeneem.So sê...

Lesersfoto's 7 Augustus 2019

4 minute gelede | Lesersfoto's

Lesersfoto's 7 Augustus 2019