Vrae oor RCC-salarisse

Antwoorde van tesourie gevra

08 July 2019 | Vervoer
Augetto Graig en Ogone Tlhage - Byna 400 werknemers van die Paaiekontrakteursmaatskappy (RCC) wag in spanning om te hoor of hulle vadeesmaand betaal gaan word.

Die ministerie van werke en vervoer het net vir April, Mei en Junie se vergoeding begroot, sê mnr. Willem Goeiemann, uitvoerende direkteur van werke en vervoer.

Oor of die betrokke werknemers aan die einde van Julie salarisse sal ontvang, sê hy: “Ek kan nie ja of nee sê nie.”

Vrydagoggend het hy gesê hy sou dieselfde dag die uitvoerende direkteur van finansies oor die pad vorentoe vra.

Hy sou ook ’n amptelike skrywe aan die RCC rig.

Goeiemann wou hom nie oor dié staatsonderneming se salarisrekening uitlaat nie.

“Dit is nie goed om mense se salarisse te bespreek nie,” het hy gesê.

In die verlede is berig die RCC se betaling van 393 werkers wat tuis bly, beloop N$7 miljoen per maand.

Mnr. John Mutorwa, minister van werke en vervoer, het vrae oor die stand van sake na Goeiemann verwys.

“Ek hanteer nie salarisse nie,” het die minister gesê.

Vroeër verlede week het mnr. Julius Ngweda, woordvoerder van die ministerie, gesê die ministerie is nie meer vir RCC-salarisse verantwoordelik nie.

Hy het Republikein se susterpublikasie Namibian Sun na die kabinetskomitee oor die tesourie verwys.

“Ons het ons deel gedoen wat die RCC betref en dit is nou in die hande van die tesouriekomitee. Verlede maand was die laaste keer dat ons salarisse aan die RCC-werknemers betaal het,” het hy toe gesê.

“Die kabinetskomitee en die ministerie van finansies moet nou bepaal hoe die RCC-werknemers betaal gaan word,” het hy aan Namibian Sun gesê.

Die omstrede padbou-onderneming het voorheen al soortgelyke onsekere tye beleef, en dis nie die eerste keer dat sy toekoms in die hande van die kabinetskomitee is nie.

Na aanleiding van ’n besluit in 2017 om die beleërde semistaatsonderneming onder geregtelike bestuur te plaas, was dit reeds die komitee se taak om die RCC se lot te bepaal.

Die RCC-raad het ’n tweede reddingsplan in September verlede jaar gefinaliseer.

Mnr. Obren Sibeya, direksievoorsitter, het destyds aan Namibian Sun gesê: “Die RCC is in ’n gevorderde stadium van die afronding van sy reddingsplan, wat eers deur die volle raad en aandeelhouers bespreek sal word, en daarna aan alle ander belanghebbendes gekommunikeer sal word.”

Die eerste reddingsplan was ’n voorgestelde kontantinspuiting van N$580 miljoen van die Chinese boumaatskappy Jiangsu Nantong Sanjian.

Terugbetaling sou in die vorm van vyf jaar se deelname aan huidige en toekomstige projekte deur die Chinese maatskappy plaasvind.

Die 47%-belang in sodanige projekte wat die Chinese firma sou ontvang, was sowat N$2 miljard werd.

Die regering het in Mei verlede jaar egter ’n stokkie voor dié transaksie gesteek.

Die RCC se geldprobleme is niks nuuts nie.

Teen September 2017 het die kabinet besluit om die onderneming onder geregtelike bestuur te plaas, maar dié wetsontwerp moet nog in die parlement ter tafel gelê word.

Indien dit slaag, sal die RCC se krediteure nie regsaksie teen hom kan instel nie.

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...