Vrae oor Nathaniel-Koch se kwalifikasie
Die nuwe Vervoerkommissie se werksaamhede is weens vraagtekens oor die voorsitter se kwalifikasie vertraag.
Ronelle Rademeyer – Sowat vier maande nadat die nuwe Vervoerkommissie van Namibië deur pres. Hage Geingob aangestel en mnr. John Mutorwa, minister van werke en vervoer, dit tydens 'n nuuskonferensie bekend gemaak het, is dit nog nie in die Staatskoerant gepubliseer nie. Die kommissie het ook nog nie vergader nie.
Volgens 'n bron in die lugvaartbedryf is daar aansoeke deur operateurs oor kwessies rakende lugdienslisensies wat voor die kommissie moet doen.
Dit blyk die vertraging in die wetlike bekendmaking van die kommissie het te make met vrae oor die kwalifikasie van die voorsitter, me. Rachelle Nathaniel-Koch.
Die ander vier lede van die kommissie is die ondervoorsitter, adv. James Diedericks, mnr. Joe Shipepe, mnr. Mapuku Thiokusho en dr. Helvi Petrus.
Die Wet op Padverkeer en Vervoer, nr. 22 van 1999, vereis die voorsitter moet 'n toegelate regspraktisyn wees wat vir ten minste vyf jaar gepraktiseer het.
Volgens me. Julia Gibeon, junior regsbeampte by die Prokureursorde, is Nathaniel-Koch se naam nie op die databasis van toegelate regspraktisyns nie.
Mutorwa het by navraag gesê hy is bewus van die kwessie.
Volgens hom is 'n navraag oor of sy toegelaat is of nie, aan die ministerie van justisie gerig.
Hy sê in die tussentyd is nog die geldigheid, nog die werksaamhede van die kommissie egter aangetas.
“Die kommissie kan met net vier lede onder aanvoering van die ondervoorsitter vergader,” sê hy.
UITSLUITING
Mnr. Jonas Sheelongo, adjunk- uitvoerende direkteur in die ministerie se departement vervoer, het intussen 'n sertifikaat van uitsluiting wat op 21 Mei 2013 deur die destydse minister van justisie, mnr. Utoni Nujoma, aan haar uitgereik is, aan Republikein gestuur.
Nujoma sê daarin hy sertifiseer ná beraadslaging met die raad vir regsopleiding dat Nathaniel-Koch vrygestel word van Artikel 5(1)(cA)(i)(aa) van die Wet op Regspraktisyns van 1995 aangesien sy vir 'n tydperk van vyf jaar “'n bevredigende diens” vir die staat by die regshulpraad verrig het.
Sheelongo sê die voltrekking van die aanstelling deur 'n aankondiging in die Staatskoerant behoort vroeg vanjaar afgehandel te wees.
'n Tweede kwessie waaroor 'n bron in die lugvaartbedryf bekommerd is, is 'n moontlike botsing van belange as 'n aansoek deur Air Namibia voor die kommissie sou dien.
Die rede daarvoor is dat Diedericks verlede jaar vir Air Namibia opgetree het in die dringende hofaansoek wat gedien het nadat die vorige Vervoerkommissie, onder voorsitterskap van me. Eldorette Harmse, die nasionale redery se lugdienslisensie vanweë sy benarde finansiële situasie opgeskort het. Die aangeleentheid is steeds hangend.
Mutorwa sê indien die kommissie oor 'n kwessie rakende Air Namibia moet besluit, sal Diedericks hom as gevolg hiervan moet verskoon.
Nathaniel-Koch woon die afgelope jare op Rundu waar sy as apostel van die Enlightened Christian Gathering (ECG) kerkdienste aanbied.
Sy was met die Duitse miljoenêr, mnr. Hans-Jürgen Koch, getroud. Hy het na Namibië gevlug nadat hy in die 1990's na bewering bedrog van 43 miljoen euro gepleeg het. Duitsland het aansoek gedoen vir sy uitlewering, maar hy is dood voor die aansoek afgehandel is.– [email protected]
Volgens 'n bron in die lugvaartbedryf is daar aansoeke deur operateurs oor kwessies rakende lugdienslisensies wat voor die kommissie moet doen.
Dit blyk die vertraging in die wetlike bekendmaking van die kommissie het te make met vrae oor die kwalifikasie van die voorsitter, me. Rachelle Nathaniel-Koch.
Die ander vier lede van die kommissie is die ondervoorsitter, adv. James Diedericks, mnr. Joe Shipepe, mnr. Mapuku Thiokusho en dr. Helvi Petrus.
Die Wet op Padverkeer en Vervoer, nr. 22 van 1999, vereis die voorsitter moet 'n toegelate regspraktisyn wees wat vir ten minste vyf jaar gepraktiseer het.
Volgens me. Julia Gibeon, junior regsbeampte by die Prokureursorde, is Nathaniel-Koch se naam nie op die databasis van toegelate regspraktisyns nie.
Mutorwa het by navraag gesê hy is bewus van die kwessie.
Volgens hom is 'n navraag oor of sy toegelaat is of nie, aan die ministerie van justisie gerig.
Hy sê in die tussentyd is nog die geldigheid, nog die werksaamhede van die kommissie egter aangetas.
“Die kommissie kan met net vier lede onder aanvoering van die ondervoorsitter vergader,” sê hy.
UITSLUITING
Mnr. Jonas Sheelongo, adjunk- uitvoerende direkteur in die ministerie se departement vervoer, het intussen 'n sertifikaat van uitsluiting wat op 21 Mei 2013 deur die destydse minister van justisie, mnr. Utoni Nujoma, aan haar uitgereik is, aan Republikein gestuur.
Nujoma sê daarin hy sertifiseer ná beraadslaging met die raad vir regsopleiding dat Nathaniel-Koch vrygestel word van Artikel 5(1)(cA)(i)(aa) van die Wet op Regspraktisyns van 1995 aangesien sy vir 'n tydperk van vyf jaar “'n bevredigende diens” vir die staat by die regshulpraad verrig het.
Sheelongo sê die voltrekking van die aanstelling deur 'n aankondiging in die Staatskoerant behoort vroeg vanjaar afgehandel te wees.
'n Tweede kwessie waaroor 'n bron in die lugvaartbedryf bekommerd is, is 'n moontlike botsing van belange as 'n aansoek deur Air Namibia voor die kommissie sou dien.
Die rede daarvoor is dat Diedericks verlede jaar vir Air Namibia opgetree het in die dringende hofaansoek wat gedien het nadat die vorige Vervoerkommissie, onder voorsitterskap van me. Eldorette Harmse, die nasionale redery se lugdienslisensie vanweë sy benarde finansiële situasie opgeskort het. Die aangeleentheid is steeds hangend.
Mutorwa sê indien die kommissie oor 'n kwessie rakende Air Namibia moet besluit, sal Diedericks hom as gevolg hiervan moet verskoon.
Nathaniel-Koch woon die afgelope jare op Rundu waar sy as apostel van die Enlightened Christian Gathering (ECG) kerkdienste aanbied.
Sy was met die Duitse miljoenêr, mnr. Hans-Jürgen Koch, getroud. Hy het na Namibië gevlug nadat hy in die 1990's na bewering bedrog van 43 miljoen euro gepleeg het. Duitsland het aansoek gedoen vir sy uitlewering, maar hy is dood voor die aansoek afgehandel is.– [email protected]
Kommentaar
Republikein
Geen kommentaar is op hierdie artikel gelaat nie