Vrae ná moordondersoek sloer

Saak 'gou weer op die rol'

22 July 2019 | Polisie
Henriette Lamprecht



Drie jaar nadat 'n geliefde inwoner en sakeman van Ka­rasburg ná 'n gewapende roof in sy huis aan sy beserings beswyk het, is die twee mans wat aanvanklik vir sy moord aangekla is steeds op vrye voet.

Die 63-jarige mnr. Tillian Walters is op 25 Mei 2016 deur sy broer in sy huis gevind waar hy vasgebind in sy kamer gelê het. Hy het later in 'n hospitaal in Suid-Afrika gesterf aan beserings wat hy in die gewapende roof opgedoen het. Walters se bakkie waarmee die aanvallers gevlug het, is later buite Keetmanshoop op die pad na Grünau gevind.

Een van Walters se werknemers, Desmond Vries, en Daniel Nuyoma is later in verband met die aanval en op aanklagte van gewapende roof, poging tot moord en diefstal in hegtenis geneem. Die polisie het toe bevestig geen van die kontant wat by Walters gebuit is, is teruggevind nie en hulle was warm op die spoor van nog verdagtes wat vermoedelik by die aanval en roof betrokke was.

Een van Walters se seuns, Gershwin, het nou 'n beloning uitgeloof vir enige persoon wat met inligting kan help om sy pa se moordenaars uiteindelik agter tralies te kry.

“Ons is raadop en kry nie afsluiting nie,” het hy in 'n onderhoud met Republikein gesê.

“Ons lewens is so deurmekaar. Ons wil net daai bietjie closure kry en dan bid ek dat ek vrede vind. As iemand ons net kan sê.”

Volgens Walters het die familie herhaaldelik by die polisie navraag gedoen oor waarom die saak sloer en die verdagtes wat aanvanklik vir die roof en aanval agter tralies was, weer vrygelaat is.

Walters beweer die saak is van die rol geskrap omdat die ondersoekbeampte volgens hom nooit by die hof opgedaag het nie en die dossier glo voete gekry het. 'n Werknemer van sy pa wat aanvanklik vir poging tot moord en diefstal ná die aanval vasgetrek is, loop ook glo “vry in die dorp rond”.

Inwoners van Karasburg het ook vroeër 'n optog op die dorp gehou oor die onopgeloste moord op Walters wat die eienaar van 'n slaghuis en drankwinkel op die dorp was.

Die koördineerder van misdaadondersoeke in die ||Kharasstreek, adj. komm. Crispin Mubebo, het intussen gesê die dossier is nie weg nie en die ondersoek gaan voort.

“Ons het uitdagings in die gesig gestaar, met ­leidrade wat na Suid-­Afrika gelei het en ons wat vir inligting gewag het. Die ondersoek is egter in 'n ­gevorderde stadium en vorder goed.”

Hy het beklemtoon dat die saak spoedig weer op die hofrol sal verskyn.

Soortgelyk

 

Seaflower: Fishcor skuld ons N$255 miljoen

11 ure gelede | Misdaad

Ronelle Rademeyer – Die kontrak tussen Seaflower Pelargic Processing (SPP) en die National Fishing Corporation of Namibia (Fishcor) vir ’n jaarlikse maasbankerkwota van 50 000...

Weer vir 24 September 2020

11 ure gelede | Weer

BINNELAND: Gedeeltelik bewolk en bloedig warm in die Noorde en Suide. Elders sal dit gedeeltelik bewolk en baie warm wees.KUS: Gedeeltelik bewolk en koel tot...

Kankergevalle in Namibië bly toeneem

11 ure gelede | Gesondheid

Henriette Lamprecht – 'n Gemiddeld van 3 560 gevalle van kanker is jaarliks in die tydperk 2015 tot 2017 in Namibië aangemeld.Tussen 2010 en 2017...

Moedige stryd teen Okahandja-brand

11 ure gelede |

Elvira Hattingh – Boere in die Okahandja-omgewing het gister teen saktyd nog moedig 'n brand bestry, wat deur mnr. Jan Balt as “buite beheer” beskryf...

Otjiwarongo se plan vir versnelde grondtoekenning

11 ure gelede | Infrastruktuur

Ester Kamati op Otjiwarongo Vanweë die toenemende kommer oor die agterstand met die toekenning van grond vir veral middel- tot lae-inkomste-werkers in Otjiwarongo, is ’n...

Voorval by Windpomp 14 opgeklaar

11 ure gelede | Gemeenskap

Leandrea Louw op Swakopmund – Die Windpomp 14-kampterrein buite Swakopmund was die middelpunt van ’n hewige debat op sosiale media die afgelope naweek. ’n Individu...

Waak teen skelms se Covid-streke

11 ure gelede | Misdaad

Augetto Graig – TransUnion, die wêreldwye inligtingsonderneming in Namibië bekend vir hul skuldswartlysstelsel (ITC), waarsku teen Covid-19-verwante skelmstreke wat Namibiërs in die visier het.Volgens me....

Skuldinvordering op Otji onder loep

11 ure gelede | Regering

Ester Kamati op Otjiwarongo - Otjiwarongo se munisipaliteit het in 2017 ’n span skuldinvorderaars op ’n kontrakbasis aangestel om sowat N$43 miljoen wat aan hul...

Lesersfoto's 24 September 2020

11 ure gelede | Lesersfoto's

Familie: “Dit is ’n foto van twee susters. Die een woon in Ghana en die ander een in Namibië. Beide verjaar in verskillende jare in...