Vordering met ‘maatskaplike argitektuur’ bemoedigend: Geingob

Bystand om honger-armoede te verlig werp vrugte af

15 December 2016 | Regering
Estelle de Bruyn - Op maatskaplike gebied is heelwat die afgelope jaar vermag. Volgens pres. Hage Geingob, wat Dinsdag by Staatshuis ‘n oorsig oor die welslae van die Harambee-welvaartsplan gegee het, is die droogtebystand wat aan byna ‘n halfmiljoen Namibiërs verleen is, een van die hoogtepunte van die jaar.

Droogtebystand is een van enkele begrotingsposte wat in die begrotingshersiening in die middel van die finansiële jaar bykomende geld gekry het.

“Dit is ‘n bewys van die regering se verbintenis tot geen sterftes as volg van hongersnood gedurende die Harambee-tydperk nie,” het Geingob gesê.

Hy het ook die suksesvolle instelling van ‘n voedselbank in die Khomasstreek uitgesonder en het daarop gewys dat 22 000 huishoudings in die Khomasstreek, of nagenoeg 100 000 Namibiërs, maandeliks voordeel uit die voedselbank trek. Hierdie program sal gedurende die Harambee-tydperk ook in kwalifiserende dorps- en landelike gebiede elders in die land ingestel word en behoort volgens Geingob ‘n ver pad te gaan om honger-armoede, wat nagenoeg 5,8 persent van Namibiërs volgens die jongste statistiek raak, van hulp te wees.

Vanjaar is die belofte om pensioene vir bejaardes met ‘n bykomende N$100 te vermeerder, nagekom en pensioenarisse ontvang nou maandeliks N$1 100 van die staat.

Ten einde honger-armoede in landelike gebiede die hoof te bied, is 100 trekkers beskikbaar gestel om gesubsidieerde ploegdienste te bied en saad en kunsmis is in die huidige reënseisoen aan landelike boere verskaf.

Behuising bly een van die grootste uitdagings vir die regering en ook op hierdie gebied is welslae behaal.

Volgens Geingob het die regering vanjaar 2 240 gedienste erwe in Windhoek en op Oshakati en Walvisbaai beskikbaar gestel met ‘n verdere 1 624 erwe wat in die nabye toekoms deur vennootskappe tussen die regering en die private sektor beskikbaar sal raak. Dit is 3 864 van die teiken van 5 000 erwe wat in jaar een van Harambee, wat op 31 Maart 2017 ten einde loop, in die vooruitsig gestel is.

Hierbenewens is ‘n bedrag van N$367,9 miljoen in die vorm van subsidies aan kwalifiserende plaaslike owerhede beskikbaar gestel om die diens van grond in dorpsgebiede te versnel. Hiervan is reeds N$151,8 miljoen reeds benut.

Wat voltooide huise betref, is 2 172 van die jaarlikse teiken van 6 000 huise reeds voltooi. Hierdie huise is in Mariental, Rehoboth, Otavi, Karibib, Okambahe, Omatjete, Khorixas en Rundu. Van hierdie huise is 494 deur vennootskappe tussen die regering en die private sektor op Eenhana, Hentiesbaai, Grootfontein, Ondangwa, Outapi en Ruacana opgerig. Altesaam 1 500 huise word nog gebou.

Die staatsdienspensioenfonds (GIPF) het ‘n behuisingskema landswyd vir personeel in uniform ingestel. Geingob wys daarop dat vennote van die Harambee-welvaartsplan in die private sektor ook met aantreklike huiseienaarskapskemas vorendag gekom het om hul werkgewers te help om bekostigbare behuising aan te skaf.

‘n Bedrag van N$30 miljoen is bewillig vir die bou van toilette in die Hardap- en //Karas-streek. Tenders vir die bou van 780 toilette sal binnekort toegeken word.

Soortgelyk

 

Theo Mujoro is nuwe hoof van verkiesings

17 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

18 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

19 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

19 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

19 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

1 dag gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

1 dag gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

1 dag gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

1 dag gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...