Voorval stook verset teen wilddiewe landwyd

11 January 2017 | Misdaad
Des Erasmus - Verfynde tegnieke deur wildstropers en veediewe kan nog vanjaar tot ‘n dakorganisasie vir vrywilligers in die stryd teen die euwel sorg.

Terselfdertyd kan al hoe groter druk op wetstoepassers en die howe verwag word om nie met veediewe en wildstropers te speel nie.

‘n Voorval in die nagtelike ure van gisteroggend op die pad tussen Otjiwarongo en Okahandja kan as ‘n laaste strooi dien om die owerheid te dwing om strenger teen wildstropers en veediewe op te tree.

Die rol van verkenners, die sogenaamde “splitters”, in die skemerwêreld van die veldboewe word ook nie meer bevraagteken nie. Die voorval sowat 5 km buite Otjiwarongo was gisteroggend reeds landwyd bekend danksy noue skakeling onder vrywilligers van die verskillende wagdienste.

Lede van Otjiwarongo se distrikswag het in die nag sowat 5 km buite die dorp op die pad na Okahandja op ‘n ouer model blou Ford Fiesta afgekom. Dit was die derde keer wat vermeende stropers aangekeer is wat van dié voertuig gebruik gemaak het. Toe op die Ford afgekom is, het dit blykbaar as gevolg van meganiese probleme langs die pad gaan staan. Die motor was by lede van die distrikswag bekend, aangesien dit ook by twee vorige geleenthede die ryding van diewe van die veld was.

Terwyl die ondersoek nog op die toneel aan die gang was, het nog vier vermeende wilddiewe in ‘n tweede voertuig betrokke geraak, blykbaar om bystand aan die man in die Fiesta te gee. Op die tweede voertuig was twee gemsbokke wat deur die bosslagters uitmekaar gemaak was. Op die tweede voertuig was ook drie honde wat deur die vier vermeende onwettige jagters gebruik is. Vuurwapens is nie in die tweede voertuig gevind nie. Daar word vermoed die honde word gebruik om ‘n gemsbok vas te keer sodat die dier met ‘n skerp voorwerp soos ‘n assegaai doodgesteek kan word.

Al vyf die mans in die twee voertuie is deur die polisie in hegtenis geneem en het die res van die nag in die selle deurgebring met klagstate wat gisteroggend voorberei was. Die insittendes was nie aan wetstoepassers bekend nie, maar die voertuie wel. Volgens die betrokkenes was al vyf die mans baie arrogant teenoor hul agtervolgers.

‘n Omgekrapte woordvoerder van die distrikswag het gisteroggend aan Republikein gesê goeie samewerkng is besig om tussen die polisie en wagdienste te ontwikkel, maar lede van die magte word gedemotiveer deur borgtog wat te maklik toegestaan word, ligte vonnisse wat by skuldigbevindings opgelê word en eiendom soos die Ford Fiesta wat nie by skuldigbevindings verbeurd verklaar word nie. Volgens die woordvoerder is ‘n wilddief al vir die soveelste keer aangekeer nadat hy al 16 jaar tronkstraf vir soortgelyke oortredings uitgedien het.

Die voorval by Otjiwarongo was gisteroggend reeds landwyd met ander wagdienste gedeel. Oor die koms van die tweede motor van vermeende diewe op die toneel het ‘n vrywilliger in die stryd teen ‘n wildstropery langs die kus gesê bendes van maak al hoe meer gebruik van sogenaamde “splitters”. Dit is voertuie wat voor en agter die voertuie van die werklike jagters en karweiers van onwettige vleisvragte ry. Hulle waarsku die jagters dan met selfone en dalk per radio van agtervolgers en padblokkades.

Volgens die bron op Swakopmund is daar landwyd ‘n geskatte 150 tot 170 vrywilligers teen wildstropers. Daar word onderling geskakel en die moontlikheid van ‘n dakorganisie word al hoe meer genoem. Hy meen so ‘n organisasie kan selfs vanjaar al gestig word.

Soortgelyk

 

Padvinders 'n eeu oud

21 ure gelede | Kuns en vermaak

Padvinders van regoor Namibië het in Windhoek vir vieringe rondom hul 100-jarige bestaan byeengekom. Die feesvieringe sluit die bekendstelling van 'n spesiale seël en...

Padvinders 'n eeu oud

21 ure gelede | Kuns en vermaak

Padvinders van regoor Namibië het in Windhoek vir vieringe rondom hul 100-jarige bestaan byeengekom. Die feesvieringe sluit die bekendstelling van 'n spesiale seël en...

Padvinders 'n eeu oud

21 ure gelede | Kuns en vermaak

Padvinders van regoor Namibië het in Windhoek vir vieringe rondom hul 100-jarige bestaan byeengekom. Die feesvieringe sluit die bekendstelling van 'n spesiale seël en...

Vier sterf in botsing met trekker

22 ure gelede | Ongelukke

Vier mense is laat gisteraand dood in 'n botsing tussen twee voertuie en 'n trekker. Die ongeluk het sowat 10 km noord van Rehoboth plaasgevind.

Senior bestuurder van Rehoboth-dorpsraad vas vir bedrog

1 dag gelede | Misdaad

ʼn Senior bestuurder van die Rehoboth-dorpsraad is saam met nog drie verdagtes in hegtenis geneem op aanklagte wat met die bedrog van 'n riooltender verband...

Lokomotief raak spoor byster

1 dag gelede | Ongelukke

Otis Finck – ‘n Lokomotief van TransNamib het gisteraand omstreeks 20:00 naby Duin 7 ontspoor.Niemand is in die voorval beseer nie.Werkers is tans besig om...

Kobi Alexander kry tronkstraf

2 dae gelede | Misdaad

Ronelle Rademeyer - Die 64-jarige Kobi (Jacob) Alexander is tot 30 maande tronkstraf gevonnis.Dit volg nadat hy verlede jaar ná tien jaar as voortvlugtige in...

Susanne Hoff skuldig aan poging tot moord

2 dae gelede | Howe

Jacqueline Louw – Susanne Hoff (56), wat teregstaan op ’n aanklag van sameswering om haar man, mnr. Egbert Hoff, te vermoor, is gister deur landdros...

Vermeende rower slaan glo babaseun teen muur

2 dae gelede | Misdaad

Jessica Botes - 'n Vrou en haar tweelingbabas was gister die slagoffers van 'n gewelddadige rooftog op Swakopmund.Die vermeende rower het glo om 03:50 'n...