Vooruitgang vir Shack Dwellers

Geduld werp vrugte af

11 August 2020 | Infrastruktuur
Leandrea Louw op Walvisbaai

Die sooispitseremonie vir die konstruksie van huise op 68 erwe is onlangs in Narraville gehou – byna tien jaar nadat die Shack Dwellers Federation (SDFN) op die been gebring is om lae inkomste werkers die kans te bied om huiseienaars te word.

Die begunstigdes wat in Narraville woon, spaar reeds sedert 2007 om hul huise te kan bou.

Lede van die hoëvlak-ministeriële afvaardiging wat die Covid-19-situasie in die streek kom evalueer het, het die seremonie aangebied.

Mnr. Derek Klazen, die adjunkminister van landelike en stedelike ontwikkeling, het SDFN-lede aangemoedig om hul kennis met ander te deel en sodoende meer Namibiërs in staat te stel om uiteindelik huiseienaars te word.

Dié ministerie het N$1 miljoen vir die aanlê van paaie en ander dienste in die gebied begroot.

“Begin vandag en kry die grond vir die ander groepe wat al lank smeek vir bekostigbare behuising. Ek kan my deel doen, maar ek het ’n plan van aksie nodig sodat almal geholpe kan raak. Ons kan nie teen mekaar werk of ander in die koue laat staan nie.”

Gedurende 2012 het die Walvisbaai-munisipaliteit 268 erwe toegeken en die federasie gehelp met die voltooiing van die planne vir die 68 erwe in Narraville.

Hulle het in 2019 die fondasies begin grawe, danksy verskeie besighede wat die toerusting geborg het.

Mnr. Neville Andre, goewerneur van die Erongostreek, het benadruk die uitdaging van voldoende behuising verg samewerking.

“Die regering kan hierdie uitdaging nie alleen aanpak nie. Met vennootskappe soos dié kan ons die taak suksesvol aanpak en hoop vir ons mense bring. Ek kan julle verseker dat ons deurentyd aan die behuisingskrisis aandag gee.”

Hy het ’n dringende beroep op kusbewoners gedoen om nie mense in agterplaas-plakkershutte te huisves nie en om eerder daar te begin tuinmaak.

Mnr. Hafeni Ndemula, die adjunkminister van arbeid, het gesê belegging in behuising kan kinders in lae-inkomste-huishoudings die geleentheid bied om akademies te verbeter en suksesvol te wees, hul gesondheid en welstand te handhaaf en later in die lewe finansiële sukses te behaal.

“Laekostebehuising is absoluut noodsaaklik en is te midde van ons behuisingskrisis ewe belangrik as altyd. Dit bou gemeenskappe en gee mense ondersteuning wat hulle help om gesond en gelukkig te wees.

“Op hierdie dag bereik ons uiteindelik hierdie mylpaal ná ’n lang tyd van wag en beplanning.”

Die sooispitseremonie sal gevolg word deur die aanlê van strate en uiteindelik die konstruksie van huise.

“Kom ons waardeer al die moeite en doen ons deel om by te dra. Hoewel die konstruksie van paaie en ander dienste in fases gedoen sal word, beskou ek dié dag as ’n groot mylpaal in die vooruitgang in die streek.”

Ndemula het die SDFN geloof vir hul praktiese benadering tot bekostigbare behuising. “Hierdie is ’n oplossing wat suksesvol oor die land geïmplementeer word en voortdurend ’n positiewe impak op mense se lewens het.”

- [email protected]

Soortgelyk

 

Covid-19: Aankondiging kom oor pad vorentoe

1 uur gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Geingob onder skoot oor ‘wit’ opmerkings

13 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

13 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

13 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

13 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

13 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

13 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

13 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

13 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...