Voorspoed waarborg volhoubare vrede
Onafhanklikwording is gister onder die vaandel van eenheid in gedeelde voorspoed herdenk.
Estelle de Bruyn
Voorspoed vir die meerderheid Namibiërs is die enigste versekering vir volhoubare vrede.
So het pres. Hage Geingob gesê wat gister die hoofspreker by die onafhanklikheidsvieringe op Tsumeb was.
“'n Land waar ongelykheid steeds bestaan, kan nie suksesvol wees nie.”
Voorts lei inklusiwiteit én eksklusiwiteit tot konflik, het hy gesê.
Volgens Geingob het die tyd nou ná 28 jaar se onafhanklikheid aangebreek om 'n opname te maak van wat gedoen moet word om die dringende take van eenheid en gedeelde voorspoed te verwesenlik. Hy het benadruk dat vrede en eenheid belangrike vereistes vir kollektiewe welslae as 'n nasie is.
Hy het ook hulde aan sy voorgangers, oudpres. Sam Nujoma en oudpres. Hifikepunye Pohamba, gebring vir hul bydrae en gesê dit is te danke aan dié ikone dat Namibië tans 'n baken van vrede en stabiliteit op die Afrika-vasteland is.
Geingob het gesê sedert die infrastruktuur van apartheid afgebreek is, is vinnige vordering gemaak en Namibiërs eis nou meer van die regering. “Ek stem saam dat burgers niks behalwe gehalte dienste moet verwag nie.”
Hy het ook gewys op die tasbare vordering wat met die voorsiening van infrastruktuur, maatskaplike beskerming, ekonomiese vooruitgang en doeltreffende staatsbestuur gemaak is.
Die president het daarop gewys dat Namibië se paaie onlangs as die beste in Afrika suid van die Sahara gereken is. “Armoedevlakke het gedaal, meer kinders is op skool en beter maatskaplike dienste word aan die meerderheid verskaf.
“Ek is die eerste om te erken dat ons daarvan sou gehou het om hoër vlakke van vooruitgang en implementering te sien. Ons moes egter onafhanklike veranderinge buite ons beheer trotseer. Die afgelope vier jaar het ons 'stormwinde' in die gesig gestaar wat deur die globale ekonomiese daling, gekenmerk deur 'n afname in kommoditeitspryse en fluktuerings van die wisselkoers, meegebring is. Dit was die 'perfekte storm' en dit het 'n regstreekse impak op ons ekonomie en inkomstebasis gehad,” het Geingob gesê.
As gevolg hiervan is die grootste besnoeiing in besteding sedert onafhanklikwording geïmplementeer.
Hy het klein- en mediumsakeondernemings aangeraai om hul sakeportefeuljes te diversifiseer.
“Die republiek bly op sy plek, maar die realiteit is dat die ekonomiese afname nuwe denke in die regering genoodsaak het om te diversifiseer en 'n inklusiewe groeimodel, gegrond op fiskale omsigtigheid en volhoubaarheid, in te stel om die ekonomiese storms die hoof te bied,” het Geingob gesê.
Hy het die versekering gegee dat die regering aan legitieme verwagtinge sal voldoen.
Hierbenewens sal oplossings vir werkloosheid onder die jeug, grondhervorming en breë-basis ekonomiese bemagtiging gevind word. Dit sal volgens hom verenigde pogings en 'n verbintenis verg wat deur patriotisme aangedryf moet word.
“Ons moet saamstaan, verenig in ons liefde vir Namibië. Vingerwysery, beskuldigings en die verplasing van skuld moet vermy word. Kom ons hou hande vas en stel nasionale belang en die nastrewing van gedeelde voorspoed bo eie belang,” het Geingob gesê.
Voorspoed vir die meerderheid Namibiërs is die enigste versekering vir volhoubare vrede.
So het pres. Hage Geingob gesê wat gister die hoofspreker by die onafhanklikheidsvieringe op Tsumeb was.
“'n Land waar ongelykheid steeds bestaan, kan nie suksesvol wees nie.”
Voorts lei inklusiwiteit én eksklusiwiteit tot konflik, het hy gesê.
Volgens Geingob het die tyd nou ná 28 jaar se onafhanklikheid aangebreek om 'n opname te maak van wat gedoen moet word om die dringende take van eenheid en gedeelde voorspoed te verwesenlik. Hy het benadruk dat vrede en eenheid belangrike vereistes vir kollektiewe welslae as 'n nasie is.
Hy het ook hulde aan sy voorgangers, oudpres. Sam Nujoma en oudpres. Hifikepunye Pohamba, gebring vir hul bydrae en gesê dit is te danke aan dié ikone dat Namibië tans 'n baken van vrede en stabiliteit op die Afrika-vasteland is.
Geingob het gesê sedert die infrastruktuur van apartheid afgebreek is, is vinnige vordering gemaak en Namibiërs eis nou meer van die regering. “Ek stem saam dat burgers niks behalwe gehalte dienste moet verwag nie.”
Hy het ook gewys op die tasbare vordering wat met die voorsiening van infrastruktuur, maatskaplike beskerming, ekonomiese vooruitgang en doeltreffende staatsbestuur gemaak is.
Die president het daarop gewys dat Namibië se paaie onlangs as die beste in Afrika suid van die Sahara gereken is. “Armoedevlakke het gedaal, meer kinders is op skool en beter maatskaplike dienste word aan die meerderheid verskaf.
“Ek is die eerste om te erken dat ons daarvan sou gehou het om hoër vlakke van vooruitgang en implementering te sien. Ons moes egter onafhanklike veranderinge buite ons beheer trotseer. Die afgelope vier jaar het ons 'stormwinde' in die gesig gestaar wat deur die globale ekonomiese daling, gekenmerk deur 'n afname in kommoditeitspryse en fluktuerings van die wisselkoers, meegebring is. Dit was die 'perfekte storm' en dit het 'n regstreekse impak op ons ekonomie en inkomstebasis gehad,” het Geingob gesê.
As gevolg hiervan is die grootste besnoeiing in besteding sedert onafhanklikwording geïmplementeer.
Hy het klein- en mediumsakeondernemings aangeraai om hul sakeportefeuljes te diversifiseer.
“Die republiek bly op sy plek, maar die realiteit is dat die ekonomiese afname nuwe denke in die regering genoodsaak het om te diversifiseer en 'n inklusiewe groeimodel, gegrond op fiskale omsigtigheid en volhoubaarheid, in te stel om die ekonomiese storms die hoof te bied,” het Geingob gesê.
Hy het die versekering gegee dat die regering aan legitieme verwagtinge sal voldoen.
Hierbenewens sal oplossings vir werkloosheid onder die jeug, grondhervorming en breë-basis ekonomiese bemagtiging gevind word. Dit sal volgens hom verenigde pogings en 'n verbintenis verg wat deur patriotisme aangedryf moet word.
“Ons moet saamstaan, verenig in ons liefde vir Namibië. Vingerwysery, beskuldigings en die verplasing van skuld moet vermy word. Kom ons hou hande vas en stel nasionale belang en die nastrewing van gedeelde voorspoed bo eie belang,” het Geingob gesê.
Kommentaar
Republikein
Geen kommentaar is op hierdie artikel gelaat nie