Voormalige MultiChoice-bestuurder in hof oor bedrog

13 September 2017 | Howe
Jacqueline Louw - Me. Manga Nawa Mukena, ’n voormalige bemarkingsbestuurder van MultiChoice Namibia, het gister ’n derde verskyning in die landdroshof in Windhoek gemaak in verband met bedrog van N$2 miljoen teen haar vorige werkgewer.

Mukena het voor landdros Celma Amadhila verskyn op klagte van bedrog, vervalsing en die plaas van vervalsings in omloop.

Dit is die staat se saak dat Mukena onregmatig, vals, onwettiglik en met die doel om te bedrieg teenoor MultiChoice Namibia en ene mnr. Roger Gertze tussen 1 April 2013 en 17 Maart vanjaar opgetree het.

Staatsaanklaer Tatelo Lusepani het die hof meegedeel die ondersoek na die saak is afgehandel en dat die staat gereed is om Mukena se pleit in terme van artikel 119 van die Strafproseswet aan te hoor.

Die staat beweer Mukena het haar posisie as bemarkingsbestuurder by MultiChoice gebruik om haar werkgewer oor te haal om ’n maatskappy met die naam Kundan (Edms.) Bpk. te betaal vir dienste wat nooit gelewer is nie.

Die bedrogklag spruit uit die feit dat Mukena na bewering ’n totaal van 80 fakture vir advertensiedienste vervals en vir betaling aangebied het. Bankbesonderhede wat op dié fakture verskyn het, was nie die van Kundan nie, maar Mukena se eie.

Deur middel van die vervalste fakture het Mukena oor ’n periode van drie jaar na bewering daarin geslaag om N$2 088 071 van MultiChoice en Gertze na haar bankrekening te kanaliseer. Geen advertensiedienste is ooit aan MultiChoice gelewer nie.

Mukena is op borgtog van N$50 000 vrygelaat. Haar borgtogvoorwaardes is gister aangepas sodat sy nie meer twee keer per week by Windhoek se polisiestasie hoef te rapporteer nie. Intussen moes sy haar reisdokumente by die polisie inhandig en mag sy ook nie die Windhoek-distrik sonder toestemming van die ondersoekbeampte verlaat nie.

Sy sal weer op 19 September in die hof verskyn.

Soortgelyk

 

Trump laat Amerika bloos oor 'Nambia"

8 ure gelede | Internasionaal

Pres. Donald Trump van Amerika het gister tydens ‘n vergadering met Afrikaleiers in New York na Namibië as “Nambia” verwys.Tydens die ontmoeting het Trump gesê:...

Ysterertsmyn dalk op Windhoek se voorstoep

18 ure gelede | Plaaslik

Ronelle Rademeyer - Gemeenskapsvergaderings word vandag by Neudamm en in Windhoek gehou vir insette oor die impak wat die beplande ysterertsmyn 50 km oos van...

Droogtenood in Suide al groter

18 ure gelede | Omgewing

Ronelle Rademeyer 'n Projek, onder aanvoering van die Keetmanshoop Streekslandbou-unie (SLU), is tans werksaam om dringend voer vir vee op meer as 50 plase in...

wenfoto by Hakos gekiek

18 ure gelede | Omgewing

Die wenner van die Insight Sterrekunde Fotograaf van die Jaar-kompetisie het sy foto in Namibië geneem. Die Rus Artem Mironov is vanjaar se algehele wenner­...

Nuwe stelsel veroorsaak chaos by lughawe

18 ure gelede | Plaaslik

Catherine Sasman Die ministerie van binnelandse sake en immigrasie sê dit het 'n korttermyn­oplossing gevind om die chaotiese­ vertragings by die Internasio­nale Lughawe Hosea Kutako...

Weer vir 21 September

18 ure gelede | Weer

BINNELAND: Gedeeltelik bewolk en baie tot bloedig warm. Winderige toestande word in die Noorde en oor die sentrale hoëgrond verwag. KUS: Gedeeltelik bewolk en matig...

'Noord-Amerikaners wil Namibië besoek'

18 ure gelede | Toerisme

Namibië is 'n toeristebestemming wat Noord-Amerikaners graag wil besoek.Só sê die besturende direkteur van Namibia Wildlife Resorts (NWR), me. Zelna Hengari, wat saam met die...

Tienermeisie steek baba glo in tas weg

18 ure gelede | Misdaad

Twee vroue, van wie een 'n skoolmeisie is, is Dinsdag in verband met die verberging van 'n geboorte in hegtenis geneem.OMUTELEVolgens die Namibiese polisie se...

Goeie nuus vir sekuriteitswagte

18 ure gelede | Arbeid

Augetto Graig - Die ministerie van arbeid, nywerheidsbetrekkinge en werkskepping het aangekondig sekuriteitswagte in Namibië moet van verlede Vrydag (15 September) af ten minste N$8,75...