Voormalige Kaptein, roep u manne tot orde

07 March 2018 | Menings
WILLEM BISMARCK VAN WYK EN PETRUS MATHEUS JUNIUS (PIET) SKRYF:

Omstandighede, aangedryf deur leuens, noodsaak ons om hierdie skrywe aan u te rig. Aangesien 'n plaaslike radiostasie deur u gebruik word om u eensydige besluit om u amp neer te lê, en gesag oor te gee, te probeer regverdig, moet ons van hierdie koerant gebruik maak om met u te skakel. Hierdie skrywe is daarop gemik om ons kant van die saak te stel. Ons sal graag u persoonlike antwoord op hierdie skrywe waardeer, nie dat ons glo dat dit sal ooit deur u self gedoen word nie.

Met verwysing na 'n gesprek op die radio waarin ons, Willem Bismarck van Wyk (stigterspresident van die UPM) en Petrus Matheus Junius (Piet) se name gebruik was om u ­optredes te regverdig, wens ons hiermee u geheue te verfris en terselfdertyd die volgende onder die aandag van die Bastervolk te bring.

U het ons afsonderlik genader om ons insette te kry rondom 'n moont­like opvolger, en dit waardeer ons. Die leuens wat egter deur u spreekbuise hieraan gekoppel word, is onaanvaarbaar.

Tydens die gesprekvoering wou u weet wie ek, Willem Bismarck van Wyk, sou aanbeveel om die leisels by u oor te neem. My antwoord was kort en duidelik: Jan van Wyk. U weet watter ongemaklikheid toe ontstaan het. Ek het in my voertuig geklim en gery.

Ek, Petrus Matheus Junius (Piet), het saam met u en u gade middagete genuttig, op u versoek natuurlik. Tydens die ete het u my meegedeel dat u besluit het om mnr. Martin Dentlinger aan te stel as Kaptein. U wou weet wat my mening was. My woorde aan u was die volgende: “Ek dink nie dit is die regte besluit, Martin Dentlinger is nie kapteinmateriaal nie, hy is nie 'n persoon wat luister na wat ander mense dink en glo nie, daarom kan ek u nie in u besluit ondersteun nie." Dit was my presiese woorde.

Ons is daarom geskok om te verneem dat u beweer dat ons tesame met andere toestemming gegee het vir sodanige aanstelling. Die mening van die ander twee menere is 'n bysaak aangesien die egtheid van sodanige toestemming bevraagteken word.

Leuens word versprei met u goedkeuring, natuurlik om die onreg wat u die volk aangedoen het, te regverdig. Die volk kan nou self besluit en oordeel.

Ons wil u hiermee vriendelik versoek om hierdie saak in die reine te bring en om u manne tot orde te roep.

Soos ons gesê het, ons sal graag u persoonlike en skriftelike antwoord in hierdie gerespekteerde koerant verlang.

Soortgelyk

 

Ethiopiese vliegtuig met 157 aan boord stort neer

1 uur gelede | Ongelukke

‘n Boeing 737 van Ethiopian Airlines het vanoggend onderwegvanaf Addis Ababa na Nairobi in Kenia neergestort.Die Ethiopiese eerste minister, Abiy Ahmed, het in ‘n verklaring...

Geingob: Gelukkig Vrouedag, vroue

2 dae gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

2 dae gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...

Jeuggeweld ruk Outjo

2 dae gelede | Misdaad

Denver Kisting Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek...