Von Bach dalk oor 20 maande droog
NamWater en CoW sê oor vooruitsigte van waterverskaffing vir sentrale Namibië.
Elvira Hattingh - Indien die swakste moontlike 2019-’20-reënseisoen vir Namibië voorlê en geen water die land se sentrale damme invloei nie, sal Windhoek groot watertekorte beleef – maar eers van Mei 2021 af.
Dan sal die Von Bachdam na verwagting opdroog, terwyl ‘n rampspoedige reënseisoen waterverskaffing na Karibib teen April 2021 baie moeilik sal maak, wanneer die Swakoppoortdam ook sal leegloop.
Só sê NamWater en die Windhoekse munisipaliteit (CoW) ná boodskappe in sosiale media versprei is waarin beweer word sentrale damme het net genoeg water vir sowat vier maande oor.
Me. Lydia Amutenya, CoW-woordvoerder, het in reaksie hierop aan Republikein gesê amptelike datums is op die aksieplan vir waterverskaffing aan sentrale Namibië gebaseer, wat daarop reken dat Windhoekers 15% water bespaar.
“Dit beteken as ons nie daarin slaag om 15% water te bespaar nie, sal dit tot ‘n vervroeging lei van die damme wat ons van water voorsien,” is in die gesamentlike reaksie geskryf wat Amutenya verskaf het.
“Tans kon Windhoek daarin slaag om 13% water te bespaar, wat prysenswaardig is,” is bygevoeg.
PLAN VAN AKSIE
Verskeie bronne voorsien Windhoek van water, wat bogrondse bronne, ondergrondse water asook herwonne water insluit. Semigesuiwerde water word ook vir sportvelde beskikbaar gestel.
NamWater se hidrologie-afdeling bepaal jaarliks hoeveel water beskikbaar is en dan word ‘n plan van aksie vir waterverskaffing saam met belangegroepe opgestel.
Hierdie plan word weekliks gemonitor. Die watersituasie word maandeliks aangepas om enige afwykings van die plan te evalueer.
NamWater en CoW verduidelik die plan van aksie oor die volgende twee jaar behels dat water teen ‘n maksimum kapasiteit van die Karst-boorgate, asook die Berg Aukas- en Kombatmyn na die Von Bachdam oorgeplaas word.
“Al die water wat in die Omatakodam was, is reeds na die Von Bachdam oorgeplaas. Tans word water teen ‘n maksimum kapasiteit van die Swakoppoortdam af na die Von Bachdam oorgeplaas.
“Water word ook vanuit munisipale boorgate onttrek – teen ‘n koers wat ver bo volhoubare vlakke is – terwyl Windhoek se watersuiweringsaanleg gesuiwerde water teen maksimum kapasiteit verskaf,” sê die verklaring.
Soos die damme hul laagste vlakke bereik, sal die dooiebergingvolumes van die Swakoppoort- en Von Bachdam onttrek word.
Dit sal gedoen word met behulp van drywende installasies wat met waterpompe toegerus is. So kan die damme se dooiebergingswater ook benut word.
“Tans word alle beskikbare bronne wat water aan die sentrale dele van Namibië kan verskaf, ten volle benut en verskaf dit water bó volhoubare gebruikerskapasiteit.”
Amutenya het verduidelik NamWater voorsien tans in 35% van Windhoek se watervraag, terwyl waterherwinning in sowat 25% van die vraag voorsien en boorgate ‘n verdere 40% dek.
NamWater en die ministerie van landbou, water en bosbou het reeds met die ontwikkeling van bykomende waterbronne begin.
- [email protected]
Dan sal die Von Bachdam na verwagting opdroog, terwyl ‘n rampspoedige reënseisoen waterverskaffing na Karibib teen April 2021 baie moeilik sal maak, wanneer die Swakoppoortdam ook sal leegloop.
Só sê NamWater en die Windhoekse munisipaliteit (CoW) ná boodskappe in sosiale media versprei is waarin beweer word sentrale damme het net genoeg water vir sowat vier maande oor.
Me. Lydia Amutenya, CoW-woordvoerder, het in reaksie hierop aan Republikein gesê amptelike datums is op die aksieplan vir waterverskaffing aan sentrale Namibië gebaseer, wat daarop reken dat Windhoekers 15% water bespaar.
“Dit beteken as ons nie daarin slaag om 15% water te bespaar nie, sal dit tot ‘n vervroeging lei van die damme wat ons van water voorsien,” is in die gesamentlike reaksie geskryf wat Amutenya verskaf het.
“Tans kon Windhoek daarin slaag om 13% water te bespaar, wat prysenswaardig is,” is bygevoeg.
PLAN VAN AKSIE
Verskeie bronne voorsien Windhoek van water, wat bogrondse bronne, ondergrondse water asook herwonne water insluit. Semigesuiwerde water word ook vir sportvelde beskikbaar gestel.
NamWater se hidrologie-afdeling bepaal jaarliks hoeveel water beskikbaar is en dan word ‘n plan van aksie vir waterverskaffing saam met belangegroepe opgestel.
Hierdie plan word weekliks gemonitor. Die watersituasie word maandeliks aangepas om enige afwykings van die plan te evalueer.
NamWater en CoW verduidelik die plan van aksie oor die volgende twee jaar behels dat water teen ‘n maksimum kapasiteit van die Karst-boorgate, asook die Berg Aukas- en Kombatmyn na die Von Bachdam oorgeplaas word.
“Al die water wat in die Omatakodam was, is reeds na die Von Bachdam oorgeplaas. Tans word water teen ‘n maksimum kapasiteit van die Swakoppoortdam af na die Von Bachdam oorgeplaas.
“Water word ook vanuit munisipale boorgate onttrek – teen ‘n koers wat ver bo volhoubare vlakke is – terwyl Windhoek se watersuiweringsaanleg gesuiwerde water teen maksimum kapasiteit verskaf,” sê die verklaring.
Soos die damme hul laagste vlakke bereik, sal die dooiebergingvolumes van die Swakoppoort- en Von Bachdam onttrek word.
Dit sal gedoen word met behulp van drywende installasies wat met waterpompe toegerus is. So kan die damme se dooiebergingswater ook benut word.
“Tans word alle beskikbare bronne wat water aan die sentrale dele van Namibië kan verskaf, ten volle benut en verskaf dit water bó volhoubare gebruikerskapasiteit.”
Amutenya het verduidelik NamWater voorsien tans in 35% van Windhoek se watervraag, terwyl waterherwinning in sowat 25% van die vraag voorsien en boorgate ‘n verdere 40% dek.
NamWater en die ministerie van landbou, water en bosbou het reeds met die ontwikkeling van bykomende waterbronne begin.
- [email protected]
Kommentaar
Republikein
Geen kommentaar is op hierdie artikel gelaat nie