Voëlgriep sluit grens vir hoenderinvoere uit SA

19 May 2021 | Landbou
Ronelle Rademeyer - Die ministerie van landbou, water en grondhervorming se direktoraat veeartseynydienste (DVS) het Maandag ‘n algehele verbod geplaas op die invoer van pluimvee, voëls en pluimveeprodukte uit Suid-Afrika.
Dit volg nadat hoogs aansteeklike voëlgriep (HPAI), wat erge kliniese simptome by pluimvee en voëls veroorsaak en tot hoë getalle vrektes lei, nou ook vanaf Gauteng en die Noordwes-provinsie na ‘n braaikuikenplaas in die Wes-Kaap versprei het.
Die verbod beteken ook dat produkte soos hoendervleis nie eens deur Namibië na ander buurlande vervoer mag word indien dit uit Suid-Afrika afkomstig is nie.
Volgens die Suid-Afrikaanse Pluimveevereniging (Sapa) is daar nou twee plase aan die Oos-Rand, een in Noordwes, een in die Klipdrift-omgewing op die grens van Gauteng en Noordwes, een in Randfontein en een in die Worcester-omgewing (Wes-Kaap) met positiewe gevalle, berig Netwerk24.
Die plase is almal kommersiële hoenderplase waar daar met braaikuikens of lêhoenders geboer word.
Die eerste geval van voëlgriep is op 9 April op ‘n kommersiële plaas in Suid-Afrika uitgebreek en op 15 April het die DVS invoere vanaf dié betrokke plaas verbied.
Volgens ‘n verklaring deur dié direktoraat, is die verbod terugwerkend van krag. Aangesien die inkubasietyd van die virus 21 dae is, sal alle hoender- en pluimveeprodukte wat op of ná 19 Maart vanjaar verpak is, toegang tot die land geweier word.
“Alle invoer- en deurgangspermite vir pluimvee en produkte afkomstig van pluimvee wat hul oorsprong in Suid-Afrika het, word met onmiddellike effek gekanselleer,” het die direktoraat Maandagaand in ‘n verklaring gesê.
Hoender- of ander pluimveeprodukte wat van ander lande afkomstig is en via Suid-Afrika na Namibië ingevoer word, word in die land toegelaat.




Soortgelyk

 

Profeet TB Joshua sterf

3 ure gelede | Mense

Die bekende evangelis en filantroop, past. Temitope Balogun (TB) Joshua, is dood.Is het Saterdagaand, 'n week voor sy 58ste verjaardag, in Lagos, Nigerië gesterf, berig...

Polisieman in Kuisebmond doodgesteek

12 ure gelede | Misdaad

'n Konstabel wat by die polisiekantoor in Kuisebmond diens doen, is in die vroeë oggendure Saterdag dood nadat hy naby sy meisie se huis deur...

Ses sterftes stoot syfer oor 900, 480 nuwe gevalle

18 ure gelede | Gesondheid

Ses nuwe sterftes stoot die totale syfer vir Namibië oor die 900-kerf tot 905. Die sterftes is vier in Windhoek en een elk in Outjo...

Covid-19: Gevalle styg in 24 uit 35 distrikte

23 ure gelede | Gesondheid

Namibië bly in die kloue van ‘n nuwe brander Covid-19-infeksies.Gedurende die sewe dae tot Donderdag het nuwe gevalle in 24 van die land se 35...

22 sterftes, 596 nuwe gevalle

1 dag gelede | Gesondheid

Die Covid-19-verwante sterftesyfer vir Namibië skiet met nog 22 - 12 in Windhoek, twee in onderskeidelik Rehoboth en Walvisbaai, drie in Mariental en een elk...

Rehoboth soek strenger aandklok-monitering teen Covid

1 dag gelede | Gesondheid

Die United People's Movement (UPM) het die streeksbevelvoerder van die polisie in die Hardapstreek, komm. Andries van der Byl, gevra vir polisieversterkings op Rehoboth sodat...

Beesvleisforum vorder met abattoirplan

2 dae gelede | Landbou

Ronelle Rademeyer – ’n Groep bekommerde beesprodusente wat ten alle koste Namibië se nismarkte in die buiteland vir die voortbestaan van dié bedryf wil beskerm,...

Avonturier verdrink byna tydens riviervaart

2 dae gelede | Mense

Ronelle Rademeyer – ’n Suid-Afrikaanse avonturier wat verlede week ná 55 dae en 2 200 km in sy geel roeiboot die Oranjerivier se monding by...

Harmse on unlimiting the future

2 dae gelede | Mense

Barney Harmse was born in Mafikeng in South Africa in 1970 and his family moved to Namibia when he was just four years old. From...