Voedselbank in Kunene broodnodig

17 December 2016 | Gemeenskap
Die spesiale adviseur van die goewerneur van die Kunenestreek, mnr. Katuutire Kaura, sê Namibië se voedselbank moet in dié streek tot stand gebring word. Dit sal daartoe lei dat die duisende lede van die gemeenskap wat sukkel om hulself te voed, ook daarby kan baat.

Kaura het in 'n onderhoud met Nampa gesê die projek wat in Windhoek begin is, moes eerder uit die droogtegeteisterde Kunenestreek bestuur word waar weiding die afgelope sewe jaar feitlik nie bestaan nie.

Volgens Kaura sukkel mense in dié streek om hulself te voed en gaan hulle dikwels met 'n leë maag slaap. Volgens hom leef 70% van die Kunenestreek se inwoners onder die minimum bestaansvlak.

“Ons het mense wat oorleef deur dierevelle te eet net om iets in hul maag te hê. Die ooglopende hongersnood is volgens my die rede waarom die voedselbank eerder hier van stapel gestuur moes word.”

Mnr. Mwahopatji Mbepela, 'n inwoner van Opuwo, het aan Nampa gesê oorlewing is 'n opdraande stryd nadat hy en 'n familielid, mnr. Mwabona Katiti, al hulle vee tydens die droogte verloor het. Hulle het daarna op soek na beter geleenthede na Opuwo verhuis. Me. Angelika Muharukua, goewerneur van die Kunenestreek, het aan Nampa gesê alhoewel die proses aan die gang is, geen vordering met die skep van geriewe vir die beoogde voedselbank in die Kunenestreek tot op hede gemaak is nie.

Die skakelbeampte van die ministerie van ­armoede-uitwissing en maat­skaplike welsyn, mnr. Lot Ndamanomhata, sê die eerste voedselbank vir dié projek sal aan die einde van 'n proeffase beoordeel word om te bepaal of die projek na ander streke uitgebrei kan word. “Geen tydraamwerk is vasgestel nie.”

Die voedselbank is 'n bergplek vir geskenkte en gekoopte kos en ander nie-bederfbare produkte. Die doel is dat elke ­voedselbank lede van die gemeenskap as agente werf om potensiële ­begunstigdes te identifiseer.

Die voedselbank sal aanvanklik geldelike steun by die private en openbare sektor van Namibië moet kry om die volhoubaarheid van die onderskeie armoedeverligting- en voedselbystandsinisiatiewe van plaaslike welsynsorganisasies en die uitbreiding van dienste aan meer kwesbare mense te verbeter. - Nampa

Soortgelyk

 

Polisie konfiskeer kerk se luidsprekers in Oshakati

1 dag gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

1 dag gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

1 dag gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

2 dae gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

2 dae gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

2 dae gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

2 dae gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

2 dae gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

2 dae gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...