VN skenk teen droogte

N$15 miljoen reeds beskikbaar gemaak

14 June 2019 |
Elvira Hattingh - Die Verenigde Nasies (VN) in Namibië het tot dusver reeds US$1 miljoen (sowat N$15 miljoen) vir die droogtereaksieplan beskikbaar gestel.

Me. Rachel Odede, VN-koördineerder in Namibië, het tydens ‘n ontbyt Woensdag aan die diplomatieke gemeenskap asook internasionale organisasies gesê die VN het reeds saam met die regering geïdentifiseer watter ingrypings om lewens te red voorkeur moet geniet.

“Terselfdertyd het die VN ‘n versoek aan sy Sentrale Noodfonds (CERF) volgens behoeftes gerig, eerder as om die leemtes in die droogtereaksieplan te probeer vul,” het Odede gesê.

Sy sê intussen is die VN ook deurgaans besig met maatreëls om die droogte se impak te verlig en van sy hulpbronne is geherprogrammeer.

Dit sluit in tegniese steun om die regering met onmiddellike ingryping te help om die situasie te beredder.

Sy het verder gesê die Namibiese VN-tak ondersteun die hervorming van die VN-stelsel en het dit op 1 Januarie vanjaar reeds begin toepas.

“Die doel van die hervorming is om die One-UN Development System te versterk sodat die totale stelsel ingespan kan word om die 2030-agenda te bereik en seker te maak niemand word agtergelaat nie,” het Odede gesê.

Sy het gesê die idee is om ‘n “21ste eeuse VN” te skep wat “meer op mense, minder op prosesse, meer op uitslae en minder op burokrasie” fokus.

Die adjunkminister van internasionale betrekkinge en samewerking, me. Christine //Hoebes, het tydens die geleentheid gesê die impak van klimaatsverandering op mense se gesondheid kan reeds gesien word.

Sy het gesê dit is ‘n teken dat lidlande hul pogings moet verskerp om die vrystelling van kweekhuisgasse oor die volgende dekade met 45% te verminder en teen 2050 die punt te bereik waar geen gasse vrygestel word nie.

Sy het die VN vir sy finansiële steun tydens die droogte bedank.

Intussen het die kantoor van die eerste minister reeds ‘n uitnodiging om te tender gepubliseer vir enige entiteite wat daarin belangstel om veevoer te verskaf en af te lewer.

Dit vorm deel van die regering se droogtereaksieplan.

Die tender sal van Julie tot Desember geld en dan moet hormoonvrye, asook voer wat vry is van diereproteïen, in die 14 streke van die land gelewer word.

Sowat 35 000 grasbale asook ’n bykomende 35 000 sakke veevoer word nog benodig.

Die veevoer moet in 50 kg-sakke verskaf word, terwyl die bale 20 kg stuks moet weeg.

Slegs Namibiese maatskappye wat 100% deur Namibiërs besit word, kan tender, óf gesamentlike ondernemings deur sodanige maatskappye.

Die sluitingsdatum om tenders in te dien, is 18 Junie.

Soortgelyk

 

Omkeerpunt vir Meatco

17 ure gelede | Landbou

Elvira Hattingh - Meatco het die afgelope boekjaar sy totale verliese met N$33 miljoen gesny en het boonop daarin geslaag om sy gemiddelde produsenteprys met...

Honde, katte, kinders, sushi en goeie harte

17 ure gelede | Omgewing

Tanja Bause - Die niewinsgewende organisasie Have-a-Heart op Walvisbaai het onlangs in samewerking met Mobile Animal Clinic Namibia 'n baie suksesvolle sterilisasie- en kastrasieveldtog onderneem....

Lubowski ‘krabbel terug’

17 ure gelede | Regering

Denver Kisting – Mnr. Sisa Namandje, pres. Hage Geingob se prokureur, sê me. Gabrielle Lubowski skrabbel terug nadat sy vroeër die staatshoof glo valslik beskuldig...

Blowing the whistle

17 ure gelede | Mense

Justicia Shipena Tamara !Gaoses is the first internationally recognised female 3x3 basketball referee in the country and this qualification allowed her to officiate...

LPM betreur Operasie Kalahariwoestyn

17 ure gelede | Politiek

Catherine Sasman – Die Landless People’s Movement (LPM) het sy stem by die toenemende druk gevoeg dat die regering lede van die Namibiese weermag (NDF)...

Weer vir 25 Junie 2019

17 ure gelede | Weer

BINNELAND: Sonnig en matig tot warm in die Suide. Elders sal dit sonnig en warm wees, maar baie warm in die Noorde. KUS:...

Hilton Hotel 7de keer beste in Namibië

17 ure gelede | Toerisme

Vir die sewende agtereenvolgende jaar het die Hilton Hotel in Windhoek met die World Travel-toekenning vir 2019 as die beste hotel in Namibië weggestap. “Ek...

CoW-drama kry tweede asem

17 ure gelede | Regering

Denver Kisting – Sodra sy tugverhoor afgehandel is, kan die stadsraad besluit of strafregtelike klagte ook teen mnr. Robert Kahimise, Windhoek se uitvoerende hoof, gelê...

Kalahariwoestyn-slagoffer se lyk op lorrie

17 ure gelede | Polisie

Denver Kisting – Talle Namibiërs is woedend omdat mnr. Fambauone Black (22) se oorskot die afgelope Saterdag agter op ’n lorrie terug Zimbabwe toe vervoer...