Vlamme verswelg sinkhuise op Henties
Verslae inwoners van Hentiesbaai het gister toegekyk hoe drie sinkhuise binne minute voor hulle oë in die informele woonbuurt van Omdel afgebrand het. Die brand het omstreeks 13:30 ontstaan, vermoedelik nadat kinders kos warm wou maak en die vlamme handuit geruk het. "'n Redelike sterk ooswind het bygedra dat die vlamme nog vinniger versprei," het Barrine Blom gesê. Volgens LifeLink Emergency Rescue Services wat op die toneel hulp verleen het, het 'n vrou ligte beserings opgedoen toe sy 'n kind uit 'n sinkhuis wou red. Gelukkig is geen lewens geëis nie. Volgens dié reddingsdienste is die sinkhuise vernietig voor die munisipale brandweerwa op die toneel aangekom het. Foto's Barrine Blom
Kommentaar
Republikein
Geen kommentaar is op hierdie artikel gelaat nie