Visvang, kamp en al die lekker dinge in die lewe

08 November 2018 | Rubrieke
Tanja Bause - Dis al weer ek, jou baba.

Ek word nou baie groot, Mamma weet, ek weeg nou al soveel soos drie klein sakkies meel – of só sê hulle. Ek kan nou al alles hoor wat Mamma en die tannies sê en ek voel so ’n bietjie eensaam hier, want ek kry dit steeds nie reg om geluide te maak nie.

So ek skop en skop, maar ek kry die gevoel Mamma verstaan nie die skop so lekker nie.

Nou en dan sal Mamma terugpraat, maar ander kere vryf Mamma net daar waar ek geskop het, en sê vir my: “Raak rustig, my lief, ek lag net lekker.”

Mamma verstaan nie dat ek so graag wil saam praat nie.

So nou moet ek al weer ’n brief skryf.

Ek het groot planne. Ek hoor nou die dag die gesprek wat Mamma met Oupa gevoer het. Julle het oor visvang en kamp gepraat. Ek weet nou al wat ’n hond is.

Soos ek laas verduidelik het, is dit ’n mens se beste vriend. Maar ’n vis? Ek weet Mamma is baie lus vis sushi.

Dit is glo rou vis. Jy kan dit nie nou eet nie, want ek is in jou maag en ek moet sê, ek is nogal bly daaroor. Ek weet nie of ek nou al kans sien vir rou kos nie. Onthou, my magie is nog baie klein en sensitief.

So, vis is iets wat ’n mens rou kan eet en as julle van visvang praat, klink dit vir my die dier moet gevang word.

Oupa klink baie opgewonde, so ek neem aan dit is baie prettig en ek sien uit daarna om dit te probeer. Mens moet mos alles een keer probeer.

Soos ek kan aflei, is die vis in die see, wat glo ’n klomp water is. Baie meer water as waarin ek tans woon. Dalk is ek ’n vis? Nee, kan nie wees nie, want Mamma praat van haar baba, so ek is ’n baba.

Dit klink of daar nie huise is soos die een wat Mamma nou vir my en haar gekry het om in te bly nie.

Oupa het gesê hy sal die tent vir Mamma opslaan en mooi maak. So, as jy ’n tent opslaan, dan noem jy dit kamp? Dit klink baie opwindend. Jy kan jou huis sit net waar jy wil en verander soos jy wil. Lekker in die vars lug wees. Ek is nou sommer baie opgewonde. Ek onthou die een tannie wat gesê het vars lug en son is baie goed vir my en Mamma, so ons gaan lekker en sommer baie gaan kamp.

Daar is ook een ding wat ek weet ek by oupa wil leer, nee eintlik móét leer, en dit is hoe om ’n band te ruil. Ek het die gesprek gevolg en dit is een ding wat elke meisie moet kan doen. So, ek sal leer hoe om die band te ruil sodat ek vir Mamma kan help as Mamma met ’n pap band gestrand is. Ek is immers baie jonger en sterker as Mamma.

Nog ’n ding waarna ek baie uitsien om te leer, is afval kook by Ouma. Ek hoor Mamma hou baie daarvan, en ons het tog al die gesprek oor kookklasse vir Mamma gehad. So, ek dink as Ouma dit vir my kan leer, kan ek dit maak. Ek hoop nie daar is rou vis by betrokke nie.

Sjoe, as ek nou so dink aan wat ek alles wil leer en moet doen, klink dit vir my ek sal ’n vol program hê.

Ek is nou sommer ’n bietjie uitgeput en dink ek gaan nou slaap.

As ek nou vir ’n ruk lank nie vir Mamma skop nie, moenie bekommerd wees nie, want ek is oukei, ek’s net moeg gedink.

Liefde-groete

Soortgelyk

 

B-dag: Maak of breek

8 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

8 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

8 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

8 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

8 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

8 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

8 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

8 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

8 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...