Visumhekkies val vir beleggers

NEEEF sónder 25%-bepaling

01 August 2019 | Regering
Elvira Hattingh – As deel van die regering se poging om Namibië se ekonomie te laat herleef, is sekere visumregulasies verander.

Dít om seker te maak buitelanders kry makliker toegang tot sake met die land.

Pres. Hage Geingob het gister tydens die amptelike opening van die Ekonomiese Groeiberaad in Windhoek gesê dit behels byvoorbeeld dat die verkryging van plaaslike verblyfsvisums vir buitelandse afgetredenes vergemaklik is.

“Daar is baie selfonderhoudende bejaardes in oorbevolkte lande wat wil aftree en hulle soek vars lug. Hulle is welkom om in Namibië af te tree, solank hulle nooit ‘n las vir Namibië raak nie,” het die president gesê.

Hy sê in verband hiermee is e-visums of visums wat teen ‘n klein bedrag op grensposte gekoop kan word, ook ingestel, terwyl die proses makliker gemaak is vir hoogs geskooldes of diegene met skaars vaardighede om ‘n werksvisum te kry.

Terselfdertyd is visums aan sakelui vir veelvoudige toegang tot Namibië nou vir ten minste vyf jaar lank geldig.

Maatreëls is ook ingestel vir die uitreiking van verblyfsvisums aan mense wat plaaslik groot kapitale beleggings in Namibië wil maak.

STRUIKELBLOKKE

Die president het gesê Namibië se ekonomie is die afgelope twee jaar deur “ongekende winde van voor gekonfronteer” en dat die verwagting is dat die beraad ‘n ekonomiese herlewing sal bring, wat deur die private sektor gelei sal word.

Geingob sê die hoëvlakpaneel vir die ekonomie (HLPE) wat hy in Maart aangestel het, het sleutel beleids- en regulatoriese bottelnekke geïdentifiseer wat daartoe bydra dat die ekonomie die pas markeer.

Dit sluit in die Nuwe Wetsontwerp vir Gelyke Ekonomiese Bemagtiging (NEEEF), die Namibië beleggingsbevorderingswet (Nipa), die sentrale verkrygingsraad van Namibië, visum- asook leenwaarderegulasies en plaaslike besparingstoepassings.

Geingob het gesê oor die afgelope dekade het die regering probeer om breë ekonomiese bemagtiging te bewerkstellig, maar het erken die gewenste resultate is nie bereik nie.

NEEEF

Geingob wou duidelikheid oor NEEEF verskaf.

“Die verpligte 25%-aandelebelang deur ‘n voorheen benadeelde Namibiër is verwyder. Tog bly alle pilare van NEEEF staande en sal dit in aanmerking geneem word as ondernemings sake met die regering wil doen of vir lisensies vir die gebruik van natuurlike hulpbronne wil aansoek doen,” het hy gesê.

Hy het bygevoeg die afhandeling van NEEEF geniet voorkeur by die regering en die wetsontwerp sal binne ses maande in die parlement ter tafel gelê word.

Die president sê die finalisering hiervan sal beleidsekerheid bring, wat kapitale uitvloei behoort te verminder en plaaslike asook buitelandse direkte beleggings kan ontsluit.

“Soos ons ‘n nuwe ekonomiese identiteit smee wat ‘n gelyke, ná-onafhanklike Namibië verteenwoordig, moet ek dit duidelik stel: Dit is nie ons bedoeling om weg te neem van dié wat het nie, maar eerder om die Namibiese ekonomie te laat groei sodat meer Namibiërs produktiewe ekonomiese bates kan bestuur en besit.”

Geingob het gesê die beleggingsbevorderingswet word ook eers teruggehou, sodat meer insette van die private sektor gekry kan word en dit reeds teen die einde van die boekjaar in werking kan tree.

Hy sê die regering het ingestem tot ‘n voorstel dat die openbare verkrygingswet hersien en aangepas moet word en sal binne die huidige boekjaar daarmee begin.

Hy het beleggers weer eens verseker Namibië gee gehoor aan die oppergesag van die gereg en die reg op private eiendom word deur die Grondwet gewaarborg.

[email protected]

Soortgelyk

 

Verklaar raad nietig, sê Itula

10 ure gelede | Politiek

Henriette Lamprecht - Dr. Panduleni Itula, tandarts van beroep en onafhanklike presidentskandidaat in die pas afgelope verkiesings, wil hê die aanstelling van nuwe lede van...

Makalani’s se voete in die water

10 ure gelede | In beeld

Die Namibiese weerkantoor het gister wéér ’n weerwaak vir wydverspreide donderstorms uitgereik, wat na verwagting in die Ohangwena-, Otjozondjupa-, Khomas- en Omahekestreek sal voorkom. Daar...

Opposisie, Itula gaan hof toe oor verkiesings

10 ure gelede | Politiek

Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook...

Noa kap na ‘leunstoel-kritici’

10 ure gelede | Misdaad

Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié...

STEMFEITE: OSHANA

10 ure gelede | Politiek

Die infografiek lig Ondangwa se verkiesingsuitslae uit. In 2014 het Swapo 86% van alle stemme in die kiesafdeling gewen.

Weer vir 5 Desember 2019

10 ure gelede | Weer

WEERWAAK: Donderstorms van 50 mm en meer oor 24 uur kan kitsvloede in Ohangwena, Otjozondjupa, Khomas en Omaheke veroorsaak.BINNELAND: Gedeeltelik bewolk en baie warm...

PDM steek skadukabinet aan die werk

10 ure gelede | Politiek

Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.Volgens hom gaan...

Vervoerpionier se roudiens Saterdag

10 ure gelede | Mense

Francoise Steynberg - Die roudiens van ’n pionier en legende in die Namibiese vervoer- en toerismebedryf, wyle mnr. Willie du Toit (68), vind Saterdag om...

Namibiër vlieg agter rooikuifloerie aan

10 ure gelede | Omgewing

Francoise Steynberg - Ná die skaars rooikuifloerie (Musuphaga rossae) onlangs vir die eerste keer langs die Kavangorivier ontdek is, het ’n kranige Namibiese vryskutfotograaf en...