Vismaatskappy kry miljoene terug
'n Namibiese maatskappy se geld, waarop die aanklaer-generaal in Januarie vanjaar beslag gelê het, is Woensdag vrygestel.
Jacqueline Louw
Adjunk-regterpresident Hosea Angula het gister in die hoërhof in Windhoek beveel dat die bewaringsbevel wat die aanklaer-generaal (AG) in Mei oor Atlantic Ocean Management Group (Atlantic Ocean) se bankrekening verkry het, ter syde gestel word.
Die regter het verder beveel die aanklaer-generaal moet die koste van die aansoek betaal en die aansoek moet van die hofrol verwyder word.
Atlantic Ocean en Fish Spain se aansoek vir 'n bevel dat die AG se bewaringsbevel oor die geld in Atlantic Ocean se rekening ter syde gestel moet word, spruit uit beweringe dat Fish Spain onwettiglik in Namibiese waters visgevang het. Dié aantygings is ontken.
Volgens 'n bewaringsbevel wat in Januarie vanjaar deur AG Martha Imalwa uitgereik is, is beslag gelê op nagenoeg US$886 722 in die bankrekening van Atlantic Ocean by Bank Windhoek. Dié bedrag beloop volgens die huidige wisselkoers sowat N$11 437 604. Dit was veronderstel om na Fish Spain se bankrekening oorgeplaas te word.
Nadat die bewaringsbevel verval het, het Imalwa 'n tweede bewaringsbevel op 26 Mei verkry sonder om die ander partye daarvan in te lig.
In dokumente wat voor die hof gedien het, het die Spaanse burger mnr. Alberto Martinez, Atlantic Ocean se mede-direkteur en 50%-aandeelhouer, gesê hul visvangbedrywighede vind aan die kus van Angola plaas en dat hulle slegs die Namibiese maatskappy gebruik het om winste na 'n houermaatskappy in Spanje oor te plaas. Hierdie proses was genoodsaak deur die ekonomiese probleme in Angola wat dit onmoontlik gemaak het vir maatskappye om buitelandse valuta uit dié land te stuur.
Martinez en mnr. Juan Maqueira, albei aandeelhouers in Atlantic Ocean, het Imalwa hof toe gesleep vir die vrystelling van die sowat US$886 722 in Atlantic se rekening.
In die AG se eerste aansoek is aangevoer die geld in Atlantic Ocean se bankrekening is die opbrengs van onwettige aktiwiteite.
Die AG het aangevoer Atlantic het die bepalinge van die finansiële intelligensiewet oortree omdat hy nie twee deposito's van US$59 400 en US$905 780 onderskeidelik aan die departement van doeane en aksyns verklaar het nie. Volgens die AG was daar geen rekord by die direkteur van doeane en aksyns van dié twee bedrae nie en dat die geld van Angolese burgers ontvang is nie.
Regter Angula het bevind die AG het geen dwingende rede gehad om die tweede bewaringsbevel op 'n ex parte-basis te bring nie en dat sy doelbewus toegelaat het dat die eerste bewaringsbevel verval. Vir hierdie redes het die regter die tweede bewaringsbevel ter syde gestel.
Adjunk-regterpresident Hosea Angula het gister in die hoërhof in Windhoek beveel dat die bewaringsbevel wat die aanklaer-generaal (AG) in Mei oor Atlantic Ocean Management Group (Atlantic Ocean) se bankrekening verkry het, ter syde gestel word.
Die regter het verder beveel die aanklaer-generaal moet die koste van die aansoek betaal en die aansoek moet van die hofrol verwyder word.
Atlantic Ocean en Fish Spain se aansoek vir 'n bevel dat die AG se bewaringsbevel oor die geld in Atlantic Ocean se rekening ter syde gestel moet word, spruit uit beweringe dat Fish Spain onwettiglik in Namibiese waters visgevang het. Dié aantygings is ontken.
Volgens 'n bewaringsbevel wat in Januarie vanjaar deur AG Martha Imalwa uitgereik is, is beslag gelê op nagenoeg US$886 722 in die bankrekening van Atlantic Ocean by Bank Windhoek. Dié bedrag beloop volgens die huidige wisselkoers sowat N$11 437 604. Dit was veronderstel om na Fish Spain se bankrekening oorgeplaas te word.
Nadat die bewaringsbevel verval het, het Imalwa 'n tweede bewaringsbevel op 26 Mei verkry sonder om die ander partye daarvan in te lig.
In dokumente wat voor die hof gedien het, het die Spaanse burger mnr. Alberto Martinez, Atlantic Ocean se mede-direkteur en 50%-aandeelhouer, gesê hul visvangbedrywighede vind aan die kus van Angola plaas en dat hulle slegs die Namibiese maatskappy gebruik het om winste na 'n houermaatskappy in Spanje oor te plaas. Hierdie proses was genoodsaak deur die ekonomiese probleme in Angola wat dit onmoontlik gemaak het vir maatskappye om buitelandse valuta uit dié land te stuur.
Martinez en mnr. Juan Maqueira, albei aandeelhouers in Atlantic Ocean, het Imalwa hof toe gesleep vir die vrystelling van die sowat US$886 722 in Atlantic se rekening.
In die AG se eerste aansoek is aangevoer die geld in Atlantic Ocean se bankrekening is die opbrengs van onwettige aktiwiteite.
Die AG het aangevoer Atlantic het die bepalinge van die finansiële intelligensiewet oortree omdat hy nie twee deposito's van US$59 400 en US$905 780 onderskeidelik aan die departement van doeane en aksyns verklaar het nie. Volgens die AG was daar geen rekord by die direkteur van doeane en aksyns van dié twee bedrae nie en dat die geld van Angolese burgers ontvang is nie.
Regter Angula het bevind die AG het geen dwingende rede gehad om die tweede bewaringsbevel op 'n ex parte-basis te bring nie en dat sy doelbewus toegelaat het dat die eerste bewaringsbevel verval. Vir hierdie redes het die regter die tweede bewaringsbevel ter syde gestel.
Kommentaar
Republikein
Geen kommentaar is op hierdie artikel gelaat nie