Viskwotapot kook oor

Sacky sê askies oor stelling

14 June 2018 | Plaaslik
Denver Kisting – Die debat rondom visvangkwotas het opnuut vandeesweek die kwik in die parlement laat styg.

Mnr. Sacky Shanghala, die minister van justisie, moes gister ’n stelling terugtrek wat eergister daarop gesinspeel het die Swanu-LP Usutuaije Maamberua is onder die invloed.

Shanghala het die uitlating Dinsdagmiddag in die Nasionale Vergadering (NV) gemaak toe hy verneem het of Maamberua ’n asemhalingstoestel het.

’n Storm woed die afgelope twee weke nadat mnr. Bernhard Esau, die minister van visserye en mariene hulpbronne, wysigings aangekondig het wat die aansoeke om visvangregte betref.

Mnr. Nico Smit, ’n LP van die amptelike opposisie, die Popular Democratic Movement (PDM), het die mosie ter tafel gelê.

Volgens Smit sal weerlose lede van die samelewing, soos voorheen benadeeldes, vroue, gestremde mense en ongeletterde mense, nie deur die nuwe vereistes bemagtig word nie.

Die grootste doring in die visvangvlees blyk ’n bepaling te wees wat aansoekers verplig om teen 31 Julie ’n private maatskappy geregistreer te hê.

Dít kom nadat dit voorheen moontlik was om as trust, beslote korporasie of artikel 21-maatskappy (’n onderneming sonder winsbejag) visvangregte te bekom.

Viskwotas word op visvangregte geskoei.

Esau het ’n stelling van verlede week herhaal wat lui hierdie sakevorme is steeds geoorloof mits hulle aandeelhouers van ’n private maatskappy is.

Tydens sy bydrae tot die gesprek Dinsdag het die prokureur-generaal, dr. Albert Kawana, die opposie-LP’s daarvan beskuldig dat hulle gesag minder gewig dra omdat hulle in die minderheid is.

Maamberua het hierteen te velde getrek waarna Shanghala hom gewend het tot sy vraag oor die asemhalingstoestel, waarmee alkoholvlakke in die liggaam gepeil word.

Maandag is daar begin met landwye inligtingsessies om die publiek touwys te maak met die aansoekproses – ’n vergunning wat volgens Esau op beraadslaging neerkom.

Die gesprek in die NV sou gistermiddag voortgesit gewees het.

Soortgelyk

 

'Barbaarse' olifantjag skaad Namibië se beeld

10 ure gelede | Plaaslik

Denver Kisting Namibië is opnuut internasio­naal in die sop nadat 'n video oor 'n wrede olifantjag die ­afgelope week aan die lig gekom het.'n Storm...

Elite hervestig, sê ontevrede aansoekers

10 ure gelede | Plaaslik

Catherine Sasman - Redes vir die ministerie van grondhervorming se besluit om die plase Felseneck (nr. 26) en Okanatjikuma (nr. 26) aan die beslote korporasie...

Utoni hou voet by stuk oor Rus

10 ure gelede | Plaaslik

Ronelle Rademeyer Die minister van grondhervor­ming, mnr. Utoni Nujoma, het Vrydagmiddag aan joernaliste herhaal wat hy die vorige middag aan parlementariërs gesê het, naamlik dat...

Huurbeheer binne drie weke ingestel

10 ure gelede | Plaaslik

Augetto Graig - Die Regstellende Herposisioneringsbeweging (AR) sê hy het daarin geslaag om die regering tot die instel van huurbeheerrade te dwing.In huurordonnansie nommer 13...

Skole, koshuise is ‘kraamsale’

10 ure gelede | Onderwys

Henriette Lamprecht – Die enigste oplossing vir die terugbrenging van morele waardes en om tienerswangerskappe hok te slaan, is die herinstel van Bybelstudie by skole...

Streeksowerhede nou verantwoordelik vir waterverskaffing, sanitasie

10 ure gelede | Ministeries

Die ministerie van landbou, water en bosbou se waterverskaffing- en sanitasiekoördinasie-funksie sal voorts op streeksvlak hanteer word. Die funksies onder meer die identifisering van plekke...

Simataa bekommerd oor kubermisdaad

10 ure gelede | Ministeries

Denver Kisting – Die minister van inligting en kommunikasietegnologie, mnr. Stanley Simataa, sê die prys van tegnologie is aanlyn misdaad.Hy het verlede week in die...

Namrights wil hof toe oor Olufuko

10 ure gelede | Misdaad

Catherine Sasman – Namrights is besig om hofstukke voor te berei om die herlewing van die Olufuko-fees en ander kulturele praktyke stop te sit, wat...

Naelsalonne span saam teen kanker

10 ure gelede | Gesondheid

Yolanda Nel - Toe Marjuné Fleschig (7) van Otjiwarongo met leukemie gediagnoseer is, het twee naelsalonne op die dorp koppe bymekaargesit om geld vir haar...