Visfabriek skep werk vir nog 100

N$25 m. in infrastruktuur belê

12 August 2019 | Plaaslik
Denver Kisting op Lüderitz – Die uitbreiding van die visfabriek van Marco Fishing op Lüderitz en die gepaardgaande werksgeleenthede is ’n mylpaal wat waardetoevoeging in die visbedryf betref.

So het mnr. Bernard Esau, die minister van visserye en mariene hulpbronne, die afgelope Saterdag op die hawedorp gesê.

Marco Fishing en sy vennote, Mekarilakha Fishing, het nagenoeg N$25 miljoen belê om die fabriek se vloeromvang, sy vriesvermoëns en toerusting- en personeelruimte uit te brei.

Esau sê die direkte gevolg hiervan was 100 nuwe werksgeleenthede. “Dit is ’n reuseontwikkeling, wat ek hartlik verwelkom,” het hy die afgelope naweek tydens die bekenstellingsgeleentheid gesê.

Volgens die minister lê die toekoms van die visbedryf in waardetoevoeging.

Hy sê kragtens die visvangkwotapuntestelsel wat tans in die pylvak is voor dit in die Staatskoerant gepubliseer word, word instellings vergoed vir die hoogste aantal werksgeleenthede per metriese ton en vir hul beleggings in die visbedryf.

Die regering is volgens Esau nie meer bereid om werksgeleenthede uit te voer nie deur on- of onderverwerkte vis uit die land te stuur nie.

Esau sê visvangregtehouers moet besef die enigste manier om daardie regte te behou of selfs hul kwota te verhoog, is om ordentlike permanente werksgeleenthede te skep.

Mnr. Francois Louw, die voorsitter van die raad van Marco Fishing, sê die afgelope drie jaar het die maatskappy 14% van sy verdienste in die staatskas teruggeploeg. Dit sluit heffings, inkomstebelasting en personeelbelasting in.

“Ek dink dit is duidelik dat ondanks die feit dat Marco Fishing ’n klein onderneming is, het ons ’n belangrike rol vertolk in die ontwikkeling van Lüderitz en sy mense. Saam met ons vennote, Mekarilakha, strewe ons daarna om ’n selfs groter rol in die toekoms te speel,” het hy Saterdag op sy beurt gesê.

[email protected]

Soortgelyk

 

Verklaar raad nietig, sê Itula

11 ure gelede | Politiek

Henriette Lamprecht - Dr. Panduleni Itula, tandarts van beroep en onafhanklike presidentskandidaat in die pas afgelope verkiesings, wil hê die aanstelling van nuwe lede van...

Makalani’s se voete in die water

11 ure gelede | In beeld

Die Namibiese weerkantoor het gister wéér ’n weerwaak vir wydverspreide donderstorms uitgereik, wat na verwagting in die Ohangwena-, Otjozondjupa-, Khomas- en Omahekestreek sal voorkom. Daar...

Opposisie, Itula gaan hof toe oor verkiesings

11 ure gelede | Politiek

Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook...

Noa kap na ‘leunstoel-kritici’

11 ure gelede | Misdaad

Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié...

STEMFEITE: OSHANA

11 ure gelede | Politiek

Die infografiek lig Ondangwa se verkiesingsuitslae uit. In 2014 het Swapo 86% van alle stemme in die kiesafdeling gewen.

Weer vir 5 Desember 2019

11 ure gelede | Weer

WEERWAAK: Donderstorms van 50 mm en meer oor 24 uur kan kitsvloede in Ohangwena, Otjozondjupa, Khomas en Omaheke veroorsaak.BINNELAND: Gedeeltelik bewolk en baie warm...

PDM steek skadukabinet aan die werk

11 ure gelede | Politiek

Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.Volgens hom gaan...

Vervoerpionier se roudiens Saterdag

11 ure gelede | Mense

Francoise Steynberg - Die roudiens van ’n pionier en legende in die Namibiese vervoer- en toerismebedryf, wyle mnr. Willie du Toit (68), vind Saterdag om...

Namibiër vlieg agter rooikuifloerie aan

11 ure gelede | Omgewing

Francoise Steynberg - Ná die skaars rooikuifloerie (Musuphaga rossae) onlangs vir die eerste keer langs die Kavangorivier ontdek is, het ’n kranige Namibiese vryskutfotograaf en...