Vir die beste jy

02 March 2018 | Kuns en vermaak
Yolanda Nel

Of jy haar ken as Willemien de la Harpe in Strikdas, Emma le Roux in Jagveld of Alecia in Vuil Wasgoed, hierdie aktrise het die kassie aan die brand en sy spog met nóg ‘n paar talente.

Leandie du Randt Bosch is binnekort hier op eie bodem om oor haar boek te gesels. Hoewel die boek, Gemaklik in jou eie lyf, reeds in 2014 bekend gestel is, is die tema ‘n belangrike kwessie - veral onder jong meisies.

“Dit was vir my belangrik om ‘n platform te skep om meisies te help om deur sekere kwessies te werk,” sê Leandie. “As mens nie bewus is van iets wat jou dalk verhoed om die beste jy te word wat jy kan wees nie, dan kan jy dit nie regmaak nie.”

Haar boek gee jou die geleentheid om vrae aan jouself te vra om uit te vind wat dit is wat jou pla en wat jou verhoed om die beste jy te wees.

“Dan is daar raad om daardeur te werk sodat jy gemaklik in jou eie lyf kan wees,” sê sy.

Die boek is aanvanklik vir jonger meisies geskryf, maar dit is beslis ook van toepassing op volwasse vroue. “Dit fokus op kwessies wat elke vrou op een of ander tyd in haar lewe moet deurmaak.”

‘n Toer in Namibië is vir haar belangrik, omdat die boek nie andersins in die land beskikbaar is nie en dit vir Leandie belangrik is om haar boodskap ook hier te kom deel.

En sy is geen nuweling in Woestynland nie.

“Ons het sewe vertonings in Namibië en ek is opgewonde om na plekke te gaan waar ek nog nie voorheen was nie,” sê sy.

Haar beroep as aktrise het haar beslis ‘n platform gegee om oor belangrike kwessies te kan praat. Maar Leandie is eintlik ‘n opgeleide psigometris wat per toeval in die TV-wêreld beland het.

“Op universiteit het ek aan my koshuis se beauty pageant deelgeneem en met die Mej. Persoonlikheid-titel weggestap,” vertel sy. Die prys was ‘n dramakursus deur Brümilda van Rensburg.

“Sy het my gehelp om in die bedryf in te kom en vir oudisies voor te berei.”

Leandie is vir nog lank nie klaar op die skerms nie en ons kan haar, saam met haar man, Bouwer Bosch, in Junie in hul eie fliek, Thys en Trix, sien.

Haar man is haar steunpilaar en “dit is die grootste voorreg in die wêreld om met hom getroud te wees”.

Sy vertel ook hy laat haar elke dag lag en hy daag haar uit “om ‘n beter ek te wees, maar uit die vryheid van eie wil en wese”.

Leandie sal tussen 2 en 9 Maart deur Namibië toer en Irene-Louise van Wyk sal as gaskunstenaar optree.

Sy maak al vier jaar lank musiek en het al musiekvideo’s soos “Jy moet maar vergeet van my” en “Sjampanje” op haar kerfstok.

“Om op die verhoog te wees, is een van die lekkerste dinge om te doen,” sê sy.

“Ek dink dit was nog altyd my destiny om te sing en op te tree.”

Sy is ook geen nuweling in Namibië nie en sien uit daarna om weer te kom kuier.

“Ek het baie lief geword vir die land en sy mense,” sê sy.

Vir die res van die jaar fokus Irene-Louise op haar nuwe album, #Sjampanje.

Vir meer inligting oor die vertonings, stuur gerus ‘n e-pos aan Marcha Reed by [email protected]

Soortgelyk

 

Plastieksakke uit nasionale parke verban

1 dag gelede | Omgewing

Die minister van die omgewing en toerisme, mnr. Pohamba Shifeta, het plastieksakke uit alle nasionale parke in die land verban. Die minister het gemaan geen...

Nampol-beamptes skuldig aan nalatigheid

1 dag gelede | Misdaad

Twee senior polisiebeamptes wat intern ondersoek is vir hul beweerde nalatigheid om betyds te reageer in ‘n saak waarin ‘n 18-jarige vyf familielede vroeër vanjaar...

Ollies les hul dors

1 dag gelede | In beeld

Namibiërs in die Zambezistreek kan vandag na verspreide donderbuie uitsien, terwyl dié elders in die binneland vir eers nog met enkele tot geïsoleerde buie tevrede...

Ekonomie: Hou sand uit wiele

1 dag gelede | Politiek

Ronelle Rademeyer Dubbele belasting, soos belasting op dividende en belasting op kapitaalwins is immoreel en gaan nié die ekonomie laat groei nie.'n Ekonomie is die...

PS'e binnekort nié permanent

1 dag gelede | Regering

Denver Kisting - As beplande wetgewing deurgevoer word, is PS’e binnekort nie meer “permanent” in die tuig nie.Hiernaas sal dié rekenpligtige beamptes van ministeries ook...

Gróót regshervorming binnekort op pad

1 dag gelede | Ministeries

Denver Kisting – Die werksaamhede van die land se howe word deur verskeie uitdagings gekortwiek.In die lig van hervorming wat die minister van justisie, mnr....

Ongelukke: Namibië 45ste op wêreldranglys

1 dag gelede | Ongelukke

Padongelukke kos Namibië jaarliks N$1,3 miljard en is die oorsaak van 3,76% van die land se totale sterftes.Dié skokkende syfers is Dinsdag namens die minister...

Weer vir 23 November 2018

1 dag gelede | Weer

BINNELAND: Gedeeltelik bewolk en bloe­dig warm in die ||Kharasstreek en die Weste. Elders sal dit gedeeltelik bewolk en baie tot bloedig warm wees met enkele...

Weer, Donderdag 22 November 2018

1 dag gelede | Weer

BINNELAND: Sonnig en baie tot bloedig warm in die //Kharasstreek. Elders sal dit gedeeltelik bewolk en baie tot bloedig warm wees. Enkele donderbuie word in...