Vigsverwante demensie bekyk

Eerste databasis saamgestel

19 December 2018 | Gesondheid
Henriette Lamprecht



Namibië is die eerste land in Afrika wat nou saam met 'n laboratorium in Amerika werk om 'n databasis vir demensie in die land saam te stel, en om veral die voorkoms van vigsverwante demensie in Namibië te ondersoek.

Alzheimers Dementia Namibia (AND) werk nou saam met dr. William Hu, 'n neuroloog en neurowetenskaplike van Atlanta, Amerika, en sy laboratorium, Hu Lab.

Dié samewerking volg ná 'n ontmoeting tussen AND se stigter, mnr. Berrie Holtzhausen, en Hu tydens die vierde Afrika Alzheimers-kongres wat in Kenia aangebied is.

“Hy het my in Junie verlede jaar gekontak nadat iemand van die Wêreldgesondheidsorganisasie (WHO) hom van my vertel het. Ons het e-posse heen en weer gestuur en ek het vertel van my vermoede dat daar geweldig baie mense in Namibië is wat met MIV/vigsverwante demensie saamleef. Dit is selfs mense jonger as 35 jaar,” vertel Holtzhausen.

Hu se antwoord was dat hy nou saam met MIV-dokters in Atlanta, Amerika, oor die verband tussen MIV en alzheimers werk.

Atlanta het die hoogste getal MIV-positiewe mense in Amerika.

Volgens Hu is die kwessie van demensie wat aan MIV verwant is “redelik betekenisvol”.

“Ek het syfers gebaseer op bevolkingstatistiek, die voorkoms van alzheimers en die beraamde voorkoms van alzheimers vir Noord-Amerika, Europa, Australië en Afrika getrek. Dit wil volgens die model, wat nie baie gesofistikeerd is nie, voorkom of MIV-demensie 'n baie algemene oorsaak van demensie in Afrikalande is,” het Hu in 'n e-pos aan Holtzhausen gesê.

Volgens Hu is MIV-demensie meer algemeen as alzheimers in lande soos Namibië, Suid-Afrika, Uganda, Kenia, Tanzanië, Nigerië, Gaboen en Togo.

Volgens Holtzhausen werk hy nou saam met Hu en sy laboratorium om 'n databasis vir demensie in Namibië saam te stel.

Hu het 'n vraelys (Mini Mind State Examination - MMSE) vir Holtzhausen saamgestel, nadat hy verskeie vrae oor onder meer kulturele begrippe en gebruike moes beantwoord oor die omgewing waarin hy die laaste paar jaar werk.

“My opdrag behels die opspoor van mense wat met MIV/vigs leef en om dan gevolglik die vraelys vir elk te voltooi,” verduidelik Holtzhausen.

Volgens hom is die MMSE so saamgestel dat dit as 'n kliniese toets bepaal watter deel van die brein moontlik beskadig is en reeds besig is om “af te sterf”.

Holzhausen se eerste respondent om die vraelys te voltooi, was me. Frankhilde Haingura oor wie Republikein al vantevore berig het.

Haingura, wat met demensie leef, het vyf jaar gelede al haar lewensmiddele verloor nadat haar buurvrou haar 'n “heks” genoem het.

Dít omdat haar gemeenskap haar uit onkunde verwerp het.

“Ek het die uitslae van die MMSE-vraelys aan Hu teruggestuur sodat hulle kan sien of dit goed genoeg is vir die spesifieke kultuur en milieu waarin ek werk.”

Holtzhausen sê hy is opgewonde oor die samewerking tussen AND en Hu Lab.

“Ek hoop die data sal 'n bydrae tot samewerking met nieregeringsorganisasies lewer wat fokus op MIV/vigs, asook tot die ministerie van gesondheid en die ministerie van onderwys, kuns en kultuur se program vir lewensvaardighede, en dat dit tot voordeel van breingesondheid in Namibië sal wees.

“Ek hoop dit sal die diskriminasie teen en stigma oor breinsiektes soos demensie en ander breinafwykings verminder en verhoed.”

Die Hu Lab is op die Emory-universiteit se kampus in Atlanta, Amerika, geleë en fokus op vloeibare biomerkers in neurodegeneratiewe versteurings wat alzheimers, frontotemporale demensie en ander verwante toestande insluit. Dit staan onder leiding van Hu, wat in 2010 by die universiteit aangesluit het om die biomerkerprogram uit te brei en te verbeter. Hy is ook die ontvanger van die Paul B. Beeson- toekenning vir loopbaanontwikkeling.

Die doel van Hu se laboratorium is om begrip van vroeë veranderings in alzheimers (AD), frontotemporale degenerasie (FTD) en Lewy-liggaamsiekte (LBD) deur middel van die ontleding van serebro­spinale ­vloeistof te bevorder.

Voorts fokus die Hu Lab op die ontwikkeling van diagnostiese en prognostiese biomerkers vir bogenoemde siektes.

Die hoop is om dié biomerkers te gebruik om behandelings vir AD, FTD en LBD te identifiseer wat die potensiaal het om die koers van dié siektes te verander.

Volgens Hu Lab se webtuiste woon 'n beraamde 66% van mense met demensie in laer- en middelinkomstelande, met weinig begrip oor watter siektes demensie in dié lande veroorsaak.

Volgens Hu kan gevra word of alzheimers in Noord-Amerika dieselfde as in Europa is.

“Is dit vaskulêre demensie (verwant aan beroertes) of Lewy-liggaamsiekte (verwant aan parkinsons), of is dit iets anders?” vra die webtuiste.

Buiten Namibië werk die Hu Lab nou saam met Costa Rica en die Dominikaanse Republiek om die oorsake van demensie op te spoor.

Soortgelyk

 

SDFN houses at Kalkfeld nearing completion

1 uur gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

1 uur gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

1 uur gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

1 uur gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

1 uur gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

1 uur gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

1 uur gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...

Aanleg les binnekort weer dors

1 uur gelede | Regering

Elvira Hattingh - Windhoek se WinGoc-aanleg (Windhoek Goreangab Operating Company) sal na verwagting binne dae weer drinkwater aan Windhoekers kan verskaf. Terselfdertyd beplan die munisipaliteit...

Wetsontwerp terug parlement toe

1 uur gelede | Ministeries

Ogone Tlhage – Die wet op staatsondernemings sal na verwagting eersdaags weer in die Nasionale Vergadering (NV) vir finale insette voorgelê word, mnr. Leon Jooste,...