Vigs: 42% minder sterf

Drie uit vier ken hul status

24 June 2019 | Gesondheid
Henriette Lamprecht - Weens MIV-toetsstelle wat meer geredelik onder gemeenskappe beskikbaar is, is minstens drie uit vier mense wat met MIV leef, van hul status bewus.

Volgens die minister van gesondheid en maatskaplike dienste, dr. Kalumbi Shangula, is groot vooruitgang gemaak in die bereiking van die doelwitte van die nasionale strategiese raamwerk.

Dít danksy politieke bereidwilligheid en leierskap, sowel as die ondersteuning van ontwikkelingsvennote.

Hy het verwys na ’n daling van 42% in vigsverwante sterftes in Oos- en Suidelike Afrika, wat grootliks aan vooruitgang in Afrika suid van die Sahara toe te skryf is.

Shangula was aan die woord tydens die opening van die buitengewone gesamentlike ontmoeting van ministers van gesondheid in die Suider-Afrikaanse Ontwikkelingsgemeenskap(SADC)-streek.

Die vergadering, wat in Windhoek plaasgevind het, is deur die voorsitter van die SADC-ontwikkelingskomitee, president Hage Geingob, byeengeroep om maniere te ondersoek om MIV/vigs volhoubaar in SADC-lidlande te beheer.

Shangula het gesê in die lig van kwynende hulpbronne is dit openbare gesondheidsbeamptes en politieke leiers se plig om te verseker die vigspandemie word kostedoeltreffend en volhoubaar in gemeenskappe beheer.

“Daar is ’n dringende behoefte daaraan om maniere te oorweeg om voorsiening vir finansiële hulpbronne te maak om die vooruitgang te beskerm en vol te hou wat gemaak is om die vigspandemie te beheer,” het Shangula gesê.

Volgens hom is akkurate en betroubare inligting nodig om die doeltreffendheid van finansiële hulpbronne te verseker.

Hy het beklemtoon beleidsrigtings vir gesondheid en regsmiddele moet plaaslike programme ondersteun om die verlangde uitkomste te verseker.

Die ministers sal na afloop van die vergadering ’n plan vir die volhoubare beheer van die MIV-pandemie opstel.

Soortgelyk

 

Voortrekker: “Namibië nie ’n desperate land”

12 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

12 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

12 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

12 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

12 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...

D-Dag vir Katrina

12 ure gelede | Howe

Denver Kisting – Die minister van onderwys, kuns en kultuur, me. Katrina Hanse-Himarwa, hoor na verwagting vandag of die hoërhof reken sy is skuldig aan...

Vrae oor RCC-salarisse

12 ure gelede | Vervoer

Augetto Graig en Ogone Tlhage - Byna 400 werknemers van die Paaiekontrakteursmaatskappy (RCC) wag in spanning om te hoor of hulle vadeesmaand betaal gaan word....

Die jeug is Namibië se grootste hulpbron

12 ure gelede | Gesondheid

Henriette LamprechtNamibië se jeugdige bevolking is die land se grootste hulpbron. Sou dié hulpbron nie doeltreffend ondersteun word nie, laat dit reusegapings in die produktiewe...

Dit raak warmer én kouer

12 ure gelede | Weer

Die European Centre for Medium-Range Weather Forecasts (ECMWF) sê die afgelope Junie was die warmste wêreldwyd sedert 1979. Volgens dié weerkundiges was wêreldwye temperature vir...