Vier olifantjies oorleef

Getalle kwyn

03 September 2019 | Omgewing
ont face="Verdana" >

Tanja Bause - Sewe woestynaangepaste olifante is sedert Januarie in die Hoanibrivier se opvangsgebied gebore waarvan drie binne ‘n week ná hul geboorte gesterf het.

Dit gaan goed met die oorblywende vier.

Volgens dr. Laura Brown, direkteur van die organisasie Desert Elephant Conservation, woon daar tans 22 olifante, waarvan twee volwasse bulle, in die Hoanib-opvangsgebied .

“Daar is slegs 11 olifante in die laer opvangsgebied van die Hoarusib, waarvan ook twee bulle is. Hulle ly erg weens die droogte. Vier matriarge het onder meer die afgelope tyd gesterf,” het sy gesê.

Op 10 Augustus het die olifantkoei Franny (F7) in die Hoarusib gevrek en haar tweejarige kalf wees gelaat.

“Ons het gehoop ’n ander olifantkoei sal die kalf aanneem omdat sy nog te klein is om op haar eie te oorleef, maar dit was nie die geval nie. Die kalf is met die toestemming van die ministerie van die omgewing en toerisme gevang en na ’n lodge naby Etosha geneem. Sy is in goeie hande en sal goed versorg word.”

Vyftien jaar gelede was daar 30 olifante in die rivier se opvangsgebied, maar nou is daar net 11 oor.

Volgens me. Christin Winter van die organisasie Elephant Human Relations Aid (Ehra) is daar 25 olifante in die Ugabrivier en -opvangsgebied.

“Hulle is drie troppe met twee bulle. Die laaste baba wat oorleef het, is in Julie 2014 in die rivier gebore.”

“In die Huabrivier en -opvangsgebied is daar 35 olifante wat in twee troppe met vyf bulle verdeel is. In die rivier doen die kalfies bietjie beter en die laaste kalf wat oorleef het, is in Mei 2018 gebore. Dié kalf doen baie goed,” het Winter gesê.

Volgens haar is daar nog ’n trop van agt olifante wat nou en dan in die Huab gesien word.

“Hulle word deur dr. Laura Brown gemonitor en ons moet nog vasstel of hulle tyd in die Huab-gebied of verder noord in die Palmwag-gebied deurbring. Dit is belangrik dat ons hulle nie twee keer tel nie.”

- [email protected]

Soortgelyk

 

Von Bachdam bereik 89%-merk

5 ure gelede | Omgewing

Elvira Hattingh - Die Von Bachdam was vanmiddag om 12:00 presies 89% vol en het steeds 6,4 m³ water per sekonde ontvang. Maandag was dit...

Okahandjarivier saai wéér amok

7 ure gelede | Omgewing

Elvira Hattingh - Die Okahandjarivier het gisternag wéér mnr. James Roux se kleinhoewe buite Okahandja oorstroom en boonop vroegoggend een persoon meegesleur. Die polisie, asook...

Steeds geen kontrak vir diens aan Psemas

19 ure gelede | Gesondheid

Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot...

Beeste uit Botswana vul tekort aan

19 ure gelede | Byvoegsels

Ronelle Rademeyer - Sowat vier maande nadat Botswana sy grens vir die uitvoer van lewende slagbeeste na Namibië oopgestel het, kon Meatco op Dinsdag 18...

Boer skiet glo 'mieliedief'

19 ure gelede | Misdaad

Francoise Steynberg - 'n Boer van Tsumeb het Maandag op ‘n klag van poging tot moord in die landdroshof verskyn nadat hy glo ‘n vermeende...

Weer, Woensdag 26 Februarie 2020

19 ure gelede | Weer

BINNELAND: Gedeeltelik bewolkte en baie warm weer sal in die Kunene-Wesstreek heers. Elders sal dit gedeeltelik bewolk en warm tot baie warm wees met geïsoleerde,...

Samherji-werkers afgelê

19 ure gelede | Misdaad

Leandrea Louw – Sowat 210 werknemers van die vaartuie MV Saga en MV Geysir gaan aanstaande maand afgelê word. Die werknemers is vroeër vandeesmaand gestrand...

Posisioneer jouself betyds vir groter wins

19 ure gelede | Landbou

Christo du Plessis, Dierevoedingskundige: Feedmaster – In hierdie artikel kyk ons na die sleutelkwessies in rooivleisproduksie wat wins dryf, en hoe fosforaanvulling produsente se winsgewendheid...

N$14 miljoen vir kragprojek bewillig

19 ure gelede | Regering

Yandi du Plessis - ’n Sooispitseremonie vir die voorsiening van krag aan die Otjomuise- en Havana informele nedersettings het Vrydag in Otjomuise in die hoofstad...