Verwarring oor Plaas 37 opgeklaar
Walvisbaai se dorpsraad het die gemeenskap ingelig oor die vele prosesse wat gevolg moet word om 'n woonbuurt tot stand te bring.
Otis Finck op Walvisbaai
Teleurgestelde lede van die gemeenskap sê die Walvisbaai-munisipaliteit het hulle waningelig oor die proses betrokke by die aanskaf van Plaas 37 vir die totstandkoming van ‘n dorpsgebied en sê valse verwagtinge is geskep.
Volgens die lede was hulle onder die indruk die goedkeuring van Nampab (die Namibiese Raadgewende Beplanningsraad) sou onmiddellik die deur open vir toekenning van grond, voorsiening van dienste en konstruksie van huise op Plaas 37.
Die 2 000 hektaar stuk grond is oorkant die granietfabriek, in die omgewing van die Maxulili-monument en aangrensend aan die pad na die lughawe geleë.
Die adjunkburgemeester van Walvisbaai, me. Hilka Erastus, het lede van die gemeenskap verlede week tydens ‘n openbare vergadering oor Plaas 37 meegedeel dat die munisipaliteit die uitstaande prosesse so vinnig as moontlik sal afhandel.
“Die ontwikkeling van Plaas 37 is beslis op koers. Die munisipaliteit het die vorige week amptelike ministeriële goedkeuring van Nampab gekry en begin met die ontwerp en uitleg van die dorpsgebied, wat die volgende stap in die proses is. Sodra dit afgehandel is, sal die planne weer aan Nampab vir goedkeuring voorgelê word.
“Die sperdatum vir voltooiing kan enige iets tussen twee en vyf jaar wees en ons ondersoek maniere om die tyd te verkort. Een van die stappe wat oorweeg word om dit te verseker, is die moontlike vereniging van Nampab en die nedersettingsraad.”
Erastus het verduidelik die eerste fase van die proses, wat goedkeuring van Nampab vereis het en tot vyf jaar kon neem, is op ‘n vinnige trajek geplaas.
Sy het voorts gesê ‘n aantal ander prosesse moet steeds afgehandel word alvorens ontwikkeling kan begin. Dit sluit in goedkeuring deur die landmeter-generaal en die minister vir die opening van ‘n woonbuurt, publikasie in die Staatskoerant en ander kwessies soos onder meer wetlike formaliteite en konsultasie. Sy het die versekering gegee dit sal in minder as vyf jaar afgehandel wees. Uitstaande prosesse sal nie die totstandkoming van die beoogde Groen Nedersetting-dorpsgebied op Plaas 37 laat skipbreuk ly nie.
Walvisbaai se hoof uitvoerende beampte, mnr. Muronga Haingura, het gesê die dorpsraad sal die oorblywende prosesse wat vinniger en gesamentlik afgehandel kan word, identifiseer om die proses te bespoedig.
“Verskeie ministeries is geraadpleeg om vas te stel of die gebied geskik is vir die totstandkoming van ‘n dorpsgebied en ons het die groen lig gekry. Daar is egter nog ‘n reeks ander prosesse wat gevolg moet word. Ons moet nog geo-tegniese studies doen en vasstel hoeveel straatblokke om woonerwe te akkommodeer tot stand gebring kan word.
“Die teenwoordigheid van klip kan byvoorbeeld die ligging van die straatblokke bepaal en finansiële implikasies hê,” het Haingura gesê.
Die dorpsraad het ook ‘n onderneming gegee dat dit gemeenskapsvergaderings byeen sal roep en die hele proses vir die totstandkoming van dorpsgebiede sal verduidelik ten einde beter begrip te bewerkstellig en enige wanvoorstellings uit die weg te ruim.
Teleurgestelde lede van die gemeenskap sê die Walvisbaai-munisipaliteit het hulle waningelig oor die proses betrokke by die aanskaf van Plaas 37 vir die totstandkoming van ‘n dorpsgebied en sê valse verwagtinge is geskep.
Volgens die lede was hulle onder die indruk die goedkeuring van Nampab (die Namibiese Raadgewende Beplanningsraad) sou onmiddellik die deur open vir toekenning van grond, voorsiening van dienste en konstruksie van huise op Plaas 37.
Die 2 000 hektaar stuk grond is oorkant die granietfabriek, in die omgewing van die Maxulili-monument en aangrensend aan die pad na die lughawe geleë.
Die adjunkburgemeester van Walvisbaai, me. Hilka Erastus, het lede van die gemeenskap verlede week tydens ‘n openbare vergadering oor Plaas 37 meegedeel dat die munisipaliteit die uitstaande prosesse so vinnig as moontlik sal afhandel.
“Die ontwikkeling van Plaas 37 is beslis op koers. Die munisipaliteit het die vorige week amptelike ministeriële goedkeuring van Nampab gekry en begin met die ontwerp en uitleg van die dorpsgebied, wat die volgende stap in die proses is. Sodra dit afgehandel is, sal die planne weer aan Nampab vir goedkeuring voorgelê word.
“Die sperdatum vir voltooiing kan enige iets tussen twee en vyf jaar wees en ons ondersoek maniere om die tyd te verkort. Een van die stappe wat oorweeg word om dit te verseker, is die moontlike vereniging van Nampab en die nedersettingsraad.”
Erastus het verduidelik die eerste fase van die proses, wat goedkeuring van Nampab vereis het en tot vyf jaar kon neem, is op ‘n vinnige trajek geplaas.
Sy het voorts gesê ‘n aantal ander prosesse moet steeds afgehandel word alvorens ontwikkeling kan begin. Dit sluit in goedkeuring deur die landmeter-generaal en die minister vir die opening van ‘n woonbuurt, publikasie in die Staatskoerant en ander kwessies soos onder meer wetlike formaliteite en konsultasie. Sy het die versekering gegee dit sal in minder as vyf jaar afgehandel wees. Uitstaande prosesse sal nie die totstandkoming van die beoogde Groen Nedersetting-dorpsgebied op Plaas 37 laat skipbreuk ly nie.
Walvisbaai se hoof uitvoerende beampte, mnr. Muronga Haingura, het gesê die dorpsraad sal die oorblywende prosesse wat vinniger en gesamentlik afgehandel kan word, identifiseer om die proses te bespoedig.
“Verskeie ministeries is geraadpleeg om vas te stel of die gebied geskik is vir die totstandkoming van ‘n dorpsgebied en ons het die groen lig gekry. Daar is egter nog ‘n reeks ander prosesse wat gevolg moet word. Ons moet nog geo-tegniese studies doen en vasstel hoeveel straatblokke om woonerwe te akkommodeer tot stand gebring kan word.
“Die teenwoordigheid van klip kan byvoorbeeld die ligging van die straatblokke bepaal en finansiële implikasies hê,” het Haingura gesê.
Die dorpsraad het ook ‘n onderneming gegee dat dit gemeenskapsvergaderings byeen sal roep en die hele proses vir die totstandkoming van dorpsgebiede sal verduidelik ten einde beter begrip te bewerkstellig en enige wanvoorstellings uit die weg te ruim.
Kommentaar
Republikein
Geen kommentaar is op hierdie artikel gelaat nie