'Verwag steeds die ongewone in 2017'

Trump, Zuma laat beleggers in 'n verknorsing

04 January 2017 | Ekonomie
“Ons moet leer om kompleksiteite te herken en te verstaan hoe dit ons kan pootjie,” waarsku Cees Bruggemans, raadgewende ekonoom van Bruggemans & Associates.

Onverwagte gebeure wat ons van baan laat verwissel, sal vanjaar steeds die wêreldekonomie oorheers, waarsku hy in 'n nuusbrief wat Maandag uitgereik is.

“Brexit was heeltemal onverwags, tog het dit 'n reuse-uitwerking gehad. Ná die uitslag in Junie was niks meer dieselfde nie, selfs al gaan dit 'n tydjie vir al die gevolge neem.”

Die optrede van politici soos Donald Trump en Jacob Zuma kan beleggers in 'n verknorsing laat oor onsekerhede en oor die keuses wat hulle moet maak.

“Om 'n oorsig te bied oor stelsels wat nie meer so doeltreffend werk soos dit moet nie – as dit ooit gewerk het – kan in tye wat bevolkings se verwagting­e styg daartoe lei dat die deksel van die drukkoker losskiet,” waarsku hy.

Die golf van populisme wat tans oor die wêreld spoel is 'n bewys daarvan dat die deksel begin lig nadat die ontevredenheid al lank aan die opbou is.

Hy verwys na die historikus-filosoof Alexis de Tocqueville, wat twee eeue tevore gesê het die Franse revolusie was net so onafwendbaar as wat dit onverwags was.

“Dís nou al 'n paar keer herhaal en ons sien 'n vars golf hier in ons eie tyd oorspoel.”

Oor die wyse waarop die Amerikaanse politieke verskuiwings die ekonomiese landskap kan verander, meen Bruggemans dat dit onwaarskynlik is dat dié land se grondwet sal faal of verander word. Die sleutelinstellings (onder meer reg en orde asook die ekonomiese stelsel) is gehard en langlewend.

“Maar Trump word gesien as die vaandeldraer van die agtergelate werkersklas in die VSA en iemand wat die bestaande bestel omverwerp. Die gevolge van sy beleidsverskuiwings kan selfs ons hier in Suid-Afrika bereik.”

Die probleem is egter dat dit steeds nie duidelik is hoe Trump twee maande ná sy verkiesing en drie weke voor sy inhuldiging die mandaat wat die kiesers aan hom gegee het sal uitvoer nie.

“Hy praat en twiet baie, maar in gesprekke voltooi hy byna nooit sy sinne nie, hy verskuif net sy gedagterigting en beweeg aan. Dis maklik om net geraas te maak.”

Dit is ekonomiese en maatskaplike kwessies soos werkloosheid en die herstel van sekerheid vir die middelklas wat Trump se volgelinge saambind, sê Bruggemans.

“Verminder buitelandse mededing­ing wat ons poste wegneem want ons vaardighede en tegnologie kan nie die pas volhou nie,” is wat dié kiesers vra.

Die oplossing is egter nie so eenvoudig soos om die hele konvooi skepe se spoed te verminder sodat die stadigstes kan byhou nie, waarsku Bruggemans.

“Die strukturele veranderings wat deur die vinnige groei van internasionale handel, migrasie en tegnologiese uitdagings genoodsaak word, verg eerder dat die ou skepe opgeknap moet word om by te bly sodat die konvooi se spoed hoër word.”

Hy verwag dat Trump eerder sal konsentreer op oplossings soos belastingvermindering en deregulering wat eerder die rykes sal bevoordeel, terwyl besteding aan infrastruktuur deur vennootskappe tussen private en openbare ondernemings bewerkstellig moet word. Perke sal op vrye handel en immigrasie geplaas word.

“Maatreëls soos hierdie sal die ekonomie stimuleer en vir 'n wyle beter resultate lewer, maar ons sal moet sien of dit werklik nuwe bronne van strukturele groei ontsluit.”

-Netwerk24

Soortgelyk

 

Nujoma, Iyambo na Mnangagwa se inswering

7 ure gelede | Politiek

Estelle de Bruyn Oudpres. Sam Nujoma en adjunkpresident Nickey Iyambo sal Namibië vandag in Harare by die inswering van Zimbabwe se tweede president, mnr....

Geingob: Tye het verander

7 ure gelede | Politiek

Estelle de Bruyn > ‘n Perfekte storm. Dís hoe pres. Hage Geingob die huidige politieke klimaat beskryf het toe hy gister Swapo se kongres...

Weer vir 24 November 2017

7 ure gelede | Weer

BINNELAND: Mooi weer en warm tot baie warm in die Suide, maar bloedig warm in die Weste. Elders sal dit gedeeltelik bewolk en baie...

Omaheke-afgevaardigdes kry groen lig

7 ure gelede | Howe

Jacqueline Louw'n Dringende aansoek van vier Swapo-lede van Omaheke om 27 afgevaardigdes van hul streek uit Swapo se kongres te hou, is Woensdag in die...

MUN in hof oor Swapo-kongres

7 ure gelede | Politiek

Catherine Sasman - Die Mynwerkersunie (MUN) het in ‘n laaste poging om die verteenwoordiging van die Nasionale Unie van Namibiese Werkers (NUNW) in die Swapo-kongres...

Kalender 24 November

7 ure gelede | Kuns en vermaak

Nou aan die gang» Sluit by die FNCC aan vir die laaste akoestiese Vrydag van die jaar. Verwelkom NOVA! Hierdie duo gaan vanaand die Akoestiese...

ACC pleit vir groter kapasiteit

7 ure gelede | Politiek

Catherine Sasman - Die Teenkorrupsiekommissie (ACC) versoek die regering om genoeg geld en personeel beskikbaar te stel sodat die publiek se verwagtinge rakende die bekamping...

Vinwalvis spoel by Swakop uit

7 ure gelede | In beeld

Me. Jermanneke Havemann van Swakopmund het hierdie vinwalvis gister naby die Seaside Hotel op Swakopmund opgemerk. "Hy moes baie oor die klippe gerol het, want...

Drywer besteel glo bekende avontuurgroep

7 ure gelede | Misdaad

Ronelle Rademeyer - Die toermaatskappy Nomad Adventure Tours gaan vandag (Vrydag 25 Nov) ’n klag by die polisie teen ’n Namibiese toerbusdrywer indien wat na...