Vervaardiging: Eskom, stakings kan 2019 knou

Sakevertroue bly swak

14 January 2019 | Afrika
Hanlie Stadler - Suid-Afrika se vervaardigingsektor strompel voort, maar dit wil voorkom asof dit in 2018 teen die vinnigste koers in vyf jaar gegroei het.

Nietemin is vervaardigers diep bekommerd. Eskom se probleme om krag te verskaf en gewelddadige stakings is van die faktore wat die sektor in 2019 kan belemmer.

Volgens Statistieke Suid-Afrika (SSA) was produksie volgens volume in November 2018 1,6% hoër as in November 2017. Vir die eerste 11 maande van 2018 was produksie 1,3% hoër.

Indien Desember se syfers op dié vlakke bly, sal dit die beste groeikoers sedert 2013 se 1,3% oplewer.

In die laaste vier jaar het vervaardiging bykans stilgestaan, met groei van 0,1%, 0% en 0,7% in 2014, 2015 en 2016 en ’n inkrimping van 0,5% in 2017.

Kos- en drankproduksie, wat die grootste gewig in SSA se indeks het, het in November op ’n jaargrondslag met 5,2% gegroei en motor- en onderdelevervaardiging met 6,2%.

Die groei is in dié maand deur ’n daling van 1,7% in basiese yster- en staalvervaardiging afgerem.

VERVAARDIGINGSEKTORE

Vyf uit die tien oorhoofse vervaardigingsektore het in dié maand gegroei.

Lara Hodes, Investec-ekonoom, sê vervaardiging bly onder druk omdat die plaaslike vraag swak is.

“Bedryfsprobleme, veral kragtekorte en hoër insetkoste, is steeds ’n demper. Tesame met ’n wêreldwye verlangsaming in die groei in uitvoerbestellings kan dit groei in die sektor aanhou kniehalter.”

Die Nedbank-ekonome Nicky Weimar en Dennis Dykes voorspel dat vervaardiging in 2019 matig beter sal vaar, maar daar is ook groot risiko’s wat groei kan onderdruk.

“Uitvoergerigte bedrywe behoort voordeel te trek uit matige groei in die wêreldekonomie en bestendiger hulpbronpryse, terwyl bedrywe wat op plaaslike vraag staatmaak ook effens beter behoort te vaar.”

Laasgenoemde is danksy ’n matige verbetering in verbruikersvertroue, wat huishoudings dalk meer kan laat bestee.

Omdat sakevertroue swak bly, gaan maatskappye steeds min kapitaalprojekte begin, wat vervaardigers vir dié projekte onder druk sal hou, volgens Nedbank.

Die Suid-Afrikaanse Kamer van Koophandel en Nywerheid het Donderdag bekend gemaak dat sakevertroue in Desember ’n trae 95,2 punte was, wat 1,2 punte laer as einde 2017 is.

MOONTLIK NOG ’N DROOGTE

Eskom se probleme om krag te voorsien bly ’n probleem vir vervaardigers, en baie firmas is ook bekommerd oor die risiko van arbeidsonrus in 2019.

Landbouvervaardigers kan geraak word deur die moontlikheid van nóg ’n droogte, sê Nedbank.

Wat uitvoer betref, sal onsekerheid voortduur oor die moontlike verlangsaming in China, proteksionisme in die VSA en elders, en die styging in Amerikaanse rentekoerse, maar Nedbank sê daar is reeds tekens dat die risiko’s opgelos gaan word.

China het byvoorbeeld sy monetêre beleid verslap om die ekonomie te help en dit lyk asof die handelsoorlog tussen die VSA en China beredder gaan word.

Daarby het die Federale Reserweraad Woensdag sy notule vir die Desember-vergadering uitgereik, waarin daarop gesinspeel word dat rentekoerse stadiger gaan styg. – Netwerk24

Soortgelyk

 

Geingob vergader met Nanso oor studiegeld

3 ure gelede | Onderwys

Me. Ester Simon, president van die Namibiese Nasionale Studenteorganisasie (Nanso), het pas bevestig die organisasie vergader vandag by Staatshuis met pres. Hage Geingob...

Mexikaanse sakeman wil Erindi koop

4 ure gelede | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

5 ure gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

6 ure gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

7 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

8 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

18 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

18 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

18 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...