Vervaardigers trotseer beurtkrag op soek na keerpunt

Drie grootste kategorieë tel kop op

13 May 2019 | Ekonomie
William Horne– Suid-Afrika se vervaardigingsektor het in Maart kop bo water begin hou ten spyte van onder meer die uitwerking van fase 2 tot 4-beurtkrag en kwynende sakevertroue.

Produksie volgens volume het in Maart vergeleke met Februarie vir die eerste keer dié jaar op ’n maandgrondslag positiewe groei van 0,8% aangeteken, volgens syfers wat Statistieke Suid-Afrika (SSA) Donderdag uitgereik het.

Dit is ook die hoogste maandelikse groeisyfer sedert Oktober 2018.

In Februarie was maandgroei -2% en in Januarie -2,6%.

In die drie maande tot einde Maart het die heersende afwaartse tendens wel nog nie heeltemal omgeswaai nie, met ’n daling van -2,4% teenoor die vorige kwartaal. Dit is dié syfer wat ’n rol gaan speel wanneer ekonomiese groei bepaal word.

Die land se drie grootste vervaardiging-kategorieë is besig om effens kop op te tel.

· Kosproduksie (verkope van R1,42 miljard tussen Januarie en Maart 2019)

· Yster- en staalproduksie (R1,33 miljard)

· Petroleum-, chemikalie-, rubber en plastiekproduksie (R1,23 miljard)

Kosproduksie het met 1% toegeneem, yster- en staalproduksie met 3,2% en petroleum- en chemikalieproduksie met 7%.

Gesamentlik het dié subsektors se verbetering 2,5 persentasiepunte se groei bygedra tot die jaargroei van 1,2% in vervaardigingsproduksie.

Aan die negatiewe kant het die produksie van petroleum- en chemiese produksie in die kwartaal met 3,8% gedaal, motorvervaardiging met 6% en hout en houtverwante produksie met 3,6%.

Absa se aankoopbestuurdersindeks (PMI) het in Maart op 45 punte gestaan. Dit bly egter onder die gesogte vlak van 50 punte, wat beteken die bedryf groei steeds nie. Die gemiddelde vir die hele eerste kwartaal staan op 47 punte.

Die PMI, wat deur die Buro vir Ekonomiese ondersoek van die Universiteit Stellenbosch saamgetel word, was laas in Desember bo 50 punte, ’n vlak wat sou dui op beter vooruitsigte vir groei. – Netwerk24

Soortgelyk

 

Covid-piek kom nog

6 ure gelede | Gesondheid

Henriette Lamprecht – Die voorkoms van bevestigde Covid-19-gevalle in Walvisbaai, tans die episentrum van die pandemie in Namibië, kan in middel tot laat Augustus die...

Boere bestry brand saam

6 ure gelede | Gemeenskap

Francoise Steynberg – Danksy die omliggende gemeenskappe se vinnige reaksie op ’n brand wat Dinsdag op plase aangrensend aan Erindi Private Wildreservaat uitgebreek het, is...

Weermag steun Walvisbaai

6 ure gelede | Gesondheid

Erwin Leuschner - Terwyl die aantal bevestigde Covid-19-gevalle op Walvisbaai gisteroggend met ’n rekordgetal toegeneem het, het die weermag ’n helpende hand aan die plaaslike...

Weer vir 2 Julie

6 ure gelede | Weer

BINNELAND: Sonnig en matig tot warm, maar baie warm in die verre Noorde. Winderige toestande sal oor die binneland voorkom. KUS: Sonnig en baie warm...

Raad van kerke staan sterk teen aborsie

6 ure gelede | Gesondheid

Denver Kisting – Die Raad van Kerke in Namibië (CCN), sê by monde van sy sekretaris-generaal, mnr. Ludwig Beukes, dit is dié liggaam se werk...

Aborsiedebat moet fokus op regte, nie godsdiens

6 ure gelede | Gesondheid

Henriette Lamprecht en Jana-Mari Smith – Die besluit om 'n aborsie te ondergaan, is 'n kwessie van persoonlike gewete wat nie in afwesigheid van enige...

San-meisie om op trots te wees

6 ure gelede | Gemeenskap

Tanja Bause – Vannessia Gaeses (17), 'n San-meisie wat vir die eerste keer skool toe is op negejarige ouderdom, is vandag 'n uitblinker in graad...

Leerskool vir veilige houtskoolaangebied

6 ure gelede | Landbou

Elvira Hattingh – Minder as 'n week nadat die Namibië Houtskoolvereni­ging (NCA) se Charcoal Village amptelik geopen is, word dit reeds inge­span om houtskoolprodusente te...

Lesersfoto's 2 Julie 2020

6 ure gelede | Leserpost

Fyn: Elize het die foto in haar tuin geneem.Asemrowend: “Ons bly in ’n ontsagwekkende mooi land,” sê Björn Basler. Strale: “Die foto is op ’n...