'Vermiste slagoffer van dwelmmoord'

14 November 2017 | Misdaad
Francoise Steynberg



Beweerde dwelmhandel, 'n hamer as moordwapen, 'n liggaam wat deur 'n voertuig gesleep en versteek word, is van die bisarre besonderhede in 'n moordvoorval op 'n rustige Suidedorpie.

'n Man van Tses, mnr. Josef Olifant (44), wat sedert verlede Sondag vermis was, se liggaam is presies 'n week daarna tussen die dorpie en Berseba naby die Visrivier gevind. 'n Verdagte is Sondag in verband met sy moord in hegtenis geneem.

Volgens die Namibiese polisie se koör­dineerder van misdaadondersoeke in die ||Kharasstreek, adj.komm. Chrispin Mubebo, is die oorledene se ontbinde lyk Sondag by die Visrivier deur 'n verbyganger gevind wat die polisie van Tses ingelig het.

“Toe die polisie op die toneel aankom, was die oorledene se liggaam nie meer op die dieselfde plek as wat die verbyganger beskryf het nie. Die soektog is uitgebrei en die oorledene se liggaam is later op 'n ander plek versteek onder klippe gevind. Dit word vermoed dat die verdagte die liggaam verskuif en versteek het,” het Mubebo gister aan Republikein gesê.

Volgens hom is Olifant op 5 November as vermis by die polisie aangemeld en sy verlate voertuig is die volgende dag op die B1-hoofweg gevind.

Mubebo sê 'n 32-jarige man van Berseba is die afgelope Sondag in hegtenis geneem in verband met die moord op die oorledene en die verdagte het glo 'n skulderkentenis by die polisie afgelê.

“Albei mans is vermeende dwelmhandelaars op hul verskeie dorpe en hulle ken mekaar. Die verdagte het glo vir Olifant in sy huis met 'n hamer doodgeslaan. Daarna het die verdagte glo Olifant se liggaam aan sy (die oorledene) voertuig vasgebind en na die Visrivier gesleep en daar gelos,” het Mubebo gesê.

“Die verdagte het glo daarna met Olifant se voertuig na die B1-hoofweg teruggery en dit daar agtergelaat.”

Die verdagte sal vandag in die landdroshof op Keetmanshoop verskyn. Die polisieondersoek duur voort.

Inwoners van Tses en Berseba word volgens die polisie toenemend slag­offers van dwelmmisbruik omdat dié dorpe op die B1-hoofweg geleë is en maklike teikens vir dwelmhandelaars op die deurgangsroete is.

Soortgelyk

 

Tronkstraf vir Rust

5 ure gelede | Howe

GesubJana-Mari Smith – Kai Rust, die boer van Okahandja, wat aan strafbare manslag skuldig bevind is ná die skietdood van mnr. Andreas Ukandanga (41) wat...

Visserye: Die poppe gaan dans

5 ure gelede | Ministeries

Catherine Sasman - Die ministerie van visserye en mariene hulpbronne sal binnekort ‘n puntekaart instel om groter plaaslike eienaarskap en deelname aan bestuur en bedryf...

NamPower makes progress in biomass field

5 ure gelede | Energie

Ogone Tlhage - NamPower is confident that biomass power stations will start feeding the national grid in due course. The power utility has in the...

Een botsing eis vyf

5 ure gelede | Ongelukke

Henriette Lamprecht'n Saak van strafbare manslag word ondersoek ná 'n grubotsing Vrydag op die hoofpad tussen Ondangwa en Eenhana.Die ongeluk het Vrydag omstreeks 22:30 naby...

Trotse Prinsloos oor nuwe Hollywood-pienkvoet

5 ure gelede | Mense

Ronelle Rademeyer“Om jou kleinkind die eerste keer vas te hou, is 'n wonderlike ervaring. En dit was hierdie keer weer so.”Só het past. Boet Prinsloo...

Weer vir 19 Februarie

5 ure gelede | Weer

BINNELAND: Meestal sonnig en baie tot bloedig warm in die Suide, andersins gedeeltelik bewolk en baie tot bloedig warm met 'n paar tot geïsoleerde donderbuie...

Gemeenskap groet oom Giel, tannie Sarie

5 ure gelede | Mense

Dr. Tshapaka Tsha-Khapolo, voorheen van die Raad van Kerke in Namibië (CCN): “Ons verdien Godsaligheid, nie haat nie.”

Plans for Karibib VTC in infant stage

5 ure gelede | Onderwys

The vocational training centre planned for Karibib might only open next year, if funds allow.Windhoek Vocational Training Centre (WVTC) manager, Paulus Haukongo, said the plans...

Volksmoord-nasate wysig klagstaat teen Duitsland

5 ure gelede |

Die Amerikaanse regspan wat namens die Ovaherero- en Nama-nasate van slagoffers van die volksmoord optree, het die klagstaat teen Duitsland gewysig wat voor ‘n New...