Vermeende verkragter bly agter tralies
Die 31-jarige man wat glo sy stiefdogter (13) verkrag het, het Dinsdag sy tweede verskyning in die landdroshof op Rehoboth gemaak.
Landdros Desire Kamboua het die saak tot 25 September uitgestel sodat die beskuldigde (sy naam word weerhou om die meisie se identeit te beskerm) regshulp kan bekom.
Die beskuldigde is weer borgtog geweier weens die ernstige aard van die saak en omdat dit nie in openbare belang is nie. Die polisieondersoek is ook in ‘n vroeë stadium. Hy is ingelig van sy reg om formeel vir borgtog aansoek te doen.
Die beskuldigde bly in aanhouding by die Rehoboth-polisiekantoor.
Volgens die Namibiese polisie se misdaadverslag het die voorval Vrydag omstreeks 21:30 in Blok E plaasgevind toe die ma van die meisie nie tuis was nie.
Die beskuldigde het sy stiefdogter glo verkrag en gedreig om haar te verwurg en dood te maak.
Hy het glo aan die slaap geraak en die slagoffer kon daarin slaag om na haar tannie te vlug, wat die saak by die polisie aangemeld het.
Die aanklaer, Zibiho Hillia Munzenze, het vir die staat verskyn. – Nampa en eie berig
Landdros Desire Kamboua het die saak tot 25 September uitgestel sodat die beskuldigde (sy naam word weerhou om die meisie se identeit te beskerm) regshulp kan bekom.
Die beskuldigde is weer borgtog geweier weens die ernstige aard van die saak en omdat dit nie in openbare belang is nie. Die polisieondersoek is ook in ‘n vroeë stadium. Hy is ingelig van sy reg om formeel vir borgtog aansoek te doen.
Die beskuldigde bly in aanhouding by die Rehoboth-polisiekantoor.
Volgens die Namibiese polisie se misdaadverslag het die voorval Vrydag omstreeks 21:30 in Blok E plaasgevind toe die ma van die meisie nie tuis was nie.
Die beskuldigde het sy stiefdogter glo verkrag en gedreig om haar te verwurg en dood te maak.
Hy het glo aan die slaap geraak en die slagoffer kon daarin slaag om na haar tannie te vlug, wat die saak by die polisie aangemeld het.
Die aanklaer, Zibiho Hillia Munzenze, het vir die staat verskyn. – Nampa en eie berig
Kommentaar
Republikein
Geen kommentaar is op hierdie artikel gelaat nie