Vermeende seksoortreder in hof
Die beweerde seksuele misbruik van minderjariges het in 2016 begin en tot Junie vanjaar voortgeduur.
Otis Finck - ‘n Man wat daarvan beskuldig word dat hy minderjarige meisies seksueel misbruik het, het Donderdag voor landdros John Sindano in die landdroshof op Walvisbaai verskyn.
Die vermeende seksoortreder mnr. Alexander Krylov (56) het glo ’n paniekaanval gehad en siek begin voel in die beskuldigde bank, terwyl die staatsaanklaer, me. Tresia Hafeni, klagte van verkragting, mensehandel en onsedelike dade met minderjarige kinders teen hom voorgelees het.
Die klagte teen hom is egter nog nie geformuleer nie, omdat die ondersoek voortduur.
Landdros Sindano het opdrag gegee dat die beskuldigde hospitaal toe geneem word om vas te stel wat fout is. Hy is in ’n polisievangwa van die hof af na ’n plaaslike hospitaal geneem waar hy onder polisiebewaking opgeneem en behandel is.
Hafeni het bevestig die saak is tot 9 November uitgestel.
Klagte van verkragting, wat vyf minderjarige meisies betrek en glo vroeër vanjaar in Walvisbaai plaasgevind het, staar Krylov in die gesig.
Hy het die meisies glo van Kuisebmond af na ’n woonstel op die dorp geneem waar hy by verskeie geleenthede seksuele omgang met hulle gehad het.
Adjunkpolisiekommissaris Erastus Iikuyu het bevestig die beskuldigde, wat in diens van die Namibiese hawe-owerheid is, is op Walvisbaai in hegtenis geneem.
Die beweerde seksuele misbruik van minderjariges (twee van die slagoffers is 15 jaar oud en die ander drie is 16) het in 2016 begin en het tot Junie vanjaar voortgegaan.
Drie van die slagoffers is hoërskoolleerlinge. Twee is van Walvisbaai. Een is ’n graad-8 leerling en die ander in graad 9, terwyl die een van Swakopmund ’n graad 6-leerling is. Die ander twee slagoffers is jong skoolverlaters.
Volgens speurinspekteur Daniel Gurirab is die meisies in groepsverband seksueel misbruik.
“Een van die meisies se ouers het ontdek wat aan die gang is en ’n klagte aanhangig gemaak. Die ander meisies en hul ouers is ook opgespoor en oorreed om dit op die lappe te bring. Ek vermoed die twee skoolverlaters het die ander slagoffers beïnvloed om deel hiervan te wees.”
Krylov is van Rusland en leef en werk reeds ’n geruime tyd op Walvisbaai. Hy is ook in 2009 in hegtenis geneem in verband met die ontvoering van ’n minderjarige meisie. Die klaer het egter die klagte teen hom teruggetrek en hy is vrygelaat.
Die vermeende seksoortreder mnr. Alexander Krylov (56) het glo ’n paniekaanval gehad en siek begin voel in die beskuldigde bank, terwyl die staatsaanklaer, me. Tresia Hafeni, klagte van verkragting, mensehandel en onsedelike dade met minderjarige kinders teen hom voorgelees het.
Die klagte teen hom is egter nog nie geformuleer nie, omdat die ondersoek voortduur.
Landdros Sindano het opdrag gegee dat die beskuldigde hospitaal toe geneem word om vas te stel wat fout is. Hy is in ’n polisievangwa van die hof af na ’n plaaslike hospitaal geneem waar hy onder polisiebewaking opgeneem en behandel is.
Hafeni het bevestig die saak is tot 9 November uitgestel.
Klagte van verkragting, wat vyf minderjarige meisies betrek en glo vroeër vanjaar in Walvisbaai plaasgevind het, staar Krylov in die gesig.
Hy het die meisies glo van Kuisebmond af na ’n woonstel op die dorp geneem waar hy by verskeie geleenthede seksuele omgang met hulle gehad het.
Adjunkpolisiekommissaris Erastus Iikuyu het bevestig die beskuldigde, wat in diens van die Namibiese hawe-owerheid is, is op Walvisbaai in hegtenis geneem.
Die beweerde seksuele misbruik van minderjariges (twee van die slagoffers is 15 jaar oud en die ander drie is 16) het in 2016 begin en het tot Junie vanjaar voortgegaan.
Drie van die slagoffers is hoërskoolleerlinge. Twee is van Walvisbaai. Een is ’n graad-8 leerling en die ander in graad 9, terwyl die een van Swakopmund ’n graad 6-leerling is. Die ander twee slagoffers is jong skoolverlaters.
Volgens speurinspekteur Daniel Gurirab is die meisies in groepsverband seksueel misbruik.
“Een van die meisies se ouers het ontdek wat aan die gang is en ’n klagte aanhangig gemaak. Die ander meisies en hul ouers is ook opgespoor en oorreed om dit op die lappe te bring. Ek vermoed die twee skoolverlaters het die ander slagoffers beïnvloed om deel hiervan te wees.”
Krylov is van Rusland en leef en werk reeds ’n geruime tyd op Walvisbaai. Hy is ook in 2009 in hegtenis geneem in verband met die ontvoering van ’n minderjarige meisie. Die klaer het egter die klagte teen hom teruggetrek en hy is vrygelaat.
Kommentaar
Republikein
Geen kommentaar is op hierdie artikel gelaat nie