Vermeende gemsbokstroper gewond

08 July 2019 | Misdaad
'n Vermeende gemsbokstroper is Donderdag op 'n plaas in die Omaruru-distrik in die been gewond.

Volgens die Namibiese polisie is 'n 49-jarige man omstreeks 17:00 Donderdag op die plaas Ondongandje in hegtenis geneem terwyl twee ander verdagtes op die vlug geslaan het.

"Twee polisiereserviste wat besig was met patrollies het 'n oproep ontvang dat voetspore van verdagte stropers op dié plaas gekry is. Hulle het die voetspore gevolg en op die toneel afgekom waar twee gemsbokke geslag is. Daarna het hulle drie mans op heterdaad betrap terwyl hulle die vleis oor drade gehang het," lui die Namibiese polisie se misdaadverslag.

"Toe die verdagtes die reserviste sien, het hulle op die vlug geslaan. Die reserviste het hulle gejaag en een van hulle het na bewering gestop en begin om klippe na hulle te gooi."

Volgens die polisie het die reserviste verskeie waarskuwingskote afgevuur, maar dit is geïgnoreer. Een van die verdagtes is in sy regterbeen gewond.

"Hy is na die Omaruru-staatshospitaal geneem en is in 'n stabiele toestand onder polisiebewaking. Die ander twee verdagtes wat ontsnap het, is goed bekend aan die polisie."

Die twee gemsbokkarkasse ter waarde van N$10 000 is gekry en die polisieondersoek duur voort.

Die foto van die gemsbokkarkas is verskaf en ter illustrasie.

Soortgelyk

 

Kolonel, onderwyser vas oor wild

8th of July 16:03 | Misdaad

'n Weermagkolonel (51) van die Otavi-weermagbasis en 'n onderwyser is vanoggend omstreeks 01:00 met twee duikers, twee hase, twee springhase en een wildsbok by...

Leerlingdokters, -tandartse by staatshospitale uitgeplaas

47 minute gelede | Gesondheid

’n Totaal van 131 leerlingdokters is by verskeie hospitale dwarsoor die land uitgeplaas om met hul internskap van twee jaar te begin. Die leerlingdokters sal...

Hof: Minister skuldig aan korrupsie

16 ure gelede | Howe

In 'n geskiedkundige eerste vir Namibië is me. Katrina Hanse-Himarwa, die minister van onderwys, kuns en kultuur, vandag in die hoërhof in Windhoek skuldig bevind...

Voortrekker: “Namibië nie ’n desperate land”

16 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

16 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

16 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

16 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

16 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...

D-Dag vir Katrina

16 ure gelede | Howe

Denver Kisting – Die minister van onderwys, kuns en kultuur, me. Katrina Hanse-Himarwa, hoor na verwagting vandag of die hoërhof reken sy is skuldig aan...