Verkiesingskommissie tel weer: Swapo wen steeds

Verskil was eers 12 stemme, nou 20

24 September 2021 | Politiek
Augetto Graig – Die Verkiesingskommissie van Namibië (ECN) het gister die stembriewe van die streekraadsverkiesing vir die Ndonga Linena-kiesafdeling – wat op 25 November 2020 plaasgevind het – by sy hoofkantoor in Windhoek oorgetel. Swapo se kandidaat, mnr. Kampota Michael Shiwana, het weer gewen.

Die ECN se verkiesingsbeampte vir die Ndonga Linena-kiesafdeling, mnr. Bernhardt Salla Ndumba, het die nuwe resultate aangekondig en gesê mnr. Daniel Balthazar Djami van die All People's Party (APP) het 1074 van die hergetelde stemme ontvang, steeds 20 minder as Shiwana.

Mnre. Patrick Shiyemo Kashera van die Independent Patriots for Change (IPC) het 72 stemme ontvang, en Kassian Kayeya Shipapo van die Popular Democratic Movement (PDM) eindig op 146 stemme.

Volgens Ndumba was daar die keer 20 bedorwe stembriewe.

Die kwessie van bedorwe stemme was die oorsaak van die verkiesingshof se beslissing wat op APP se aandrang die hertelproses op die ECN afgedwing het. Die APP het bewyse ingedien van foute in die waarnemende beamptes se besluite oor die geldigheid van stembriewe.

Nadat die hof die ECN gedwing het om dié politieke party toegang tot die bedorwe stembriewe te gee, is besluit dat al 2386 stembriewe gister oorgetel oes word.

Die hoofverkiesingsbeampte, mnr. Theo Mujoro, sê die ECN het nou aan die hofbevel voldoen. Hy het gesê die hertelproses is gedoen om vorige foute reg te stel. Hy het ook genoem dat al die 22 betrokke waarnemende beamptes na Windhoek gebring is om vir die hele proses teenwoordig te wees.

Hy beklemtoon ook dat die vier partye wat in die verkiesing meegeding het, almal na die hertelling genooi is. Swapo se sekretaris-generaal, me. Sophia Shaningwa, het vooraf gesê hulle verwerp die ECN se hertelling en sal nie deelneem nie. Beamptes van Swapo en ook die IPC was nie by die ECN-hoofkantoor nie.

Die APP was teenwoordig, maar die party se sekretaris-generaal, mnr. Vinsent Kanyetu, sê hulle is steeds nie tevrede nie. “Ons stem met 'n potlood. Waar kom die ink vandaan?” wil hy weet.

Volgens Kanyetu het hy self gesien dat op sowat 11 stembriewe met potlood gemerk was en ook weer met pen, terwyl die ECN net potlode vir stemdoeleindes voorsien.

Volgens hom kon ECN-beamptes nie oor die inkmerke antwoord nie, maar het met die proses voortgegaan. “Hulle weet nie, nou wie sal dan weet?” sê hy.

“Elke keer is daar 'n nuwe onreëlmatigheid. Die ECN is nie betroubaar nie. Selfs die beamptes wat hulle hier gebring het, ons van die streek ken hulle; die meerderheid dra Swapo-lidkaarte. Van hulle het kriminele rekords en ander is oudweermag- of -polisiebeamptes.

“Die ECN moet hul huis in orde kry en moet mense van goeie agtergrond aanstel.

“Dié is nie die einde nie, maar net die begin. Môre vergader die topagt van die APP. Die APP sal besluit wat ons sal doen, maar ons sal nog skuldige individue uitsonder en een vir een agtervolg.”

Kanyetu sê: “Ons is 'n vreedsame party en ons vertrou hierdie instansie met 'n nasionale plig, maar om verkiesings te manipuleer en met uitslae te peuter, kan demokrasies vernietig,” dring hy aan.

[email protected]

FOTO’s Augetto Graig

Soortgelyk

 

Vier sterftes, 25 nuwe gevalle

2 ure gelede | Gesondheid

Die Covid-sterftes styg met vier (een tuissterfte) tot 3 538. Gister is 25 nuwe gevalle aangemeld, 'n positiewe koers van 2,2%. Dit sluit drie leerlinge,...

PAS IN: Drie uit ses skuldig aan moord

6 ure gelede | Howe

‘n Vrou wat ‘n groep mans betaal het om haar man te vermoor, is vandag in die hoërhof in Windhoek skuldig bevind aan moord.Die oorledene...

MTC en regering gaan saamwerk om inentings teen Covid...

7 ure gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

7 ure gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

8 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Tweede lugmagongeluk binne enkele weke

19 ure gelede | Ongelukke

Tunohole Mungoba en Ellanie Smit‘n F-7 vegvliegtuig van die Namibiese lugmag het vroeër vandag by die Ondangwa-lughawe neergestort.Die weermag het joernaliste wat kort na die...

Creativity and mental health: Where do we overstep

19 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

19 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

19 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...