Verkeersman sonder 'n prys
'n Angolese man het op klagte van die oortreding van die teenkorrupsiewet op Karibib verskyn.
Des Erasmus - 'n Karweier van Windhoek van Angolese herkoms, mnr. Vicente Fanivamwe (50), is deur lede van die teenkorrupsie-eenheid in hegtenis geneem nadat hy glo 'n verkeersinspekteur van Karibib omkoopgeld aangebied het.
Sy aanvanklike losprys was N$3 000, maar later het hy die verkeersman N$20 000 aangebied as hy die bestuurder van die voertuig tog net sou laat gaan.
Fanivamwe is Sondag op Karibib op klagte van oortreding van die teenkorrupsiewet in hegtenis geneem en by die polisiekantoor aangehou.
Volgens 'n woordvoerder van die teenkorrupsie-eenheid kan nóg drie voertuie van V. Fanivamwe Transport by die saak betrokke wees, hangende die ondersoek.
Volgens die klagstaat het die voorval 'n verkeersinspekteur wat op 17 Februarie op patrollie was, op die teerpad tussen Okahandja en Karibib, betrek.
Die bestuurder van die vragdraer en die vragwa self is op Karibib aangehou.
Die eienaar van die onderneming is hierna van die voorval ingelig.
Omstreeks 07:45 op 18 Feb was Fanivamwe self op Karibib waar hy sy korrupte aanbod vir die vrylating van die bestuurder en die vragmotor na N$20 000 verhoog het.
Die oorspronklike N$3 000 is ook aan die verkeersman gegee.
Die verkeersman het die vragmotor met 'n vrag bier op die hoofpad voorgekeer.
Die voertuig het volgens die klagstaat 'n vervalste lisensie vertoon.
Die datum van die regte lisensie het verval en is nie hernu nie.
'n Bedrag van N$3 000 is die verkeersman aangebied nadat die bestuurder blykbaar met die eienaar in Windhoek geskakel het.
Op 18 Februarie het Fanivamwe self na Karibib gery waar beslag reeds op die vragmotor gelê is en die bestuurder aangehou is.
Die verkeersman is volgens die klagstaat toe N$20 000 aangebied as hy net die bestuurder en die vragmotor sou laat gaan.
Die aanbod is op 18 Februarie aan die verkeersinspekteur gemaak.
Die aanvanklike N$3 000 is toe ook aan die verkeersman oorhandig.
Daarna het lede van die teenkorrupie-eenheid, soos ooreengekom, toegeslaan.
Fanivanwe het op 20 Februarie op Karibib verskyn waar borgtog van N$4 000 aan hom toegeken is.
Die saak is tot 23 Maart uitgestel.
Sy aanvanklike losprys was N$3 000, maar later het hy die verkeersman N$20 000 aangebied as hy die bestuurder van die voertuig tog net sou laat gaan.
Fanivamwe is Sondag op Karibib op klagte van oortreding van die teenkorrupsiewet in hegtenis geneem en by die polisiekantoor aangehou.
Volgens 'n woordvoerder van die teenkorrupsie-eenheid kan nóg drie voertuie van V. Fanivamwe Transport by die saak betrokke wees, hangende die ondersoek.
Volgens die klagstaat het die voorval 'n verkeersinspekteur wat op 17 Februarie op patrollie was, op die teerpad tussen Okahandja en Karibib, betrek.
Die bestuurder van die vragdraer en die vragwa self is op Karibib aangehou.
Die eienaar van die onderneming is hierna van die voorval ingelig.
Omstreeks 07:45 op 18 Feb was Fanivamwe self op Karibib waar hy sy korrupte aanbod vir die vrylating van die bestuurder en die vragmotor na N$20 000 verhoog het.
Die oorspronklike N$3 000 is ook aan die verkeersman gegee.
Die verkeersman het die vragmotor met 'n vrag bier op die hoofpad voorgekeer.
Die voertuig het volgens die klagstaat 'n vervalste lisensie vertoon.
Die datum van die regte lisensie het verval en is nie hernu nie.
'n Bedrag van N$3 000 is die verkeersman aangebied nadat die bestuurder blykbaar met die eienaar in Windhoek geskakel het.
Op 18 Februarie het Fanivamwe self na Karibib gery waar beslag reeds op die vragmotor gelê is en die bestuurder aangehou is.
Die verkeersman is volgens die klagstaat toe N$20 000 aangebied as hy net die bestuurder en die vragmotor sou laat gaan.
Die aanbod is op 18 Februarie aan die verkeersinspekteur gemaak.
Die aanvanklike N$3 000 is toe ook aan die verkeersman oorhandig.
Daarna het lede van die teenkorrupie-eenheid, soos ooreengekom, toegeslaan.
Fanivanwe het op 20 Februarie op Karibib verskyn waar borgtog van N$4 000 aan hom toegeken is.
Die saak is tot 23 Maart uitgestel.
Kommentaar
Republikein
Geen kommentaar is op hierdie artikel gelaat nie