Vergenoeg kry nuwe waterkraan

Gemeenskap help self die slote grawe

29 April 2021 | Regering
Augetto Graig – Inwoners van die informele nedersetting Vergenoeg was die afgelope Saterdag baie in hul noppies toe Okahandja se burgemeester, me. Natasha Brinkman, persoonlik hul nuwe waterkrane kom open het.

Die voorafbetaalde watertoevoerstelsel is gevestig met die hulp van tussen 50 en 60 gemeenskapslede wat slote vir die installering van die pype help grawe het.

Volgens die gemeenskapswoordvoerder mnr. Sethy Gariseb is die pype vanaf Oshetu Nommer Een tot by Vergenoeg tussen 3 Maart en 9 April aangelê. Hyself het ook saans ná werksure gaan help grawe voor hy huis toe is, vertel Gariseb.

Saam met die ander sowat 200 inwoners van die nedersetting is hy baie trots op die prestasie.

Brinkman is ook al 26 jaar ’n inwoner van Okahandja en sê sy het persoonlik die munisipale werkers gewys waar om die nuwe krane op te stel.

Vergenoeg se nuwe waterpunt is deel van ’n projek om toevoer ook na die nedersettings Saamstaan, Oshetu Nommer 3 en Vyfrand te bring, sê sy. “Hierdie raad se doel is om water nader aan die mense te bring.”

Haar ander fokuspunt is grond en sy sê die dorpsraad is reeds besig om erwe in Oshetu Nommer Een, Twee en Drie te formaliseer. “Ons is amper klaar met die paaie, dus konsentreer ons nou op grond. Ons wil die nedersettings formaliseer en die inwoners die erwe gee, met die toekenning van titelaktes,” het sy gesê.

Vergenoeg se inwoners sal nog moet wag voor hulle tot by daardie fase vorder, omdat die nodige beplanning nog afgehandel moet word. Spesifiek moet grond verkry word om sommige inwoners heen te verskuif, waar dorpsbeplanning dit sou vereis, sê sy.

Volgens haar is daar 11 000 inwoners op Okahandja se waglys vir grond. “Mense moet net geduldig wees,” sê sy. Brinkman is ook vasbeslote dat die “Tuindorp” weer skoon kom. Hierdie proses is aan die gang, sê die burgemeester.

[email protected]

Soortgelyk

 

Pastoor verkrag glo tienerseuns

8 ure gelede | Howe

Augetto Graig – 'n Pastoor wat tereg staan op vier klagte van verkragting van vier minderjarige seuns, is op borgtog vrygelaat.Die seuns is almal onder...

Eerste nag in selle vir Boulter

8 ure gelede | Howe

Ester Kamati op Outjo – Die invloedryke Britse miljardêr mnr. Harvey Eric Boulter (51) se aansoek om borgtog is gister in die landdroshof op Outjo...

Weer vir 12 Mei 2021

8 ure gelede | Weer

BINNELAND: Dit sal aanvanklik koud wees in die binneland, maar andersins sal dit sonnig en warm tot baie warm wees. In die Noorde sal dit...

Vermeende beesdiewe loop hul rieme styf

8 ure gelede | Misdaad

Ronelle Rademeyer – Drie mans is op Otjinene in aanhouding nadat hulle na bewering Sondag naby Summerdown die slot van 'n plaashek geknip en helder...

'Glyjakkalse' loop hul rieme styf

8 ure gelede | Howe

Twee jong mense wat glo by ver­skeie oornagplekke in die noorde van die land bedrog gepleeg het, is Vrydag in hegtenis geneem. Mnr. Francois Strydom...

Mobiele Covid-toetseenheid by padblokkade

8 ure gelede | Gesondheid

Die eerste mobiele Covid-19-toetsgeriewe vir toeriste is by die Okahandja-padblokkade op die B1-hoofpad geopen. Die mobiele eenheid is 'n inisiatief deur die Toer- en Safarivereniging...

Otji-5-verhoor: Weduwee wil vergoeding eis

8 ure gelede | Howe

Marc Springer – Die weduwee van 'n Zimbabwiese burger wat twee jaar gelede op Otjiwarongo vermoor is, het die eerste wetlike hekkie oorkom in haar...

Tweejarige peuters verdrink in puttoilet

8 ure gelede | Misdaad

Volgens die Namibiese polisie se misdaadverslag het twee kinders, beide twee jaar oud, Saterdag in 'n puttoilet verdrink. Die ongeluk het omstreeks 14:00 in die...

Transgender aanrandingsaak teen polisielid begin

8 ure gelede | Howe

Jana-Mari Smith – Die verhoor waarin 'n transgender Namibiër 'n klag van aanranding teen 'n polisiebeampte aanhangig gemaak het, het Maandag in die hoërhof in...