Verdagte ontsnap by Usakos

17 April 2018 | Misdaad
Denver Kisting - 'n Man (21) wat weens beweerde geslagsgebaseerde geweld by die polisiekantoor op Usakos in aanhouding was, het ontsnap.

Adj.komm. Erastus Iikuyu, ­koördineerder van misdaadondersoeke in die Erongostreek, het gister­oggend aan Republikein gesê mnr. ­Natangwe Daniel is steeds op vrye voet nadat hy Saterdag op die vlug geslaan het.

“Ons het hom nog nie weer in hegtenis geneem nie. Ons soek hom nog.”

Die voorval het omstreeks 11:00 plaasgevind terwyl die aangehoudenes met kos bedien is.

Volgens Iikuyu is Daniel se minnares intussen na 'n veilige hawe geneem sedert die nuus oor sy ontsnapping rugbaar geword het.

Tydens die beweerde voorval op 'n plaas in die Usakos-omgewing, waarvoor Daniel in aanhouding beland het, het hy glo gedreig om sy meisie aan te rand, sê Iikuyu.

'n Saak in daardie verband is verlede naweek by die polisie aanhangig gemaak.

Volgens die senior polisiebeampte is dit onseker of Daniel dalk reeds die Usakos-distrik verlaat het.

“Dit is moeilik om te sê.”

Soortgelyk

 

Vier mans vas oor onwettige wapens

5 ure gelede | Misdaad

Vier mans is die naweek by 'n padblokkade by Otjiwarongo met onwettige vuurwapens en ammunisie in 'n voertuig vasgetrek. Volgens die Namibiese polisie se misdaadverslag...

Rehoboth se kapteinskantoor toe

17 ure gelede | Plaaslik

Mnr. John McNab, kaptein van die Rehoboth Baster Gemeente, sê hy het mnr. Martin Dentlinger se bedanking aanvaar. Daarmee is die voorlopige opvolger van die...

Shifeta: Houtkappery is onwettig

17 ure gelede | Omgewing

Catherine Sasman – Nie ‘n enkele omgewingsklaringsertifikaat is ooit uitgereik vir die afkap van en kommersiële handel in hout nie. Dit beteken die grootskaalse...

Afwagting groot vir Mars-landing

17 ure gelede | Tegnologie

Ronelle Rademeyer - Knap voor tienuur Namibiese tyd vanaand land die ruimteman dr. Japie van Zyl en sy span se InSight-verkenningstuig ná ’n reis van...

Staal van Otavi binnekort ’n werklikheid

17 ure gelede | Byvoegsels

Die lank verwagte staalaanleg op Otavi het vandeesmaand ’n stap nader aan die werklikheid gekom toe Nedbank onderneem het om die N$2,7 miljard-projek te finansier.Die...

Telecom: Jooste vererg oor Klein-skorsing

17 ure gelede | Plaaslik

Yanna Smit Volgens berigte Vrydag op sosiale media is die uit­voerende hoof van Telecom Namibia, mnr. Theo Klein, geskors ná 'n ondersoek na 'n oënskynlik...

WEER VIR 26 NOVEMBER

17 ure gelede | Weer

BINNELAND: Gedeeltelik bewolk en baie tot bloedig warm met geïsoleerde tot verspreide­ donderbuie op plekke, die verre Suide en Suidweste uitgesluit.KUS: Gedeeltelik bewolk en koel...

Wildsfees kry nuwe baadjie

17 ure gelede | Byvoegsels

Groot veranderinge word vir volgende jaar se bekende Outjo Wildsfees beplan. Nuwe lewe word in die fees geblaas deur 'n benadering, vroeë beplanning en topkunstenaars....

Dippenaar-saak: Getuie dreig glo ander

17 ure gelede | Howe

Erwin Leuschner – ’n Getuie in die moordverhoor van mnr. Jandré Dippenaar het Donderdag 'n saak van aanranding deur dreigement by die Swakop-polisiekantoor aangegee, met...