Verbod op invoere weens voëlgriep

Knopvelsiekte in Otjituuo

10 February 2017 | Landbou
Elvira Hattingh - Die ministerie van landbou, water en bosbou het gister 'n verbod aangekondig op die invoer van alle lewende voëls, pluimvee, asook pluimveeprodukte van lande af wat deur die hoogs aansteeklike voëlgriep (HPAI) geraak word.

Die kennisgewing is uitgereik kort nadat dit bekend geword het dat die virus in sekere dele van Europa, Asië en Afrika onder pluimvee uitgebreek het.

Van die lande wat geaffekteer is, sluit in Frankryk, Duitsland, Hongarye, Nederland, Pole, Swede, Oekraïne, Rusland, Denemarke, Engeland, Italië, Griekeland, Indië en Nigerië.

Alle invoerpermitte na Namibië is dus weer vir dié lande gekanselleer.

Volgens die Wêreldorganisasie vir Dieregesondheid (OIE) is die inkubasietyperk van die siekte 21 dae.

Voëlgriep is 'n oordraagbare siekte onder voëls wat deur die A-lyn van die griepvirus veroorsaak word. Alle voëls is vatbaar vir die infeksie, hoewel sommige meer weerstandig daarteen is as ander.

HPAI word gekenmerk daaraan dat voëls skielik ernstig siek raak. Dit lei tot 'n vinnige dood met 'n sterfte­syfer van om en by 100%.

Algemene kliniese tekens sluit die volgende in: die voël se kop en kam swel en verkleur pers, die voete swel en vertoon rooi, interne organe en spiere bloei, groen diarree kom voor, die voël draai sy nek, en verlamming kom in die bene en vlerke voor.

Voëlgriep word ook veroorsaak deur die H5N1- en H7N9-subtipes en kan aan mense oorgedra word.

Mense kan deur hul oë, neus en mond met die virus in aanraking kom as hulle met siek voëls werk, die vleis van siek voëls eet of met siek voëls se spoeg of ontlasting werk.



KNOPVELSIEKTE VERSPREI

Intussen het die ministerie ook bekend gemaak dat knopvelsiekte nou by Okangeama in die Otjituuo-gebied uitgebreek het en dat sewe beeste van vyf gesinne tot dusver geraak is.

Die gebied is binne die Okakarara-kiesafdeling geleë.

Die direktoraat van veeartsenydienste het gevolglik die beweging van beeste na nabygeleë nedersettings soos Okomuparara, Okomita, Omingerenjeu, Ondjiripumua, Omaundjiro, Elandspan, Ozonjune,

Otjiwamapeta, Okahumba en Okozombo tot verdere kennisgewing verbied.

Terselfdertyd begin veeartsenydienste met aktiewe ondersoeke by Otjituuo om die omvang van die siekte te bepaal en padblokkades word opgestel om seker te maak gehoor word aan die vereistes gegee.

Die ministerie het boere in die omgewing en in die res van die land aangeraai om hul vee teen die siekte te ent. Verder moet die vermoedelike uitbreking van die siekte by die naaste staatsveearts aangemeld word.

Boere kan hul vee sulfonamides en antibiotika gee om sekondêre bakteriese infeksie te voorkom en diere te help om die siekte te oorkom.

Soortgelyk

 

Verbod op pluimvee uit SA, België

10 ure gelede | Landbou

Ronelle Rademeyer - Die direktoraat veeartsenydienste het ‘n verbod geplaas op die invoer van alle lewende pluimvee, die produkte afkomstig van pluimvee, volstruise en volstruisprodukte...

'Staat manipuleer saak teen Rust'

19 ure gelede | Howe

Jacqueline Louw – Die regsverteenwoordiger van mnr. Kai Rust het gister aan die streekhof aangevoer die staatsaanklaer in die landdroshof op Okahandja het die moordsaak...

Angelina besoek president

19 ure gelede | Plaaslik

Francoise Steynberg - Die bekende Hollywood-aktrise en kampvegter vir menseregte, Angelina Jolie, kuier weer in Namibië.Sy het gistermiddag 'n welwillendheidbesoek by pres. Hage Geingob by...

Beseerde lyfplankryer na SA gevlieg

19 ure gelede | Ongelukke

’n Suid-Afrikaanse lyfplankryer wat vroeër tydens ’n lyfplanksessie by Donkiebaai beseer is, is na die buurland gevlieg. Die bestuurder van die Welwitschia private hospitaal, mnr....

Gewapende rooftog by bakkery

19 ure gelede | Misdaad

Francoise Steynberg - 'n Gewapende rooftog het gisteroggend by die Otjomuise Bakkery in Windhoek plaasgevind.Volgens die Namibiese polisie se misdaadverslag het sewe onbekende mans tussen...

Weer vir 27 Junie 2017

19 ure gelede | Weer

BINNELAND: meestal sonnig en war, tot baie warm in die Noord, maar gedeeltelik bewolk en matig tot warm elders in die land.KUS: Gedeeltelik bewolk en...

Man spring van jetty af

19 ure gelede | Misdaad

Francoise Steynberg'n Man het gister in die vroeë oggendure van die jetty op Swakopmund gespring en is steeds vermis.Volgens die Namibiese polisie se misdaadverslag het...

Geen borgtog vir 'nalatige' ma

19 ure gelede | Misdaad

Twee babaseuns doodAdolf Kaure op Swakopmund - 'n Ma wat gister in die landdroshof op Swakopmund op klagte van strafbare manslag en kindermishandeling verskyn het,...

Vrou 12 keer met byl gekap

19 ure gelede | Misdaad

Francoise Steynberg 'n Man het sy vrou Vrydag glo 12 keer met 'n byl gekap en daarna homself gehang.Volgens die Namibiese polisie se misdaadverslag...